المغرب وصلت الجده وأم جرآح وأم نوآف "
كأنوا قاعدين بالصاله
والبنات كلهم بالصاله اللي فووق
رند كانت هادية وما تتكلم وكل شوي تنقهر من ريف وهي تضحك وتتكلم
البندري وريف كانوا قالبين الصاله مسرحيه "ض1
غلا كل شوي تكلم رند بس مو معاها فترجع تتكلم مع النوري "
دخلت سارا وهي لابسه العبايه وقالت وهي مبتسمه : بوووووووووه
البنات ألتفتوا لها ونقزوا وحضنوها : سارونه يادوبه وينك وحشتينا فهد غيرك علينا ألخخخ
سارا تتنفس : بس بس إنتي وهي عما فشكلكم خنقتوني بهالدرجه واحشتكم
ريف : يب لهالدرجة لنا قريب الشهر ما شفناكي ليه كل هالتغلي يا حافظ ؟
غلا : هههههههههههههه ريف ترا قلبتي مثل أمي بالكلام
ريف : هههههههه فديتها جدتي وفي أحلى من كلامها
سارا فصخت عبايتها وحطتها ع الكنبه هي وشنطتها وقعدت : أبد والله بس ماتعرفوا اللي عندي خنقققه مايخليني اروح مكان حتى اقربها ع السوق يوم كنت بروح مع ريف
ريف وهي جالسه قدآمها هي والبندري ع الارض ومتربعات : يب مرة زوجك معقد
البندري غمزت : لا يغار واقربها يوم ضربني بالسوق
ريف تقدها : أحمممم "وناظرت النوري وإبتسمت بتسليك " هههههه نونو وش تقرين
النوري سكرت الكتاب والتفت للبندري : متى ضربك فهد بالسوق ؟
البندري ماعرفت وش تقول فقالت بتلعثم : اقصد يوم سارا راحت السوق وكان ولد بغازلها وفهد كان شوي ويضربها من غيرته
سارا تأكد : إيه إيه الله لايعيده هاليوم
النوري بشك : أها يعني مافي سالفه ثانيه مااعرفها
البندري : لاء ياختي مافي ولا في مابخبي عليكي فديتك
سسارا بتغير الموضوع : المهم بنات ابيكم شغله كذا جماعه باخذ رايكم ؟
غلا : تكلمي نسمعك
سارا : أحس فهد هالفترة متغير علي كثير ويمكن أنا قلت يمكن يعني شاكه يبي يتزوج علي
ريف بصدمه : يتزوووج عليك ؟؟؟؟؟؟
النوري : وش أكد لك ؟
البندري : يعني سأل عن أحد معين ؟
سارا : أول شي هو كثير هالفترة متغير من ناحية الأسلوب والتعآمل وسألني قبل فترة عن خوآت صديقه حسام لانهم قبل فترة كمان زاروني بالبيت وأكيد قلت شاف وحدة منهم بالغلط وثاني يوم لما قعدنا سألني عنهم بطريقه غير مباشرة وأنا إنتبهت له
غلا : يمكن عشان م....
وسكتت وتندمت
سارا حزت بخاطرها بس مابينت : حتى انا قلت كذا لأن مافي غير هالسبب يخليه يبي يتزوج علي
البنات ناظروها بقهر
غلا بندم : أسفه سارونه وربي ما أأقصد
سارا بضيقه : عادي غلو ما قلتي شي غلط حتى تتأسفي "وغيرت الموضوع " المهم خلاص اتركوني مني أنا وفهد صحيح سعود ما بتزوج ذيك البنت إللي إسمها مزون
هنا رند واخيرا تكلمت : إيه ما بتزوجها بلى فشكلها
سارا : أووه روني إني هنا ما أنتبهت لك يا دووبه ليه ساكته ؟
ريف : ساكته لأن مافي السالفه مزون
رند طشنتها وراحت جلست جمب سارا : يختي هالمزون جايبه لي الممممممرض واحسن ان سعود نساها ومابتزوجها الحمدلله
ريف كانت عارفه ان سعود راح المخفر وان مزون بتروح هناك بس ما قالت لامها واختها
النوري بزعل : حرام يا رند وربي البنت محترمه وروحها حلوة ليه كارهتها
رند : نوري إنتي أكثر وحدة تأمني بربنا والمحبه من عنده سبحآنه يعني لاتنشرى ولا تنباع وانا كذا ما ابلعها نهااائي
غلا قالت بترردد وحيرة : تصدقوا حتى انا مثل رند لان احس كل المصايب منها وقت ماجات ماشفنا يوم حلو ":(
رند باستها: ذا الكلام الصح فديت غلوي انا
ريف : لالالا غلا لتكون عدتك هالسوسه بمرضها
النوري بزعل وعتب : ريف وش هالكلام عييب !!
ريف : أوووف قهرتني يا نوري
رند ما أهتمت وطنشت
وكملوا البنات سوالفهم لكن كل شوي رند تتكلم ع مزون وريف ترمي لها كلمة تزعلها ..
بالسيارة مزون ملاحظة إن سعود مو رايح طريق الفندق عشان تحجز
إنتبهت إنه رايح لصالون "؟
مزون قالت بتعجب لما وقف السيارة : ليه وقفت هنا ؟
سعود إبتسم : إنزلي خلهم يسون لك شعرك وتمكيجي وألبسي الفستآن عشان بروح اجيب الشيخ ونروح للبيتنا بما إن الكل هنآك مجتمع بدخل عليهم ومعي الشيخ وبملك عليكي
..
