لكل قصه حب ... احلام و مدينه .. ليل و نخيل و هبوب
لكل قصه حب ... لو كانت حزينه .. اجمل الوان الغروب
ناظري ضي الحوانيت القديمه .. و نقش ابواب البيوت
كلها شعر و مواعيد قديمه ... و صوت قلبي اللي يموت وما يموت
لكل قصه حب ... عذال و حسود .. ليه تخدعنا الاماني و الليالي السود
اشعلي جمر العناد .. قربي ما عاد اشوفك .. لا يفرقنا السواد .. ارسمي وجهك و كفوفك
ولا تجرحنا عيون الليل .. و حروف النميمه .. و لا يعذبنا السكوت
ان عطشنا او شربنا الدمع .. ديمه .. للهوى بنحيا و نموت
لكل قصة حب اشواك و ورود .. وليه نصرخ من المها و كلها تنبت في عود
ناظري هذا قمرنا لو تغطيها الغيوم .. و ناظري هذا شجرنا مهما تحرقها السموم
و لو تجرحنا عيون الليل .. و حروف النميمه .. و لو يعذبنا السكوت
ان عطشنا او شربنا الدمع .. ديمه .. للهوى بنحيا و نموت
شعر / بدر بن عبدالمحسن