فهد كآن جالس ع الكنبه بغرفة سارا ويقرأ قرآن ويدعي لهآ ..
سارا فتحت عيونها بتعب وإنتبهت وناظرت السقف بنظرة مشتته إلتفت وشافت فهد بنظرة ضبابيه
وفتحت عيونها بـ حذر وشخصت نظرها وقالت بهلفه وصوت تعبآن : فهد .!
فهد إللي كآن يقرأ إنتبه لهآ سكر المصحف وحطه ع الطآوله وقآم بسرعه ومسك إيدها وجلس ع طرف
السرير : سارونتي قمتي شلونك اللحين ؟ خوفتيني عليكِ يابعد قلبي ؟
سارا إبتسمت إبتسامه شآحبه وكآن صوتها مبحوح : فـ ـ ـهـ ـد أبـ ـي مـ ـآي ..!
فهد نآظر حوالينه وصب بالكآسة مويا وعدلها وشربها وحط الكآسه ع الكمدينه إللي جمبه
ومسك إيدينها وناظر في عيونها بشوق : وحشتيني إشتقت لك
سارا إبتسمت بتعب : وإنت بعد وحشتني
فهد : وش رايك أوديكِ المستشفى
سارا : لا حبيبي مابي أنا مافيني إلا العافيه , بس تعب بسيط ودوخه
فهد وهو ضاغط ع إيدينها : أسف سارونتي أسف حبيبتي إني بعدت عنك أسبوع كآمل بس أمي سيطرت علي
وقالت لي زوجتك توها عروس جديدة وأبقى عندها أسف لأني خليتك تتعذبي وأنا إللي وصلتك
لهالمرحله
سارا عيونها دمعت : لا تقول كذا يافهد مابلوم أمك لأن هي تبي أحفآد وإنت تبي عيال ومن حقها تزوجك
عشان تشوف أحفآدهآ
فهد قرب منها وباس راسها وبعد عنها : قومي نروح المستشفى
سارا : ياربي منك مانسيت يعني .!
فهد : لا مانسيت بتطمن عليكِ
سارا فجأة صارت تكح بشكل قوي ومرعب فهد خآف عليها وأعطاها كاسة الماي وشربها بس
إنرعبت لما شافت كل كاسة المويا دم أحمر ....!!!!
نآظرتها وإرتآعت وقامت بسرعه للحمام دخلت وسكرت الباب , فهد إنفجع وش هالدم من وين نزل
وش سبب نزوله بهالكثرة .. !
فـي الطيآرة الخآصه لأبو سعود وفي الدرجه الأولى ..
كآنت أم سعود جالسه وجمبها بنتها رند إللي رفضت يعاملونها كَ مريضه قالت أنا وحدة مثلي مثلكم
وبعقد معكم .. كآنت طول الوقت تتأمل الغيوم إللي شكلها يفتح النفس وتتأمل طبيعة ربنآ وقدرة خلقة
تنهدت بألم وحسرة " يآآآآه قد إيش ربنا رحمته واسعه يآخذ حق الأنسآن بسهولة يمهل ولا يهمل
من كآن يتصور إني بنحرق .! ربنا إنتقم لك يامزون مني وأخذ حقك وحق نآس إنتِ من ضمنهم وغيداء
"تنهدت ونآظرت أمها إللي كانت ساندة رآسها ومغمضه عيونها هزتها بخفيف
: يمه يمه .!؟
أم سعود فتحت عيونها بخوف : وش فيكِ تبي شي ؟!
رند بضيقه : لاء مابي شيء , بس كم باقي لنا ونوصل لأني إختنقت بفك اللي لابسته .!
