رواية "الا ليت القدر" للكاتبه بقايا شتات..
مدى بعد ما سمعت صرخة ضاري وانه ما يبي يشوف احد ..راحت عنه..حتى ضاري مو اقل تعب عن اريام..كمان هو كان في نفس الموقف..
هي حبت من باب المساعده تكلمه عن امه موضي..هي من كثر خوفها على اريام قالت له هالكلام ولا اكيد انها ما تقصده..
اخذت ابتهال ونزلوا تحت لغرفتهم الخارجيه..برى القصر الي صار له يومين كئيب.. وحالتهم صعبه..
رجعوا من السفر ومعاهم ارمله..ونعش...واحزان..
وتذكرت وجه ضاري وهو داخل عليهم وكان لونه اسود..
" : راح نرجع السعوديه...
حمد منصدم: ليه ؟؟!!
ضاري: سامي اعطاكم عمره..
حمد انصعق: لا حول ولا قوة الا بالله.. ان لله وان اليه لراجعون.. لا حول الله..
موضي: وين بنتي !!!
ضاري: هي الحين بالمستشفى..اغمى عليها...قلت اجي واقولكم وارجع لها..
دانا بكت: ضاري متأكد ان ما فيها شي !!
ضاري: لا ما فيها شي ..
مدى وابتهال اللي حاسين بمرارة خبر الموت وفاجعته.. شي اكبر من الواحد يعبره بسطور وكلمات..
وبسرعه بكوا : الله يرحمه...الله يرحمه..
لانا وقفت: انا بطلع..بروح عند ريماس..
الخبر صابها بالكآبه ولا حبت الجو..
: سمعتي الخبر !!
ريماس: أي خبر؟؟
لانا: زوج اريام توفى..
ريماس انصدمت: ايش!!
رهام ولطيفه سمعوا لانا..
لطيفه صرخت: يا حسرتي عليك يا بنت اخوي..يا حسرتي عليك..
رهام بكت: وينها الحين اريام ؟
لانا : بالمستشفى..يقول ضاري تجهزوا رحلتنا اليوم..
لطيفه ورهام بسرعه راحوا عند موضي ...يهدونها..
مدى وابتهال طلعوا لغرفهم..الموقف ذكرهم بأمهم وما وقفت عينهم من الدموع..الموت هو الضيف الوحيد اللي ما تحسب حسابه..واذا وصل ما نقدر نرده وما ياخذ الا كل غالي علينا.."
نبها من تفكيرها..صوت جانيت..
: مدى...مدى كيف صارت اريام هلآ..!
مدى وعيونها دمعت ومسحتها: لا احسن..الحين هاديه ونايمه..
جانيت: ما حدا راح يلومها.. جوزها راح من بين ايدها..
مدى: الله يرحمه..
ابتهال دخلت غرفة النوم تبكي...
>>>>>>>>>>>>>>>>>>>>>>>>>>>
بغرفة اريام..
الحداد واللون الاسود ملا عيونها..ولا في شي ممكن يواسيها او يعزيها بسامي..
سامي رحل ..ورحلت معاه روح اريام..هو الحبيب ..هو العشيق ..والزوج.. هو كل شي بحياتها..راح من بين ايديها يبكي..
" اول ما دخلت عليه ..شافته في اسواء حالاته ..ما قد شافت هالتعب كله على وجهه من قبل..
قربت منه بخطوات مو ثابته..
: سامي...!!
سامي من سمع صوته فتح عينه وطالعها ...ما قدر يتكلم..بس عيونه نسجت حكايات وعبرت عن كل شي بداخله..
اريام حطت يدها على وجه بحنان: سامي..رد علي بكلمه...
سامي: اريام..سامحيني..
اريام دموعها صارت تجري مثل السيل: مسامحتك يا سامي..مسامحتك ولا عمري فكرت ازعل عليك..
سامي والكلام كل شوي يصعب عليه..ما يقدر يتنفس .حط ايده على يدها
: ضاري عارف السالفه.. هو راح يقولها لك..
اريام ضمته: سامي ...لا تتركني؟...
سامي: اريام انا احبك..والمذكرات اللي بالدرج لك..وكل شي ابيه منك موجود فيها..وهذي اللي بقى مني..
اريام بعدت عن حضنه وطالعت ملامح وجهه تبي ترسمها بعيونها: لا سامي.. لا تقول لي هالكلام..الله يخليك..عشاني يا سامي لا تروح..
سامي سكت ما عاد قدر يتكلم..بس اكتفى انه يطالعها..ومد ايده لوجهها يتحسسه لاخر مره...
اريام..ودها تسوي شي..سامي بيروح منها ولا بيدها شي..
وقفت: سامي بروح انادي الدكتور..
سامي بسرعه مسك يدها وهز راسه بياس بمعنى " لآ"
اريام حاطت على رجولها..واخذت ايده وباستها باقوى ما عندها..
