[قلب الزهـــور]

رواية "الا ليت القدر" للكاتبه بقايا شتات..

رهام جاتهم وهي لابسه برمود لنص الساق لونه بيج مع تيشرت بني فيه رسمات بالذهبي..
:هاااي..
دانا: هلا وغلا..منوره وقسم ..كيفك يا قمر..
رهام: هههههههه يقطع ابو الشوق اللي ذوبني هلا فيك..انا بخير انتي كيفك؟
دانا: ههههه تمامو.
سلمت على ابتهال: هلا والله اشتقت لك تصدقين..
ابتهال: هههههه وانا بعد اشتقت لك..
رهام: دنو اذا كنتي راح تجين بيتنا جيبي معاك ابتهال اوك..
دانا: من عيوني والله..
وجلسوا مع بعض وسوالف...

>>>>>>>>>>>>>>>>>>>>>>>>>>>>>>>

جالسه تمشي وتتخبط خطاها من الخوف..ما تدري هي تمشي بالطريق الصح ولا...حست ان الطريق اطول مما كان..
: انا ويني فيه...!!مررره ظلام كيف راح اشوف؟
"وحست انها راح تبكي خلاااااص هي لحد الان صامده وما نزلت دمعتها.."
:لا ما راح ابكي..اكيد راح احصلهم...السالفه كلها مزرعه.."وكملت مشي
"

>>>>>>>>>>>>>>>>>>>>>>>>>>>>

عند البنات..

: هههههههههههه بس ملقوفه بشكل مو طبيعي..مدى ما تتحملها ..
رهام: لا جد هذي لازم اشوفها..
دانا: الا وين مدى؟
ابتهال: يمكن مع جانيت مع اخواني..
رهام: ولا يمكن مع الحريم..
دانا: ههههههههههههه رهوم بالله عليك تشوفين جانيت بس ملعونه عليها جسم..

شوي وجات مأثر..
دانا شافتها من بعيد: هلا والله بمأثرنا ههههه "وسلموا على بعض واحشتني يا الحلوه..
مأثر بدلعها وهدوئها الطبيعي: وانتي اكثر يا قلبي..
رهام تسلم عليها: بسلم عليك برقه اخاف اكسرك هههههه
مأثر: ههههه دوبه لا تحشين..
دانا: مأثر هذي ابتهال بنت عمي..
مأثر: ابتسمت لها: هلا والله...اخبارك؟
ابتهال تطالعها لحد الان هذي انعم بنت شافتها: هههههههه هلا والله انا معاك يا رهام اخاف اسلم عليها واعورها..
مأثر: دوبات وقسم ازعل..
دانا: ههههه بنات بشويش على بنت خالي لا تزعل...
وجلسوا مع بعض وابتهال تطالعها متعجبه منها صح جمال بس نعووومه زاااااااايده..


>>>>>>>>>>>>>>>>>>>>>>>>>>>>

: ايوه بيبي اوك..راح ارجع بعد شي كم شهر..لا ما راح طول ا ن شا الله.. باي...لك يضرب فئير وما عندو شي وبيحكي...يا عمي روح وتعا شوف الخير اللي هون والعيشه الهنيه.. ولو حصل اللي ببالي والله بعيش ملكه..
وصرخت: بدر عيب عليك..حبيبي ما تخرب عـ اختك لعبتها..يا الله شو شئي (شقي)

>>>>>>>>>>>>>>>>>>>>>>>>>>>>>

ريماس: ما اتصل عليك...؟
لانا: تكفين لا تجبين طاريه...مرتاحه منه هالايام ..ابوه ماسكه بالشغل..
ريماس: ما راح تخصلين منه يا لانا..
لانا: ريمو..تحبين النكد..خلاص لا تذكريني فيه..
ريماس: انا خوفي يطلب الشي العظيم...
لانا: تبي تهدي نفسها: لا....لا ما راح يطلب..
ريماس: واذا طلب؟؟
لانا فكرت شوي وما لقت حل: لا ... انا متأكده ما راح يطلب هالشي..
ريماس: اتمنى هالشي...