أم سعود زفرت : مو باقي لنا كثيير كم ساعه ونوصل , وإنتِ إذا تبي تفكيه فكيه مافي أحد بالطيارة غير إحنا
رند بتكبر : لاء مابي خلاص بتحمل هَ الكم ساعه "وشآحت وجهها تنآظر الشبآك"
أم سعود هزت راسها بأسف وبدآخلهآ " يالله يارند متى رح تتركي هالغرور هذا معقول ماتبي تفصخ
عشان لا نشوف الحرق ونتشمت فيها يارب إنك تهديها إحنا أهلها والمرض مافيه شمآته آآه بس "
في قصر أبو سعود ,
كآنت البندري وغلا وريف جالسين بالصاله ..
ريف طول الوقت سآكته ومتضايقه على رند وكآن ودهآ تروح ع أهلها بس أمها رفضت وقالت لها
خليكِ مع اخوك وزوجته وعشان إختبارات الجآمعه قربت ..
غلا نآظرت البندري يعني كلمي رند يمكن تسمع منك البندري فهمت وراحت جلست جمب ريف
ومسكت إيدها : ريف وش فيكِ ؟ كل هذا زعل عَ رند ما توقعت تزعلي هالكثر ؟
ريف ناظرتها بغضب : وش ما أزعل عليها هالكثر هاذي أختي ومهما كنت بعيدة عنها ومو قريبه منها
بس تبقى أختي
غلا ناظرت البندري بغضت وش هالكلام بتكحليها عميتيها راحت جلست جمب ريف : ريف حبيبتي هي
مو قصدها , ويلا ماتبي تجي معنا ع بيت عمي أبو نواف اليوم بتوصل النوري
ريف تنهدت : لا مالي نفس إنتوا روحوا وأعتذروا من خالتي والنوري تعباانه وبروح أرتآح
"وقفت " عن إذنكم ..
وطلعت ع غرفتها بخطوات هآديه ..
البندري جات بتتكلم بس قطع عليها دخول سلمان وكاميليا وهم يضحكوا وقفت وسلمت ع كاميليا
: شلونك إشتقت لك
كاميليا إبتسمت ببشاشه : وإنتي أكتتتر الحمدلله منيحه "ومسكت بطنها " ورح يصير عنا بيبي
البندري بوناااسه ضحكت : جججد سلووم بصير عندكم بيبي "وحضنت كاميليا" ياقلبي ألف مبرووك
فرحت لك والله
كاميليا وهي تضحك : ياعمري إيه عن جد
غلا وقفت وتقدمت من سلمان ومدت إيدها تصافحها
لسه علاقتها مع أخوآنها الشباب باردة كثير بس سلمان سحب إيدها وحضنها غلا ما تحملت وبكت بصمت
بحضن أخوها ..
كاميليا والبندري تأثروا من الموقف وعيونهم دمعت ..
سلمان وهو حاضنها ويمسح ع شعرها : إنتي أختنا يا غلا ومو حلو تبقي ببيت جدتي من اللحين يروح
السواق ويجيب لك كل أشيائك وتسكني هني ببيت أبوكِ وإخوآنك
غلا وهو صوت بكائها عالي شوي : بـ ـس جدتي مابي أتركها لحالها
سلمان إبتسم : جدتي ما بتبقى لحالها بتجي معك
غلا بعدت وإستانست : جد سلماان بتجي هني ماني مصدقه
سلمان ضحك ع وناستها : إيه بتجي هني
غلا حضنته بقوة وباست خده : أحبك أموت فيك يا أحلى أخ بالدنيا كلها
سلمان باس راسها : وأنا أحبك ياغلااوي , عآد إنتِ الدلوعه اللحين أصغر وحدة فينا
غلا بغرور : يحق لي بشوف نفسي عليكم "وطلعت لسانها وحركت حواجبها مثل الأطفال "
كلهم ضحكوا ع حركتها : ههههههههههههه
غلا وهي طالعه فوق : يلا بروح أختار لي غرفة
سلمان وكاميليا طلعوا فوق يرتآحو , البندري أخذت عبايتها وشنطها وطلعت راجعه لبيتهم ..~