وفجأه حست انها ارتخت..
اختفى الدم من وجهها...وحتى الدموع وقفت عن الانهمار..
وهزت ايده: سامي..." وهزتها اقوى" سامي..
وقفت على ركبتها وهي تشوف وجهه ما عاد يتحرك.مسكته من اكتافه وهزته: سامي...سامي رد...انا اريام..رد علي...قولي لبيه..قولي مثل ما كنت تقول يا عيونه..قولي أي شي بس رد علي..
وصرخت: ساااااااااااااامي..
خالد وضاري من سمعوا الصرخه ..عرفوا ايش حصل..
خالد: روح لها...وانا بروح انادي النيرس..
ضاري راح لها بسرعه ودخل عليها..
اريام على طول لفت عليه: ضاري..اخوي تعالي شوف سامي ما قام يرد علي...
ضاري والعبره بحلقه شالها من الارض وحضنها: ترحمي عليه يا اريام..
اريام صرخت وهي بحضنه: هو ما مات يا ضاري.. ما مات..
ضاري سحبها وهي بحضنه برى الغرفه واريام ما زالت تردد " ما مات..سامي ما مات يا ضاري بشكل هستيري"
وبعدها طاحت من بين ايدين ضاري"
مسحت دموعها اللي ما جفت ولا وقفت : الا الان مستعده ابكيك طول العمر يا سامي.. بس ترجع لي يوم واحد...
&&&&&&&&&&&&&&&&&&&&&&&&&&&
بعد يومين من الاحداث..
ابتهال: ايش كنت بسأل عنه كمان... اممم..ايوه..البنات كيف عندكم بالمدرسه؟؟
دانا: هههههه وش هالسؤال..البنات بنات عادي..
ابتهال: لا يعني مثلا مغرورات او شايفين انفسهم..؟
دانا: لالا عادي..هو على حسب البنت...
ابتهال: احس اني بطفش من مدرستكم..
دانا: بالعكس راح تنبسطي كثير..
جاتهم مدى: بنات خلونا نجلس شويه عند اريام..
دانا: والله نحاول بس ما ترضى..
مدى: لا خلونا نجرب..ما راح نخسر شي..
وفعلا طلعوا من غرفتهم الخارجيه ودخلوا القصر..
شافوا موضي جالسه وحالتها متغيره مع حالة اريام..وما رضت باللي قاعده تسويه اريام بنفسها..
وموجود حمد..اللي كان طول فترة الازمه اللي مروا فيها حابس نفسه بمكتبه..ما يقدر يشوف اريام بالحاله هذي ولا يقدر يسوي لها شي...
اما لانا..كانت طول الايام تروح عند ريماس تتهرب من جو البيت الكئيب والحزين..
وطلعوا فوق...
مدى: انتوا خليكم بالصاله..وانا بأخلي اريام تجي معاي..ابيها تطلع من غرفتها..
وفعلا جلسوا البنات ومدى ضربت الباب ودخلت...حصلت اريام جالسه على السرير وبالها بعيد..
: ادخل !!
اريام طالعت مدى ووجها خالي من التعابير: تفضلي..
جلست مدى جنبها ومسكت ايدها: تجين معاي؟؟
اريام: وين؟
مدى: هنا بالصاله..غيري شوي من جو الغرفه..
اريام: لا مدى خليني هنا..
مدى: عشان خاطري تكفين..تعالي معاي..
اريام: مدى بليز مالي نفس..
مدى وقفت وسحبتها من ايدها: معليش قومي معاي..
اريام وقفت معاها جبر..والدنيا في عيون اريام ما عاد لها طعم وفي بالها" ايش الحياة بدون سامي !!"
طلعت وشافت ابتهال ودانا جالسين..وابتسموا لها..
ابتهال: وربي نورتي...
دانا: وحشتيني يختي..تكفين تعالي جنبي...
مدى: لا تزعجونها بشويش عليها " وجلستهّا.."
اريام جلست وعلى حالها..
مدى: انا اقترح بصراحه نروح الشرقيه كم يوم عند البحر...
دانا: وربي فكره جهنميه.
ابتهال: يله مشينا...
مدى: ايوه انتوا شجعوا..بس من راح ياخذنا هناك..
الا ضاري مر من عندهم : على وين ناوين !!
دانا: مدى تقول نبي الشرقيه..
ضاري طالع مدى..متغيره بالايام الاخيره..لكن بعد ايش بعد ما عرف ان في شخص بحياتها...
ابتهال: عشان اريومه تحب البحر..ضاري بليز خذنا هناك..
ضاري: اذا حصل لي فرصه اخذتكم..
دانا وابتهال كل وحده ضربت كف الثانيه: يـــــس..
ضاري ابتسم وهو ماشي على حركاتهم..صايرين ثنائي هالثنتين..بس حلوين مع بعض..
&&&&&&&&&&&&&&&&