>>>>>>>>>>>>>>>>>>>>>>>>>>>

بعد نص ساعه..
طلعت لطيفه من عند الحريم وراحت لقسم الرجال..
: حمــــــــد!
حمد سمع صوتها وطلع لها : هلا اختي "وسلم عليها"
لطيفه بعدته عنها: لا تسلم علي..تعال معاي ابيك..
وراحوا مكان هادي وبعيد عن ازعاج صوت الاغاني..اللي مشغلينها البنات..
لطيفه وهي معطيته ظهرها: ما توقعتك يا اخوي تسويها في محمد..
حمد مفتشل منها:لطيفه..والله ادري اني غلطان والحين انا نادم على اللي سويته...وجالس اصلح اخطائي..
لطيفه: وش ينفع ندمك الحين..شوف وش صار في اخوك وزوجته..نوره يا حمد ماتت من الهم..ماتت من القهر عارف هالشي..وكله بسبتك انت وطمعك.
حمد: والله عارف ان خطاي كبير..وعسى الله يسامحني ويغفر لي...بس الشيطان قدر يلعب علي ويخليني اسوي بأخوي كذا..وبعدين جدي كان سبب في اللي صار فاجأني بأن الحلال كله باسم محمد..وانا راح حقي بس عشاني طلعت من شوره؟؟...
لطيفه دمعت عينها: وش حالك الحين يا محمد..عايش ولا ميت..ماكل ولا ميت جوع..اكيد ان حالتك ما تسر لا عدو ولا صديق..
حمد اللي اختنق: خلاص يا لطيفه انا راح الاقي اخوي..وبأسرع وقت..
لطيفه: تدري متى برضى عليك اذا لقيت اخوي..وجبته لي سالم..ولا ما راح اسامحك طول عمري..
حمد قرب منها وباسها على راسها على انه اكبر منها : ولك اللي تامرينه..وما يصير خاطرك الا طيب..
لطيفه مسحت دموعها: جيب لي محمد ويطيب خاطري..
حمد يأشر على عيونه : من عيوني الثنتين..

