رواية الحب بعد فوات الاوان ... أقوى رواية سعودية رومانسية جريئة
الجزء الثاني عشر
عمران وعبير في الطريق الطويل بعد خمسين كيلوا اختفى الأسفيلت واختفوا الناس والاشارات
ومافيه قدامك الأ رمال كانها صحراء مرعبه والجو شوي بارد وهواء ومطبات الارض لانها مو متساويه
عبير:تسمح لي اكشف اختنقت من الغطوه
عمران:خلاص اكشفي (عمران يفكر خايف على خواته مايدري هم وصلوا ولا لأ وبذات عبير ارعبته بزياده
يوم اجلت السفر علشانهم قاعد يفكر
كيف لو سافرت وانا مادري عنهم هم وصلوا ولا يالله ياليتني شريت لهم جوال بس كيف اغطي على المصاريف)
عبيرتقطع حبل افكاره:اممممم طيب عندك نكته
عمران بجديه:ليش شايفتني مهرج انكت لك
عبير:خلاص طيب انا اقولك نكته اذا ماصرت انا لك مهرج اصير لمين(وهي تطلع النظاره الشمسيه الساحره طلعت عبير خيااال
عمران ابتسم
عبير:فيه اسد جمع الحيوانات كلها وقال القوي يوقف باليمين والحلو باليسار وقف القرد بالوسط قال الاسد لــيــش؟؟
قال القرد:يعني اشق نفسي نصين
عمران:هههههههههههههههههههه حلوه
عبير:انشالله دوم مو يوم هالضحكه ايه كذا ابيك تكون مو مكشر ترا شكلك مو حلو وانت معبس
عمران:عبير احس بتانيب ضمير اني اخذتك
عبير:ليه؟؟
عمران:لاني مو من مستواكم ونتوا ناس تحبون الكشخه وانا على قد حالي
عبير:ولا يهمك ياعمران تراي انا غير عن عايلتي انا وعادل ماتهمنا المظاهر الكذابه
عمران:ووسمعت ان عايلتك راعية سفرات للخارج
عبير:ايه انا دايم اسافر اوربا واحب مناظرها الخلابه وسافرت فرنسا تراها عجايب!!! عمرك رحت لها
عمران:لا انا عمري ماطلعت من السعوديه
عبير تضحك:ههههههههههههه احسن وانشالله ماتطلع
عمران بقهر:ليه
عبير:اخاف يغرونك الاوربيات اعرفهم واعرف حركاتهم
عمران:هههههههههههههههه لا اذا كان القمر معي مالي ومال النجوم واتحدا اوربيه تطلع احلى منك
عبير:على كل مدامك ماسافرت لها قبل مافيه سفر اللحين
عمران بدلع:طيب ليه
عبير بنفس دلعه:لاني اغار
الســــاعه 8 ونص صباحا
في بيت عيسى ابو رامي ابتسام في الشغل وماتطلع الا الساعه وحده ورامي في الشركه مع ابوه وعبدالرحمن في المدرسه
وام رامي اخذت ولدها ريان والشغاله لانهم رايحين مع ام حسام لمهرجان الجنادريه ونوره الحالها في غرفتها
كالعاده نوره تحب تتكشخ اذا طفشت لبست لبس ابيض شيفون طويل ووشعرها الاسود المسدول الي كانه قطعه وحده من جماله
وهي تغني اغنية المعازيم الي غناها عادل وتتذكر ذاك اليوم وهي تبتسم
تمكيجت مكياج شافته على مذيعه وناسبها وطالعه ملاك ولعلمكم نوره كل يوم تسوي كذا لانها تحس بالفراغ والملل
طلعت من غرفتها الي بدور الثاني ومافيه احد بالبيت الاهي لاشغاله ولا اهل ولا احد راحت لغرفة السبورت
وشغلت موسيقي وتسوي رياضه وهي بالدور الثاني وفاتحه الشباك والهواء شديد بهذا اليوم والستاير تتراقص خجلا من القمر
الي قدامها
طلع واحد من وراء الباب الخلفي نوره شافت من المرايه الي تتمرن امامها وقفت فجائه
وبدت تناظر بنظرات جنونيه بنظرات خائفه ومحزنه تناظر رجال غريب بعد يجنن واكثر شئ جذاب فيه عيونه الزرق ولا
بشرته الفاتحه ولا شعره الاشقر(حشى وصفي امريكي مو سعوديه)
لابس بنطلون جينز وقميص ابيض
حطت يدها على وجهها وفتحت فمها وضمت يدها لصدره ورجع لها التشنج يوم شافت ذا الرجال
نرجع لعبير وعمران///
عبير:يالله حيكم هادئ يجنن وكله جبال وصحاري
عمران ميت ضحك عليها
عبير:وش فيك انا ماقلت شئ يضحك
عمران:حلوه حيكم اسمها قريه مو حي هههههههههههههههههههه
عبير ههههههههههه
عمران:تشوفين ذيك الشجره
عبير:وين ماشوف شئ
عمران ياشر بيده:ذيك الشجره الخضراء الكبير
عبير:ايه اشوفها الي بجنبها البيت الطيني
عمران انقهر من وصفها للبيت:ايه ذاك البيت هو بيتنا
عبير:والله
عمران:ايه
عبير بفرحه:يااااااااااااااااااااهوه
عمران:وش فيك
عبير:طول عمري احلم في بيت زي كذا واموت في الشجر
عمران:اخاف يتغير كلامك بعيدين
عبير:لا انا مسحيل يتغير كلامي واذا تغير بعدين انا لازم ارضى بالامر الواقع
عمران وقف عند اخر بقاله في محطه بانزين وهو يشتغل بياع فيها لكن ماعلم احد ابد لانه متفشل من نفسه
عمران:عبور وش اجيب لك من البقاله
عبير:لا مابي شئ انا توني الي افطرت
عمران:عبيرووه وش اشتريلك
عبير خافت من عمران لانه عصب:جيب سنكرز وماء
عمران:حلوه سنكرز اصحي انتي متزوجه وبكره بتجيبن اطفال وتبين سنكرز
عبير ضحكت عليه لانه متقلب مره ينكت ومره يعصب
عمران ضحك مع صاحب البقاله وسلم عليه بحراره وعبير تترقب الامر بهدؤ وهي تناظر الشجره البعيده والمصير الغريب