رواية "الا ليت القدر" للكاتبه بقايا شتات..
دخل غرفته وهو يحس كل عظم فيه مكسور..دور عليها عليها بالصاله وبغرفة النوم وبالغرفه الثانيه وما حصلها..
اكيد ما راح تكون موجوده..
اتصل على اريام وكان صوته تعباااااان: بدون ما تقولين اسمي..بس ردي بأيه او لا ..
اريام توهقت وهي تشوف مدى تطالعها وهي تاكل شوكلاته: ايوه..واخبارك ؟؟
ضاري عرف انها عنده بس حب يتأكد: مدى عندك ؟
اريام نزلت راسها وواضح انها مرتبكه: ايوه..الحمد لله بخير..
ضاري: اوكي..بس حبيت اتطمن يله باي.."وسكر"
اريام: اوكي ان شا الله اشوفك بكره باي .."وحطت الموبايل"
مدى مستغربه: مين ؟؟
اريام: هذي ...هذي منار..يا حوبي لها..ودها تشوفني بكره..
مدى ابتسمت: منار مره عسل..خليها بكره تجي هنا ونجلس معاها..
اريام ابتسمت مجامله: ايوه راح اقولها..يله خلينا ننام..
مدى: بأفرش اسناني وارجع لك.."وراحت"
اريام: ايش بينهم..متهاوشين بسبب سطام ولا ايش؟؟
مدى بدورة المياه تفرش وتطالع نفسها بالمرايه..تفكر بضاري وايش صار عليه..
: آآآآآآه..ايش فيني انا ..احس اني ابيه وودي اجلس معاه...وبنفس الوقت اكره وجوده..
صارت تفرش اسنانها بقوه وبسرعه ...تحاول تبعد الافكار المتعبه عن بالها..
ضاري كان جالس على السرير وبأيده الموبايل يضرب به وجهه بخفيف ويفكر بمدى وتصرفاتها من اول اليوم..
فجأه وقف وحس انه منهاااااااااااااار..طالع مكانها الفاضي ومن القهر سحب الغطا ورماه بعيييد...
: آآآه ليش الحظ معاي واقف..ليييييييييييييييييييييه؟؟؟
&&&&&&&&&&&&&&&&&&&&
باليوم الثاني...
وبعد الغدا اللي نفس الشي ما حظرته مدى ..والكل توقعه بسبب هوشة امس..
مدى جالسه بين البنات وضاري معاه جهازه..سلطان جنب سطام بس ساكت..
وحمد يطالع التلفزيون..
سطام: احم..ممكن تسمعوني شوي..
الكل التفت عليه..
سطام: وضع امي ابدا ما ينسكت عليه..يعني مو معقول نخليها طول العمر عند خالي...وكمان مو معقول ترجع من نفسها..ولا ايش رايك داد؟؟
حمد ما علق..
اريام: انا معاك..
دانا ولانا: واحنا كمان...
مدى طالعت البنات وكيف لهفتهم على امهم رفعت ايدها بتردد: وانا .....
ضاري وابتهال لفوا عليها بنفس الصدمه..
سطام استغرب حركتها مع ان واضح من كلام امه ان العلاقه بينهم ابدا مو كويسه..
ابتهال منصدمه: مــــدى !!
مدى همست: امهم ضروري ترجع..ارفعي ايدك معاي...
ابتهال رفعت ايدها عشان دانا ولانا..
سطام: اوكي كذا الاغلبيه مستعد يصالح امي ويرجعها..وانت يبه؟؟
حمد لما شاف ان الكل يبي يرجعها: رجعوها اذا رضت حياها الله..
سطام: داد..انت عارف امي بنقول لها ان ابوي بيفكر بموضوع ضاري..بس اهم شي ترجع اوك!!!
حمد سكت..
سطام واخيرا لف على ضاري..
ضاري على طول: لا تطالعني مالي دخل..
اريام: ضاري بس....
ضاري: وقف واخذ اوراقه وجهازه : قلت مالي دخل.."وراح"
سطام:
It is ok..
...ما عليكم..احنا نكفي والليله نرجع موضي..
اريام: امك يا اللي ما تستحي..
سطام: ههههههههههه طيب راح نرجع.. my mother
دانا ولانا تحمسوا..
مدى كانت تسوي اللي يملاه عليها ضميرها وبس..مهما كانت النتايج..او حتى لو انها عارفه ان مع رجعة موضي بتزيد المشاكل بالبيت..
سطام طالع مدى اللي واضح انو بالها مو معاها..توقع انه رد جميل له بعد حركة امس لما وقف معاها..وابتسم..
لانا طالعت سلطان: ولد عمي ساكت !!
سلطان ابتسم: ايش اقول..
ابتهال تذكرت سالفة جانيت وعرفت انها اكيد هي اللي ماخذه تفكيره..
راحت وجلست جنبه..
: اخوي طلعنا شوي..ولا خذني لمشاعل..
سلطان: حددي تبين مشاعل ولا تطلعين..
مدى: لا تنسين راح نروح اليوم لموضي بالليل..
