»الموت ما هو أنك تكتفن بترابك الموت أنك تحب حي ويفارقك
في بيت اسامه:
كان اسامه فرحان وهو يسمع اخر اخبار اعمال ولده فارس في المهمه اللي وكلوها له وهي مطارده ايمان الحقيقيه و مدىت تقدم ولده فيها
اسامه: عفيه على ولدي فعلا تربيتي الحين لا ايمان ولا عامر يقدرون يسوون شيء ضدك.. لانك محاصرهم من كل الجهات...
فارس: اكيد يااا ابوي.. هم حاسين انهم بدوا ينكشفون خصوصا ان عامر ما قدر يمثل الغضب لما شافني معها لكن لما استمر في هذا الوضع وكل ظاهر بوجههم لازم يفضحون اعمارهم حتى يبين لي انها عمتي و ما يجوز اللي قاعد اسويه فيها
اسامه: وهذا اللي نبيه ياا ولدي ولا تنسى ان ثروه كبببببببببببيره تنتظرنا لما تنجح مهتمنا ونكشفها عند ابوي..
فارس: ولدك و تربيتك ياا ابوي و شيء طبيعي انجح في مهمه عطيتني ارشادات فيها
اسامه: ههههههههههههههه هذا الشبل من هذا الاسد..
فارس: هههه فعلا...
فيصل كان جالس يسمع حوار ابوه المزعج مع اخوه و يتافف بعد ما سكر اسامه الخط التفتت له: خيييير؟؟
فيصل: لحد الحين ماني فاهم ايش هو ذنب البنت اللي اوهمتها انكم بتزوجونها
اسامه بغرور: قصدك هند..... عاادي..
فيصل وهو يهز راسه اسى: حرام على يا ابوي... البنت الحين متوقعه و بانيه امال ان فارس اخوي بيتزوجها بس اللي بيصير انه لما تنكشف عمتي ايمان كل شيء راح يتغير و راح تتركونها سواء رسميا او من غير شيء...
اسامه: تحمد ربها ان واحد مثل ولد فارس خطبها .. واذا انت لهذي الدرجه شفقان عليها..تزوجها انت
فيصل حرك راسه لاخوه عبدالعزيز اللي كان يلعب بفونه و متجاهلهم .. فيصل تنهد من منظر اخوه من سنين وهو خايف ان اخوه عبدالعزيز يصير مثل فارس و ابوه و هذا الشيء صاير يزيد عنده خلال هذي الفتره من كثر اللي قاعد يصير من حولهم..
فيصل طلع و ترك ابوه و عبدالعزيز لحالهم في المكتب.. اسامه: هذا ايشفيها..
عبدالعزيز: ما ادري عنه.... صاير حنون على كبر ههههههه
اسامه قرب من عند عبدالعزيز وبدا يتامل في فونه: ايش هذا ؟؟
عبدالعزيز: مسجات حب و غزل من مجهوله..
اسامه: اترك عنك هذي السوالف و ركز في دراستك علشان تروح تدرس بره ..
عبدالعزيز بضحك: هههههههههه اكيد.. اصلا انا ما في قلبي ولا اعترف بشيء اسمه حب...
اسامه: ما شاء الله طالع علي...
-
-
في بيت نواف
كانوا كل افراد العائله يتشاركون وجبه العشاء بهدوء وفاطمه كانت اكثر الموجودين ابتسامه الشيء اللي لفت انتباه نواف
نواف رفع حاجبه: دلوووعتي فرحانه
فاطمه بابتسامه: اكيد بفرح صاااااااار شيء يووونس اكثير اليوم..
نواف: ممكن اعرفه..
فاطمه بدلعك انتظر كم يوم و بتعرف...
نواف: لااااا بلييييييييز لا تقوولين كذااا ما فيني انتظر..
ساره اللي كانت حاسه ان نواف كان يسوي هذي الحركات حتى يقهر عواطف اللي مازال ما يكلمها الا برسميه قررت تقاطعه
ساره: نواف فاطمه احنا قاااعدين ناااكل ,,, خلووا السوالف لبعيدين..
بو نواف: خليهم ياا ساره .. فاطمه ما تشوف نواف الا نادرا خليها تكلمه... عواطف حبيبة ابوها ليش ما تاكلين..
عواطف كانت عارفه ان ابوها قاعد يخفف عنها و يكلمها مثل ما نواف يكلم فاطمه: قاعده اكل..
بونواف بحنان:لا تقولين كذااا اكلك قليل و صاايره نحيييييفه انا ابيك دبه مثل فاطمه..
فاطمه بضحك: اناااااااا دبه
نواف: ههههههههههه بعيد الشر.. الدببه عارفين نفسهم..
مع ان نواف كان يقصد عواطف ابوه غير الوجه عليه: اناااااااا
ساره ضحكت: اكيد.
و ضحك الكل و استمروا ياكلوا و يسولفون لحد ما انقطع عليهم بدخول ديما: نووووواف
نواف رفع حاجبه لما شافها : ديما
ساره: هلا ديما تعالي تعشي معنا؟؟؟
ديما بغرور : ما ابي عشا .... ابي اكلم زوجي اللي ما يرد على اتصالاتي..
نواف ببرود : كنت مشغوول ياا هانم..
ديما : والحين اعتقد مانت مشغول ممكن نتكلم؟؟
نواف بثقه : اذا عندك شيء قوليه قدام اهلي
ديما بخبث : اذا كان هذا طلبك فاوووكي.......... انا حامل ...
-
-
التوقعاات:
1- هل اللي قالته ديما صحيح وانها حامل ؟
2- ايش بيكون موقف نواف منها و من اهلها و اهله؟
3- شنو بتسوي ايمان لما تعرف باللي صار؟
40 نوف وعلاقتها السيئه مع عامر الى اين.؟
5- فاطمه على شنوو ناويه مع جسار؟ وهل راح يكشفها؟
6- المسجات اللي توصل لعبدالعزيز من من وهو على ايش ناوي؟؟
7- ريم و مصيرها بعد ما خسرت زوجها؟
8- فواز هل راح يتغير اتجاه ايمان ان عرف من كوكي؟
نهــــــــاية الجــــــزء