ياصاحبي ضاقت علي الارض وانزاح الطريـق
وآمست همومي في نحى وجهي تسوق اركابها
مليت آنام واحلم وارجع مـن الحلـم وآفيـق
لو فارقتنـا روسهـا مانسلـم امـن اذنابهـا
لا شك انا ياصاحبـي متحمـلِ مـا لا اطيق
وهاجوس بالي كـل ماهـب الهـوى اومابهـا
الوضع شر وحر وايضاً عيش مر ويبس ريـق
دنياي لو تقبل علـي ترجـع تصـك ابوابهـا
والراس الاصلع لايسوق الضحك بالراس الحليق
من شان ما ياقع مابيـن ضروسهـا وانيابهـا
والنجمه اللي بالسما تطلـع ولا فيهـا بريـق
ماتهدي اللي تايه بـأرض الوطـا واشعابهـا
الفرق واضح بين صوت الحر واصوات النعيق
ماتشتبه وانت البخيص ومثلك انـت ادرابهـا
ما طال صرح النايفه لو زادها جبـال الطويـق
جتك الوثيقه مصدّقه والختـم تحـت انقابهـا