ابتهال لفت على سلطان: اجل اروح لمشاعل الحين..
سلطان: اوكي..شوي واخذك لها..
&&&&&&&&&&&&&&&&&&&&&&
دخل غرفته وحط اللاب حقه على الطاوله ورمى الاوراق والملفات على الكنب..وصار يروح ويجي بالغرفه وهو ان الدم يغلي بعروقه..
ما يدري سبب تصرفات مدى اللي تغيرت فجأه..امس كانوا مثل السمنه على العسل وهي تحاول تراضيه واليوم فجأه قلبت عليه..واللي يزيد الطين بله انها راح تروح معاهم لموضي عشان ترجع..مع انها عرفت ان ضاري مو ولدها..ويكفي اللي شافته منها من اول ما جات للقصر..
وصل لسبب يبرر تصرفاتها بس على طول بعده عن باله"لالا مستحيل..مستحيل ان يكون السبب سطام..مستحيل"
جلس على الكنب وهو يهز رجوله وساند ذقنه على ايديه ..وسمع صوت الغرفه ينفتح وما حاول يلف..
بس شاف مدى دخلت غرفة النوم...واضح انها كانت تبي تاخذ كم غرض وطلعت منها..وصلت لعند الباب بتطلع خلاص..
ضاري ما تحمل يسكت وبسرعه لف عليها ووقفها: مــــدى !!
مدى دق قلبها خوف ووقفت بدون ما تلتفت..
ضاري: ابي سبب واحد يبرر لي تصرفاتك..
مدى الحين اكتشفت نفسها انها مشتته اصلا ماهي حاسه بنفسها وايش قاعده تسوي..وسؤال ضاري كان مره وجيه بس للاسف ما كانت تملك له جواب..نزلت راسها وطلعت...وتركته..
ضاري ما تحمل الضغط النفسي اللي محاصره..اخذ خداديه كبيره كانت جنبه ورماها بعيد بقوه لدرجه انو طاحت معاها كم تحفه على الارض وتهشمت..وهو يتنفس بسرعه ..حط ايده على شعره ورجعه على ورى ..وهو حاس ان الدنيا ضاقت عليه من كل جهه..
&&&&&&&&&&&&&&&&&&&&&&&
بالسياره..
جالسه وساكته..ودها تحكي معاه وتفتح الموضوع بس ما تدري كيف..
وهو حس بسكوتها ولف عليها: ابتهال ...ايش عندك ساكته فيك شي ؟
ابتهال ارتبكت: ها.. لا مافي شي..بس انت فيك شي؟
سلطان وكأن ما صار شي: انا الحمد لله..مبسوط ومرتاح..تعينت اليوم بمنصب مدير قسم..
ابتهال فرحت لها مع ان قلبها يعورها عليه: بجد !!! مبرووووووووووووووك..ليش ما قلت لنا عشان نسوي لك بارتي..
سلطان ابتسم: خلاص سوي لي مفاجأه وكأني مادريت..
ابتهال حاولت تضحك بس ما قدرت..وهي تتذكر شكل جانيت لما كانت واقفه جنبه وقريبه منه...واليوم اللي بعده صرحت له عن مشاعرها..
وقف عند بيت مشاعل...ولا حست انها وصلت..
لف عليها وبحنيه: لحد الان ما ودك تقولين لي ايش فيك؟؟
ابتهال ما كانت معاه طالعته: ايش؟؟؟
سلطان تنهد: اقول انزلي وصلنا بيت صديقتك..وقولي لها تسلم على اخوها عبد الله..
ابتهال وهي تطالع بيت مشاعل وتفتح الباب: اوك يوصل..لا تتأخر علي..عشان بروح معاهم لموضي..
سلطان: ابشري..
وحرك سيارته لما شافها دخلت البيت وتسكر عليها...
>>>>>>>>>>>>>>>>>>>>>>>>>>>
اول ما دخلت وكشفت وجهها..
مشاعل على طول صرخت من الفرحه: بهووووولتي..اشتقت لك "وحضنتها"
ابتهال بشوفة مشاعل حست روحها ردت لها: هلا والله وانا بعد اشتقت لك..
مشاعل تذكرت الخبر اللي عندها وابتسمت ابتسامه واااسعه..
ابتهال وهي تدخل معاها داخل البيت: الابتسامه هذي وراها سر..
مشاعل ضحكت: يعني ايش بيكون فيه؟
ابتهال: ما ادري عنك..اسألي نفسك..
مشاعل: انتي ادخلي عند امي..وانا بروح اتصل على مرام عشان تجي..هي موصتني تقول من تجين عندي اعطيها خبر..
ابتهال: يا حوبي لها...اوكي وانا بروح اسلم على امي ام ناصر مشتاقه لها ..لحد ما توصل مرام..
دخلت عند ام ناصر..وسلمت عليها اللي فرحت فيها مثل كل مره تشوفها وكأنها وحده من بناتها واكثر..
>>>>>>>>>>>>>>>>>>>>>>>>>>>>>>