يا خاطفي وين ألقى عزتي في زمان المذلة !
:::
:::
:::
هنادي مدت لسانها لهم ورآحت للغرفه ..قبل تفتح الباب سمعت صوت جواله بسرعه دخلت وقبل تقرب منه أنقطع الخط ..اخذته وشآفت 7 مكالمآت
هنادي بتأفف:ياربي منه ويش يبي بعد "ارتفع صوت نغمتها وردت"..هلا
باسل:وينك كسرت جوالك
هنادي:كنت افطر ..خير ويش تبي؟
باسل:ترى عمال الكوشه بعد نص ساعه بيجون
هنادي بأستغراب:أي كوشه؟
باسل يضحك:بعد أي كوشه ..كوشتك والا ماتبين كوشه
هنادي:بس انا قلت لآخواتي مابي زفه
باسل:عاد حجزتها قبل يومين وعليك تجهزين المكآن اللي بتحطينهآ فيه والا عاجبك ادخل لغرفتك يعني
هنادي بقهر:بس أنا مآجهزت شي للزفه واضن الظروف ماتسمح
باسل:اجل لو قلت لك أن في دي جي بعد
هنادي عصبت: تتمسخر علي انت والا مخليني زي الأطرش بالزفه
باسل يضحك على عصبيتها:خلاص كل شي بوصل لحد بيتكم وقبل صلاة العصر بيكون كل شي جاهز ..باااي
هنادي: أنقلع "قفلت الخط بوجهه وصرخت بوصت عالي"..مـــهـــآ
رجعت لهم بالصاله وهي معصبه
مها:خير ويش فيك تنادين
هنادي تتخصر: حاجزين كوشه ودي جي ...ماكان هذا اتفاقنا
شهد :حلوو ..ويش اللي مخليك معصبه كذا
هنادي:ليش محد قالي
مها: تونا درينا مثلك ...ياله هذي فرحه
هنادي تشد شعرها:بجد سخافه
روان:هنو بدل ماتفرحين تعصبين ..خلينا ننبسط وألا ماتبي تكونين عروس
هنادي: أي عروس الله يسلمك هذا بس حفل مصغر عشان الناس يقولون تزوجت بنت محمد القايد
ريم:خلاص هنادي ماله داعي تعصبين
تركتهم ورجعت الغرفه معصبه وتتحلطم بداخلها ..سمعت الباب انفتح وكآنت مها
مها قفلت الباب وقربت منها بحنيه:قلتي تبيني ضروري
هنادي نزلت راسها:كنت بسئلك عن شي بس خلاص تراجعت
مها جلست جنبها وابتسمت: أسئلي باللي بخاطرك
هنادي حمرت خدودهآ وقالت بحياء:كيف أعرف .....
::
::
::
صحى من النوم بسبب ألم ظهره لآنه نايم بوضعيه غير مريحه ..ماحس بنفسه لمآ نآم من كثر تعبه وأرهاقه
فهد:يؤؤؤؤ كيف راحت علي نومه
وقف بعد ماعدل الشرشف وغطآهآ فيه زين وطلع بشويش حتى مايزعجها ...غسل وجهه وأتجه لقسم الحضانه وأحساس الابوه يقوده الى أبنه الوحيد ..طلب من الدكتور انه يشوفه وبعد محاولات من الأقناع قدر أنه يدخل
قرب من ولده وهو يتأمله بدأ يكبر شوي ويخف أحمرآره ..لكن لآحظ عليه التورم بأجزآء جسمه العاريه ووجهه
فهد:ليش متورم كذآ ؟
الدكتور:طبيعي يتورم واحنا متابعينه بالتحاليل بس يأسفني اني اقولك
فهد لف عليه زي المقروص وبصوت حآد:ويش فيه ؟
الدكتور:لاتخاف لاتخاف هو مجرد شك وأن شاء الله يختفي ويكون بخير
فهد بخوف:خوفتني ولدي فيه شي؟
الدكتور: ممكن يكون معه سكري لآن التحاليل نسبة سكر الدم مرتفعه
فهد:يعني في أمل يختفي منه
الدكتور:أن شاء الله كل شي بأرآدة رب العالمين
فهد: دكتور هل مرض أمه يأثر عليه؟
الدكتور:هذآ علمه عند الله اللي اتضح لنا انه سليم ونموه طبيعي جدآ وان شاء الله يكون متعافي بأذن الله
فهد:دكتور اذا ماله علآج هنآ اوديه برى المملكه بس يتشآفى
الدكتور ابتسم: مايحتاج تسافر امكانيات مستشفياتنا متطوره والحمدلله لكن اذا كان مريض من الصغر بالسكري مافي أي مستشفى بالعالم تعطيه علاج لان هذا يكون خلال بافرآز هرمون الأنسولين
فهد تنهد بخوف وحزن وهو يتأمل ملامح رآكآن الصغيره :لاحول ولاقوة الا بالله
الدكتور يوآسيه:أن الله مع الصابرين احتسب أجرك عند الله
فهد: والنعم بالله ..انا حكون على أتصال معك بأذن الله
الدكتور: على خير ان شاء الله
رجع لغرفه شوق وكآسيه الحزن ..قلبه بيتفطر على زوجته وأبنه بنفس الوقت ألالاف الأوهآم أستحوذت على تفكيره حاول يخفي كل شي عنهآ حتى لآيحسسهآ بشي يضآيقهآ ويتعبهآ أكثر
فتح الباب وهو يتصنع الابتسامه والفرح ..شافها صاحيه وماسكه جواله بيدها
فهد: يسعد لي اوقاتك
شوق ابتسمت:وأوقاتك حبيبي
فهد: بشريني ان شاء الله أحسن
شوق هزت راسها بالأيجآب
فهد جلس جنبها وحضنهآ: دوم يارررب
شوق:نادهم خلهم ينزلون المغذي تعبت منه
فهد: أنتي ماتأكلين لازم يستحملين
شوق: نفسي مسدوده عن كل شي خاصة الأكل
فهد أبتسم لها:خليك قويه مآ اخبرك ضعيفه ..لاتنسين ان اليوم بتكون أول جلسه للكيمآوي
شوق غمضت عيونها:انا صرت احسن يعني لازم أخذه
فهد:أيه لازم ..وجهزي نفسك بروح اكلم دكتورك وارجع
شوق: لآ هذاك الدكتور اكرهه ناد الأستشاري أحسن منه
فهد يأشر على عيونه: تأمرين أمر ..عسى بس يكون موجود