يا خاطفي وين ألقى عزتي في زمان المذلة !
:::
:::
:::
مها:لاتوصيني عليها هذي بنتي قبل تكون اختي
شوق:حسسوها بالفرحه حتى ماتحس بالنقص
مها: يصير خير حبيبتي انتبهي لنفسك ولصحتك
شوق:لا تهتمون لي .. سلمي على الكل
مها بحزن: يوصل شواقه
شوق: مع السلامه
مدت الجوال لفهد اللي كان سرحان بملامحها المصفره والباهته لمت شعرها المتبعثر بجميع الجهات وطاحت خصلات بيدها
شوق: هذي البدايه والله يعلم وين النهايه
فهد مسك يدها ورمى شعراتها على الارض:بطلي تشاؤم وخلي ايمانك قوي بالله
شوق: والنعم بالله
فهد: يالله نامي اليوم باين عليك التعب
حضنته بقوه ودفنت راسها بصدره ملاذها الوحيد ...لمها لنفسه بقوه وانفاسه الحارقه تدفي اطرافها البارده
صباح اليوم التالي
كانت نايمه هي وروان بغرفه مها وشوق .. ومها نامت عند بقية اخواتها..طول الليل مانامت تفكيرها بمتاهات مالها أخر ..خوفها من القادم بدأ يزداد
هنادي(ويش سويت بنفسك ياهنادي..وين هنادي الأولى معقوله تغيرك الحياه وهذي الظروف "رد صوت بداخلها" كيف ارتاح وانا مآ انتقمت لنفسي ..انا طحت وانكسرت ماتت احلامي بغمضه عين اليوم ببدأ حياه جديده وجديه معه كل اللي كان بيننا بيتغير ..كيف بكون معه طول العمر وتحت سقف واحد ..بقابله طول الوقت واتحمله عشان كذا لازم انتقم لنفسي حتى تبرد ناري ) لفت على يمينها وشافت روان نايمه بأنغماس ..قامت اخذت منشفتها ودخلت تأخذ شور ينشطهآ ويخفف شوي من توترها
صحت على صوت بكاء مشاري اللي ازعجها
رغد بتأفف وصوت ناعس:شهد سكتي بزرك هذا ابي انام
شهد:قومي اصحي يالله صرنا قريب الظهر
رغد تغطي نفسها بالبطانيه:خذي ولدك واطلعي ابي انام
شهد: اوف منك تزعجين الواحد ...امري لله باخذ ميشو ونروح برى لا نزعجك
طلعت من الغرفه وسكرت الباب شافت هنادي طالعه من الحمام ولافه منشفتها على شعرها
شهد: صباح الخير ياعروس
هنادي: صباح النور
شهد تغمز لها: ويش عندك صاحيه بدري
هنادي:شبعت نوم وقمت عشان اتجهز من بدري
شهد: ياعيني ياعيني ..يالله تعالي ساعديني بالفطور
هنادي: اوك حطي كل اللي بالمطبخ حتى روان تفطر زين
شهد ترفع حاجبها :ماشاء الله روانا هم منا
هنادي: هي ضيفتنا يالله عاد اسبقيني انا بصحي الكل والحقك
راحت للغرفه تصحي مها وريم والبقيه ..رجعت لغرفة مها وصحت روان
روان: صباح الخير
هنادي تضحك:قصدك ظهر الخير ..يالله قومي غسلي وجهك وتوضي وصلي ..بروح اساعد شهد بالمطبخ
سبقتها روان وطلعت قبل تروح للمطبخ دق جوالها .. شافت الرقم ورتددت قبل ترد عليه لكن قوة نفسها وردت
هنادي: اهلييين
باسل: وحشتيني
هنادي سكتت ماعرفت كيف ترد عليه
كمل كلامه بنبره عاديه:كيف استعدادك الليله
هنادي:زين الحمدلله ..وأنت ؟!
باسل: جاهز من كله وابوي بيوصل العصر مع اعمامي
هنادي :عمري ماشفت ابوك ..ولا قادره اتخيل شكله
باسل يضحك:جنتل مان
هنادي:يالله مصيري اشوفه وأحكم بنفسي
باسل:اخليك الحين بنام لي شوي قبل اروح استقبل ابوي واعمامي
هنادي:اوك..مع السلامه
رمت جوالها بدرج الكمودينه وتنهدت:ليش كل هالبرود ياهنادي ليييه ؟
قامت وطلعت للمطبخ
شهد: يالله بسرعه كلمتني الكوآفيره تقول بعدصلاة العصر أو قبلها بنص ساعه تجي
هنادي بتأفف:مالي خلق عوآر الراس
دخلت رغد على كلمتهآ:تحملي هذي الليله
شهد تمد الصينيه:يالله حطيهآ بالصاله وانا بجيب الثانيه
رغد ابتسمت: فطور يفتح النفس
هنادي: عماتي متى يجون؟
شهد: اكيد المغرب لاتنسين ان خالتي ام يوسف وغدير بيجون
هنادي شهقت: ويش؟!..ماقلنا مختصره وعائليه
شهد فتحت عيونها: خير تراهم منا وفينآ وألا ماتبينهم يحضرون
هنادي: ماقلت كذآ
رغد:بعدين ترآهآ كأنهآ ملكه عاديه خلينا نعزم البيت كبير وبيشيل ان شاء الله
هنادي تتخصر: ماشاء الله والرجال وين بيحطونهم
رغد ترفع يدها للسقف:ماتسمعين الرجه اللي فوق ..ابوي وجلالي يرتبون الملحق وباسل أستأجر اضائه ويركبونها برى
هنادي شهقت:بذمتك؟
رغد تضحك:روحي افتحي الشباك وشوفي بنفسك اللي يركبون
هنادي تحط يدها على راسها:يوووه يعني في معازيم
شهد ابتسمت: ويش يهمك أنتي اصلا ابوي عزم جيراننا وعماتي واحنا واهل سيف ووطبعا اهل حبيبي ونور عيني ..يعني في ناس ايش على بالك انتي لازم الكل يعرف هذا زواج مو لعب
هنادي انصدمت مآكآنت تعرف باللي يصير من ورآهآ كآنت بارده بتحضيرتها ولا سألت أبوهآ عن شي :طيب بروح اودي الصينيه واستعجلوآ أنتم
أجتمعوآ كلهم على الفطور وكآنت الجلسه كلهآ حول هنآدي
روآن: سرحآآآنه البنت ماهي معانا
هنادي تميل فمهآ: لآ حبيبتي معكم بس مطنشه كلامك السخيف
ريم:هههههههه مطنشه وألا خايفه
هنادي توترت:أوووف خلاص "وقفت بتروح الغرفه"
شهد: اجلسي كملي فطورك بعدين محد فاضي يسويلك أكل
هنادي: الحمدلله شبعت ..مهآوي اذا خلصتي احلقيني ابيك ضروري
رغد ترفع صوتهآ: بدينآ الأستشارات من الحين
روآن تضحك:عشنآ وشفنآ ياهنو