مزون بصدمه : من جدك سعود ولا تمزح ؟
سعود إبتسم : لا أمزح صدقيني بحطهم كلهم تحت الامر الوااقع
مزون : وأمك بتخسرها عشاني ؟
سعود : يوم تزوجت جمانه "وقال إسمها بقهر " زعلت كذا وبعدها رضت وحبتها وإنتي رح تسوي فيكي نفس الشي يلا إنزلي انا أدرى بأمي
مزون سكتت ونزلت وسعود تطمن لما دخلت ومشي
أول ما دخلت لقت الصالون زحمة مرررة
وقفت مكان ما الحرمة تحجز
الحرمة : إنتي حاجزة من قبل
مزون : لاء
الحرمة : اوك مو مشكله وش تبي تسوي
مزون ماتعرف وش تبي تسوي بشكلها : إمم أستشوار وميك أب
الحرمة وهي تكتب الورقه : أوكي "وقالت لها الحساب "
مزون دفعت ودخلت راحت لعند الكوافيرا حقت الشعر وكانت مشغوله بثنتين
جات لها وحدة ثانيه : تبي تستشوري
مزون : إيه
: أوكي تعالي انا فاضيه
راحت مزون وقعدت ع الكرسي
الكوافيرا : فكي الطرحة وفصخي العبايه مافي أحد هنا
مزون وهي مستحية فصخت عبايتها وكانت لابسه بنطلون جينز اسود وبلوزة احمر
الكوافيرا بإعجآب : ماشاء الله مشاء الله قمر مصور
مزون إبتسمت بحياء : تسلمي من ذوقك .."$
الكوافيرا : وش رايك أقص لك أطراف شعرك وأصبغ لك اللي ع الجنب بتطلعي جنآآآآن
يعني تغير لوك شوي
مزون تحمست : أوكي
بدأت الكوافيرا تقص لها بعدين صبغت لها خصل ميش مزون لون شعرها الحقيقي اشقر فاتح وسوت لها خصل بني طلعت خيااااااااااال عليها
وإستشورت لها شعرها وفردته ومسكت اللي قدآم ورفعته ع وراء وحطت لها مشبك صغير فضي طلع شكلها يهوس
الكوافيرا : تبارك الرحمن تهبلي ربي يحفظك لازم تحصني نفسك
مزون : إن شاء الله
ناظرت مزون نفسها بالمرايا اللي قدآمها ورضيت ع شكلها تمام الرضا
الكوافيرا : تبي تسوي ميك أب
مزون : إيه بس أبيه خفيف حيل ما أبيه ثقيل
الكوافيرا : أوكي تعالي عند هند هي اللي تسوي الميك أب
راحت مزون عندها وسوت لها ميك أب مرة خفيف وطلعت ناااعمه حيل وجذابه
دخلت الغرفة ولبست الفستآن التركوآزي والصندل وشافت شكلها بالمرايا الطويله أبتمت برضاا تام وداخلها نشوة فرح كبيييرة
راحت لشنطتها وأخذت الجوال واتصلت ع سعود
قال لها دقايق وأكون عندك سكرت منه وحطت الجوال بالشنطة لبست عبايتها وطلعت وأخذت الشنطة وطلعت
قعدت تتفرج ع الحريم وحوستهم والخ
رن جوالها عرفت إنه سعود طلعت وماردت ركبت السيارة : السلام عليكم
سعود وهو مبتسم :وعليكم السلام "وأستنشق ريحة عطرها " الريحة تدوخ
مزون أبتسمت بخجل
سعود كاان خاق ع عيونها الخضراء المكحله خلقه ومع الكحل زادت جمال
سعود : اللحين بس ندخل ع أهلي إنتي سلمي ع أمي وجدتي
مزون : أوكي
سعود : أجلسي معهم شوي وبعدها بروح أجيب الشيخ "
مزون هزت راسها وسكتت
دقايق ووصلوا دخل سعود ع الحوش ونزل من السيارة ومزون نزلت من السيارة وهي خاايفه قالت وفكها يرتجف : أحس تسرعنا واللي نسويه اكبر غلط
سعود مسك إيدها : لاء مو غلط
مزون كانت بتكفها بخوف سعود ضغط عليها : إهـــدي ولا تخافي يلا أمشي
مشيوا وصلوا لعند باب القصر دق سعود الجرس فتحت الخدامه وناظرتهم بستغراب
دخلوا سعود قال لمزون تفصخ عبايتها وتعدل شكلها وتدخل عند الحريم بكل هدوء
مزون : وإنت بتدخل
سعود : لاء بجيب الشيخ وبجي يلا أدخلي
مزون هزت راسها وسكتت
طلع سعود مزون فصخت عبايتها وعلقتها هي والشنطة ورتبت شكلها
وتقدمت للصاله بخطووات خايفه وقفت وكل الأنظآر موجهه عليها اللي مصدوم واللي مقهور واللي مستانس قالت بهدوء وهي منزلة راسها : السلام عليكم
إنــــــتــــهــــــى البارت توقعاتكم