يا خاطفي وين ألقى عزتي في زمان المذلة !
:::
:::
:::
دخلوآ غرفة الدكتوره بعد مآ خبرتهم الممرضه بطلبها لهم
د..: أهلين مدآم هنادي ..تفضلي
هنادي مآسكه يد باسل بقوه جلست على الكرسي وطالعه بعيون تايهه: شكرا
د..: اتفضل يا استاذ ..جلس قبال هنآدي
باسل: خير دكتوره ممكن تطمنينا
د..: كل خير بأذن الله .. بس حابه أسئل المدآم أسئله ياليت تجآوب عليها
هنادي خافت: طيب
د..: من متى تحسي بالدوخه ؟
هنادي: من ثلاث اسابيع تقريبا ؟
د..:كان في شي معين يسببلك الدوخه ؟
هنادي ببراءه: لآ ابدا بس لما اصحى من النوم احس فيها
د..: اهــآ ..طيب ايش نوعية أكلك بالضبط ؟
هنادي طالعة باسل: مافي شي معين
د..:طيب مآ خطر على بالك تكوني حآمل ؟
هنادي ردت بسرعه: لا ابد
د..: يعني كآنت أمورك طبيعيه؟
هنادي استحت: ايه ايه
د..: لا تستحي قولي في شي والا لا ؟
هنادي : مآ أذكر والله
د..: طيب مدام هنآدي أول شي .. مبروك أنتي حآمل بالشهر الثاني ويمكن بعد اسبوع تدخلي الشهر الثالث
باسل فتح عيونه على الأخير ولف على هنآدي اللي ابتسمت بفرح
هنادي: الله يبارك فيك
د..: بس في شي لازم تعرفينه
هنادي تجمدت ملامحها: اللي هو ؟
د..: نسبة الحديد بجسمك قليله وكمآن عندك تكسر بالصفائح الدمويه وهذا بيأثر سلبيا على حملك
هنادي خافت : شلون يعني ؟
د..: نسبة أسقاطك 50 بالميه لكن مع مدآومتك على الادويه اللي راح اكتبها لك وأتباعك للبرنامج الغذائي أن شاء الله بتتيسر أمورك ويتم الحمل بدون أي مشاكل لك أو للجنين
باسل :دكتوره يعني في خطر على حيآتهآ ؟
د..:لا أن شاء الله بس لازمهآ تحليل شآمل حتى نتأكد انهآ سليمه
باسل: أوكٍ نسوي التحاليل الحين
د..: لا الحين مآ ينفع بكره تجون وتسون التحاليل اللي راح أكتبهآ وترجعون لي
هنادي وباسل:أوكِ
في بيت أبو مهآ
صحت بسبب بكآء بنتهآ وأزعآجهآ .. جهزت الفطور وأتصلت على زوجها
مها: وينك ؟
بندر: توي صآحي ..تبين شي ؟
مهآ تنهدت: أيه ابي أطلع من البيت ملييت
بندر: طيب مآيصير خآطرك ألا طيب
مهآ: اجل متى بتجي؟
بندر: بالليل بأخذك أنتي ورنومتي ونتمشى
مهآ ابتسمت: أوكِ أنتظرك
بندر:تبين شي
مهآ: سلآمتك يالله بشوف بنتك أزعجتني
بندر ضحك:بشويش عليهآ ياويلك لو تشكيك
مهآ: أجل خذها عندك
بندر: مشكلتها ماترضى ألا تكونين معهآ
بالغرفه الثانيه
صحت على صوت جوالهآ ردت بصوت نآعس: ايووه
..: سوري صحيتك من النوم
فتحت عيونهآ وتعدلت بجلستهآ وهمست: عآدي حبيبي
معآذ: وحشتيني
سحربحياء:وأنت أكثر
معآذ:كيفك اليوم
سحر:الحمدلله
معآذ: لينآ أزعجتني تبي تكلمك
سحر كشرت: هي صاحيه ؟
معاذ:ايه شوفيهآ جنبي ياساتر منهآ معي قلبا وقالبا تبي تسمع ويش اقولك
سحبت الجوال من معآذ وصرخت: هييين اوريك تصحين عشآن الدلخ اللي جنبي لكن أنا تسحبين علي ولا تردين
سحر تضحك:تبين تصيرين مثل حبيب القلب ..حشى والله مايصير
صرخت بأذنهآ: هيييييييييين يالنذله شغلك عندي وانا اللي كل ساعه اتصل عليك خآينه العشره والله مآتستاهلين
معآذ سحب الجوال: ماشاء الله عليك حاشره نفسك بيننآ وتبين تعطيك وجه بعدين عندهآ الزين كله اللي هو أنا وتبين تطالعك .. يالله سفرقي عني
لينآ وقفت وبتهديد: هين والله لآ أردها لك أنت وهي
سحر ميت ضحك: خلهآ تروح تكلم هزآع تنشغل فيه عنآ
معآذ بسخريه: حتى هزآع طفش منهآ
لينآ اللي كانت بتطلع من الغرفه: سمعتك ترى مآتضحك " صرخت " عبيييييط
معآذ :هههههههههههه أنقهرت
سحر: عآد ألا ليونه مايهون علي زعلهآ
معآذ بنبره حآده: خلينآ منهآ " غير نبرته وقال" خليني فيييك يآلحب ولهآن عليك
سحر حمرت خدودهآ: فديتك
معآذ: ويش رايك أجيكم بالبيت
سحر شهقت: ويييش ..لآ تبي خوآتي يقطعوني ؟
معآذ كشر: بجي أتطمن عليك ياعمري أخر مره شفتك بالعزاء
سحر بحزن: لاتذكرني
معآذ : والله ماقصدي اذكرك " غير الموضوع" المهم أخبارك ويش مسويه ؟
سحر: بخير دآمني أسمع صوتك وموجود بدنيتي
معآذ : أووووه مآ أتحمل هالكلام يابعد كلي أنتي
قطع عليهآ صوت سمر ..بعدت البطآنيه عنهآ وبصوت حآد:ترى أقلقتيني أطلعي برى كملي سواليفك مع روميو
سحر كشت عليهآ بيدهآ وطلعت من الغرفه ...شافت مهآ جالسه بالصاله وتأكل بنتهآ
مهآ تغمز لهآ وتأشر على جوالهآ وهمست: الحبيب ؟
هزت راسهآ وعلى شفايفهآ ابتسآمه خجوله
مهآ ضحكت على شكلهآ الخجول وغمضت عيونهآ وهمست بحالميه: نيآآآلووآآ
سحر بعدت الجوال وقالت: بقتلك ..أنطمي
مهآ: ياعيني وصرنآ نستحي