ما هي غريبه لو كوى الوقت رجال
لكن غريبه لو وفا الوقت دايم
يقولها من هو تفّنن‚‚ بالامثال
شخصٍ كواه الوقت مّر وتهايم
الوقت مال ومع ميلته مال
حظٍ تمنيته ولو يوم قايم
حملي ثقيل وله تعزويت بالحال
واعلن خضوع الحال مرّ الهزايم
من هو سألني بالاجابات احتال
عن واقعٍ ياسه يهدّ العزايم
يا سائلي هاذي افاده بالاحوال
طير الحزن شوفه على العمر حايم
وقمت اتنخّى وجاني الدمع همّال
من بعدها ماني على الحال لايم
خريج وقتٍ به تخصصت غربال
ما هو بكيفي ميرها ذي القسايم