»الموت ما هو أنك تكتفن بترابك الموت أنك تحب حي ويفارقك
ايمان توسعت عيونها بصدمه من الذكرى حركت عيونها لظهر نواف اللي كان يكلم وحده من الشغالاات من غير تفكير قالت: كوكي؟؟؟
نواف اللي كان معطيها ظهره توسعت عيونه.... بس بسرعه غير ملامحه لنظره هاديه: هلااا؟؟ ايش قلتي؟؟
ايمان حست انها غلطت و بابتسامه قالت: ولا شيء...
نواف بابتسامه: هذي انطوانتيت راح ترافقك لغرفتك و تعطيك الملابس اللي اشتريتها لك...
ايمان ابتسمت: اشتريت لي ملابس..
نواف: اتمنى يعجبك ذوووقي..
ايمان: احتمال انه ما يعجبني كبير خصوصا ان ارضاء ذووووقي صعب...
ايمان مشت مع الشغاله للغرفه وهي تقول في نفسها : يمكن تسرعت... و هذي مجرد صدفه... كوكي بنت اناا متاكده...
نواف ظلت عيونه على ايمان اللي صعدت السلم الضخم مع الشغاله الفرنسيه.. : اسم كوكي ... شلون نادتني فيه.... معقوله تكون ماغي....... لااا مستحيل... كلام ماغي غير... وهذي غير...
ادوارد قرب من نواف و معه موبايله: سيدي انا اسف على ازعاجك لكن الوالد اتصل اكثر من مره و مصر على انه يكلمك...
نواف: ابوي؟؟؟
اخذ نواف الموبايل من ادوارد وهو متملل : الو؟؟
جاسم بعصبيه: واخيرا تكرمت و رديت علي؟؟
نواف: ايش سبب هذي النبره الغاضبه...؟؟
جاسم : تتكلم وكان الموضوع بسيط وانت عارف سبب عصبيتي يااا ولد..
نواف انقهر من كلمه يا ولد: مافي داعي لهذا الكلام ... ما اعتقد ان في سفري سبب لهذي العصبيه..
جاسم: الا في.. ايمان...
نواف: اعتقد اني اخذتها بموافقتها و ماهو غصب عنها او من غير لا تدري...
جاسم: انت تدري ان ايمان ماهي وحده من محارمك و فوق هذا استغليت جهلها لهذي المعلومه و اخذتها معك...
نواف رفع حاجبه: يعني هي ما تدري؟؟
جاسم: لو انها تدري كان ما رضت و لو عرف جسار بيسبب لنا مصيبه...
نواف بابتسامه خبيثه: انا ما نظرت ابدا لايمان على انها غريبه بالعكس اعتربتها خالتي و حتى اني اناديها خالتي رغم فارق العمر بعكس باقي افراد العائله.. بس يظهر ان عقليتكم المريضه هي اللي ترفض تصديق هذا الشيء... كل تفكيركم مريض..
جاسم كان مصدوم كلام ولده الاسلوب الغير محترم معه كان شيء معتاد لكن تحسيسه بانه انسان مريض و معقد كان شيء ثاني...: نواف اسمعني..
نواف: انت اسمعني.!!! انا نواف البدر مليون بنت تتمناني تتصور اني ممكن انظر لوحده قبيحه مثل اخت زوجتك!!! هذا واحد ... اثنين ان كنت ابي شيء منها راح اخذه و متى ما بيغت و حتى لو قدامكم يعني ماني محتاج اخذها مكان بعيد حتى اسوي اللي ابيه....لانه مافي واحد منكم يقدر يفتح فمه بكلمه... والحين بااااااااااااي... عندي اجازه اقضيها ...
نواف سكر الخط بسرعه في وجه ابوه من غير لا يعطيه يتكلم كلمه زياده و رجع الموبايل لادوارد...
ادوارد: ما الامر...
نواف من غير نفس: ولا شيء...
ايمان وهي تركض على الدرج: نوووووووووووووووووووووووووووووووووووواف
نواف غير ملامحه لابتسامه مصطنعه: هلاا
ايمان ركضت له بعصبيه: ايش هالملابس اللي اشتريتهم لي؟؟؟؟؟؟
نواف: اشهر الماركات العاليمه و افضل المصممين؟؟
ايمان: للاسف ما عجبوووني يااا سيد عبقري...
نواف: ليش؟
ايمان: لانهم ماهم ستاااايلي....
نواف بضحك: وايش هو ستايلك يااا سيده ستايل...
ايمان بضحك: تعال معي السوووف وانا اوريك اياااه.
-
-
-
جاسم بعد ما سكر نواف الخط في وجهه ظل في مكتبه محوط راسه بايديه الثنتين و مطفي الضوء كان يبي يجلس لحاله من غير لا يجيه احد او يزعجه استمر وقت لحاله و بعدها قطعت انعزاله: بو نواف؟ ليش جالس في الظلام...
جاسم من غير نفس التفتت لها: لا تناديني بهذا الاسم....
ساره بخوف مشت لعنده وحطت يدها على كتفه : ايش اللي صار ؟؟ كلمت نواف...
جاسم: الحقييييييييير... ما يعرف يقدر هالشيبات اللي راسي ولا العمر اللي قضيته معه .. يكلمني اسوء من اسوء موظفيه و يهيني بكل وقاااحه...
ساره حست بالم من منظر زوجها و من اللي سواه ولده فيه هي كانت عارفه من اول يوم جاء فيه نواف لبيتهم ان حياتهم بتكون صعبه بسببه وانه ابدا ما راح يتقبلها او يتقبل ابوه... و رغم هذا نواف كان يتصرف بطبيعه عاديه بس في بعض الاحيان يظهر الوجه الحقيقي الحاقد عليهم ..
ساره: جاسم تعالي معي المجلس... جسار جالس لحاله...
جاسم بخوف حرك عيونه لها: لايكووون..
ساره: تطمن قلت له ان ايمان طالعه المزرعه مع البنات و ما حددت اي وحده فيهم حتى ما ننكشف..
جاسم وهو يتنهد الراحه: الحمد لله..
ساره وهي تهز كتفه: يالله تعال غير جو...
-