رواية الحب بعد فوات الاوان ... أقوى رواية سعودية رومانسية جريئة
الجزء الثالت عشر
ابتسام رجعت للبيت والبيت فاضي كالعاده ماستغربت شئ وراحت لغرفتها وشافت نوره مغطيه وجهها في البطانيه وهي تبكي
وتسمع صوت بكاها
ابتسام ارتسمت عليها علامات الدهشه والاستغراب:نوره وش فيك
نوره ببكاء:مالك دخل
ابتسام!!!!انتي وش قاعده تقولين وش فيك تبكين
نوره وهي كل وجهها دموع قامت من غرفة ابتسام وراحت لغرفتها الي قبل
(لانها قبل كانت وحيده وكانت ابتسام مع بسمه التؤام وهي نوره وابتسام
ماينسجمون مع بعض لان فيه شوي فارق السن بس ثلاث سنين)
نوره راحت للغرفه وهي تبكي باعلى صوت تقول في قلبها ليش مافيه احد يسال عني ليه مافيه احد يحس فيني
الكل لاهي بروحي ومخليني ليه؟؟ كيف لو الولد خطفني والله لاسافر خارج السعوديه وماحد دري عني اخ اخ من ذولي الناس الي مايحسون
انا اكرهه ابوي وامي واكرهه ابتسام وكل اخواني اكرهه هذا البيت واهله الي ماعندهم احساس(كانت نوره تحس بالفراغ العاطفي)
ابتسام تفاجئت من رد نوره الغريب والغير متوقع دقت الباب عليها الي بيتكسر من قوة الطق واخيرا فتحت الباب نوره
اخ يانوره نوره الي وجهها كله اسود لان كل الكحل سايل على وجهها من كثر الدموع ولا الشعر الي لاصق على وجهها من
كتمتها لروحهها في البطانيه وحالتها حاله
نوره فتحت الباب وعلى طول راحت تجلس فوق السرير
ابتسام:نوره وش فيك
نوره:متضايقه
ابتسام:وليش متضايقه احد زعلك علشان تتضايقين
نوره بحزن وبصوت عالي مميل لبكاء بصوت يقطع القلب:وين الاحد علشان يزعلني انا ماشوف اي واحد في هالبيت الكل
لاهي بنفسه تجين انتي الساعه وحده تكونين متغديه مع صديقاتك وعلى طول تنامين وابوي وامي على هالحال تقومون المغرب
وياتكلمين في التلفون او تناظرين اوراق شغلك او على النت وانا اخر وحده يفكر فيها ولا ابوي الي ماعرفه وصرت استحي
منه ولا رامي الي عقب ماتزوجت عبير ماصرنا نشوفه اخذله شقه وتركنا ولا امي حرام كلمة ام لها هذي عدوه وتبكي بقوه
ابتسام تبكي معها حست بمعانتها وحست مدى الالم الي تعيشه اختها المنهاره وراحت ضمت اختها:ادري اني واهلي مقصرين
في حقك لكن وش اسوي مجبوره
نوه هدت ونامت في غرفتها الأوله
لكن ابتسام ماذاقت النوم مع انها كانت مرهقه بالمره انا لازم اطلع نوره اليوم لازم تشم الهواء مسكينه اخر مره طلعت
للمنتزه لازم اوديها للملاهي ونستانس سوا واعزم بعد معنا مين مين عبيروه وراحت ايه بدريه(بدريه الي ناويين يخطبونها لرامي)
كلمت بدريه ووافقت
ابتسام راحت للنوره:يالله عاد قومي انا مجهزه لك مفاجئه بتطيرين فرحه لو اقولك وشي
نوره:وش هالمفاجئه الي بتطيرني على قولتك
ابتسام استغربت من برود نوره:المفاجئه بنروح للملاهي الحكير لاند
نوره:مابي اروح انا مصدعه(وهي بالاصل زعلانه تفكر لو خطفها الرجال بيدرون عنها اهلها)
ابتسام:اقول قومي وبلا دلع انا عزمت البنت وخلصنا
نوره:اي بنت
ابتسام:بدريه الي كلمتك عنها لرامي
نوره:اها يعني الطلعه مو لي بعد
ابتسام:نوره انتي طول عمرك اكبر من كذا كيف تقارنين نفسك بوحده غريبه انا ماطلعت الا علشانك
نوره:وش طاري عليك توك تتذكرين ان لك اخت
ابتسام مستغربه من اسلوب نوره:نوره انتي بجد وش فيك انا اختك ان ماقلتي لي مين بتقولين له
نوره حست انها طولتها:خلاص متى بنروح
ابتسام:اللحين قصدي اذا خلصتي
نوره:انا على كل ماراح اطول كلها نص ساعه وجاهزه
عبدالله جالس عند باب بيتهم ويفكر في نوره يتذكرها بابتسامتها وهي تسوي سبورت ولا شعرها الى يتراقص مع الهواء
يالله يا يا وش اسمها هي اوف كيف حنا جيران ولا عمري تعرفت على اخوهها انا لازم اصادقه وبعدين اخطب اخته
بس وش يضمن لي انها مو مخطوبه ياليت لي اخت تساعدني يالله انا وين وافكاري وين امي بالمستشفى ومحتاجه لعمليه
وانا قاعد اكر ببنت الجيران
عبير:هذي الهديه لك يازوزو وذي لك يافوز
زينب اخذتها بسرعه:مشكوره بس وشي وهي تفتح العلبه بقوه وتجرها مع اسنانها اوووووف ورا ماتنتفتح
وفوز:ليش كلفتي نفسك ياعبير
عبير:وش دعوه مابينا كلافه
فتحت العلبه اخيرا زينب وووووووووواوو جوال واخر موديل كاميرتين مشكوره حياتي وتقوم وتبوسها
عمران كان يدري قبل نص ساعه وشكرها
وفوز بعد نفس الهديه وكل وحده معها بطاقات بالف ريال
عمران وهو يشوف فرحة خواته اليتامى تمنى ان الارض تنشق ولا يحرمهم من شئ
عبير:بس عااااد لاتشكرون وانا اتمنى انكم تستفيدون منه(وهي قصدها انهم ماينجرون ورا عواطفهم)
نوره:وين السياره الله ياخذه مادخلها في البيت ليش برا اوووووووووف
ابتسام:هدئ اعصابك والله مايسوى كل هذا
نوره وهي طالعه:لا وبعد بعيده عن الباب هذا بيجنني والله لاكسر راسه هاللحين
ابتسام:مو تفضحينا مع ابو هنود
وهم طالعين وعبير تتلفت يمين وشمال بتضجر تشوف تشوفه ايه هو جالس عند باب البيت وهي مو مصدقه قلبها يدق
بقوه ابتسام تشوفها وهي واقفه بوسط الشارع وترجع وش فيك فضحتينا تناظرين ولد الجيران
مسكت اختها وودتها لسياره اما عبدالله فوقف متجمد عرف انها هي من نظراتها ومن تفاجئها ولانها طالعه من البيت المقصود
اما اهلها ام رامي رجعت للبيت ولا سالت عن بنتها ولا حتى وين بتروحون ام غريبه مسويه نفسها ديمقراطيه