>>>>>>>>>>>>>>>>>>>>>>>>>>

البنات عايشين جو ورقص ووناسه وهبال وجات لانا وريماس جالسين يتفرجون بس وتعليق طبعا..
ابتهال: تعرفون الدبكه بنات!!!
رهام تاخذ نفس لانها تعبت: اوه...لا ما اعرفها..
دانا: ولا انا..
ابتهال: ايش رايكم ننادي جانيت تعلمنا..!
دانا ورهام: يله..
وطلعوا كلهم لجانيت..
ابتهال: جانيت تكفين..
دانا: ارجوكي..
رهام : بلييييز..
جانيت ماتت ضحك عليهم: خير شو في؟؟؟
ابتهال مسكت ايدها: تعالي معانا علمينا الدبكه..
جانيت: بس هيك...هلآ بجي وبعلمكون..
"وراحت معاهم"
وبدت تعلمهم الخطوات ..والبنات انواع الفشل والضحك..
لانا: هههههههه دانا يمدحونك جالسه..
دانا: هههه ما عليك مني..
ريماس تحمست: امشي لنو نتعلم معاهم بس..
لانا بعد تحمست: يله..
وبدو كلهم يرقصون واللي تغلط بخطوه واللي تطيح وجانيت ميته عليهم ضحك..ومأثر اللي ترقص هادي والبنات ولّعوا فيها ضحك وحش^^
وبدر ووداد معاهم على الخط بس ينططون على بالهم رقص ...
وبعد نص ساعه انهد حيلهم وكل واحد رمى نفسه على كرسي..
جانيت ماتت ضحك: هههههههه ولك تئبروني شو حلوين
ابتهال: ههههه عطشت بروح اشرب مويه..
دانا: بهوله قولي للخدامه تجيب لنا كلنا..
ابتهال: اعتمدي على نفسك شوي..تحركي..
دانا: ابتهال لا تصرين كذا بليز..
ابتهال طلعت: نو...اخدمي نفسك..
دانا وقفت : يله بجي..
صرخ الكل: جيبي لنا معاكي..
دانا: ههههه بقول للخدامه..
طلعت دانا وابتهال وراحوا للمطبخ يشربون مويه..ودانا اخذت مويه للبنات وقالت للخدامه توديها للبنات..
ابتهال: بروح اشوف وضع مدى...وارجع لك اوك..
دانا: بأجي معاك..
راحوا لعند الحريم...ابتهال لسه شافت عمتها وسلمت عليها..
: هلا هلا ببنت اخوي الغالي..اخبارك وش مسويه؟
ابتهال: تمام الحمد لله.. اخبارك عمه؟؟
لطيفه مبسوطه فيها: بخير دامك بخير...اجل وين مدى؟
ابتهال استغربت: ما جات عندكم؟؟؟؟!!
لطيفه : لا..
ابتهال سلمت على احلام بسرعه ورجعت تكلم عمتها..
: انا على بالي عندكم..ما شفتها لي اكثر من ساعتين او ثلاث..
لطيفه اخترعت: روحي اتصلي عليها وطمنيني..
موضي بنفسها" الدرب اللي يودي ما يرد"
طلعت ابتهال بسرعه وراحت لجانيت..
: جانيت ..ما شفتي مدى..!
جانيت تحاول تتذكر: اخره مره شفتها عند الخيل....
ابتهال خافت اكثر: يعني من ثلاث ساعات ...وين راحت اختي؟!!!!
دانا خافت : يمكن مع ضاري.؟
ريماس وقفت بسرعه: شنو؟؟ ثلاث ساعات مع ضاري...امشي امشي انتي وياها نشوف عند الرجال..
وراحوا لقسم الرجال..
طلت ريماس وشافت ضاري جالس : لا ضاري موجود..
ابتهال انخطف لونها وضربت صدرها: وين اختي!!!!!
دانا: يعني ضاري تركها وراح؟
ريماس همها بنفسها: وضاري كان معاها لحالهم..
دانا اللي فاهمه عليها: ريمو مو وقتك..
ريماس : الا وقتي..لاني شايفه مهزله وساكتين عليها..انا ما صدقت افتكت من مأثر تجي هذي تكملها..
ابتهال نادت ضاري..
ضاري طلع لهم وهو ماله خلق شي..
: من ينادي..؟
ريماس: مساء الخير ضاري..
دانا نغزتها: هذا وقتك ؟؟
ريماس ردت لها النغزه: اجل مدى بس وقتها..
ضاري شاف وجه ابتهال: وش فيك؟
ابتهال: انت متى اخر مره شفت مدى؟
ضاري اللي تذكرها وتذكر كلامها و اللي صار بينهم: مدري عنها..
ابتهال: كيف ما تدري عنها...هي كانت معاك..
ضاري عقد حواجبه: كانت معاي وراحت..ليه هي وينها الحين؟
دانا: محد شافها...من ذاك الوقت..
ضاري اخترع عليها: ايش؟؟؟....قبل ثلاث ساعات يعني....وساكتين!
ابتهال بكت: انا ما حسيت عليها..مدري وشلون ما سألت عنها..
ضاري وقف تفكيره للحظه: لا ....لا يكون راحت لجهة المزارع هناك..
ابتهال ضربت وجهها وبكت: ليه...جهة المزارع وش فيها؟
ضاري انتبه انه خرع الكل: لالا ولا شي.."رجع داخل اخذ موبايله وطلع"..اتصلتي على موبايلها..؟
ابتهال بسرعه: لا...بسرعه اتصل شوف..
ضاري اتصل والكل ينتظر الرد: ما ترد..
ابتهال: ارجع مره ثانيه..
ضاري رجع من جديد يتصل: بعد ما ترد..وين راحت!!
ابتهال: يا حسرتي على اختب ...وينك؟؟
ضاري تشتت تفكيره...بعد كم خطوه عن صوت بكي ابتهال..ورجع لشعره لورى وطالع السما..
وبسرعه لف عليهم: شوفوا..راح نفترق...كل ثلاثه مننا بجهه اوك...كل واحد ياخذ موبايله زين...دانا روحي لباقي البنات وناديهم وتعالي..
دانا : طيب.."وراحت بسرعه للبنات وجمعتهم"
ضاري: لانا ريماس جانيت مع بعض..دانا ومأثر وابتهال مع بعض..وانا لحالي اوك..
لانا: فاضين ندور عليها...عجوز وتضيع؟
ضاري عصب: لانا...المزرعه كبيره وشكلها راحت من ورى..ولا كثرة كلام وسوي اللي اقوله لك ترى محد رايق لك..
لانا خافت: طيب..خلاص ..لا تصرخ.
ضاري: لحظه لحد يتحرك..
راح للمطبخ ورجع: هذي كشافات ...والحريم لا يدرون اوك..
البنات: اوك..
جانيت لاحظت خوف ضاري لدرجه ان كل حركاتها متردده يعني واضح انها شلت تفكيره..
وفعلا تفرقوا البنات...وكل مجموعه اخذت لها جهه..
ضاري اللي رجع للاسطبل...يحاول يسترجع ويتذكر راحت أي جهه..

>>>>>>>>>>>>>>>>>>>>>>>>>>