يا خاطفي وين ألقى عزتي في زمان المذلة !
:::
:::
:::
بغرفة ريم وسحر
سحر : خلاص ريومه هدي اعصابك مايصير اللي تسويه
ريم تصرخ عليهآ : انتي عارفه ايش معنى طلقني ؟!.. يعني يمكن مانرجع لبعض
سحر : بسم الله عليك ريومه ايش حصل لك ... اكيد بيحس بغلطه ويرجع لك هو تسرع ذابقراره
ريم تدفن راسه بصدر سحر : والله ما سويت له هو من فتره بس معصب مو طآيق احد وبس ينفخ عليآ
هنآدي تغطي راسهآ بالمخده : آآآآآه يآزين سريري زينآآآه ... أشتقت له مووت ما اعرف انآم بدونه
سمر : الناس بوآدي وهذي بوآدي ثآني
بعدت المخده عن وجههآ : بلاك ماجربتي تجلسين أسوبع برى المدينه وربي وربي وربي رآح تروحين فوق الفيصليه وترمين نفسك ويكتبونك منتحررررره
سحر عقدت حوآجبها : ما استانستي هنآك
هنآدي : أستآنست ؟!... قولي ضقتي صار فيك اكتئاب مزمن ... حاله نفسيه اي شي من هالقابيل مو وناسه شفتوى لو معي وحده منكم ياوجيه العنز كآن يمكن انبسطت
سمر : لو سمحتي مافي عنز بالبيت هذآ غيرك
سحر وريم ضحكوآ على كلام سمر اللي قالته بنبرة حقد
هنادي ابتسمت : عشان ريومه ضحكت بسكت لك والا يكون علمتك من العنز
سحر : يسلموو سموره عشانك ضحكتي ريومه
سمر : جاملوني طيب حسسوني اني قويه
هنادي : بليز هدوءءء ... تصبحون على خير
الكل : وانتي من اهله
سمر : لو سمحتمو قفلو الانوار ورحوا بمكان ثاني سولفوا مع بعض
سحر : قومي ريوم نروح الصاله مافيني نوم
ريم : طيب يالله ... تصبحوا على خير
سمر : وانتي من اهله .. خذوا الباب في طريقكم
سكروآ الباب وطلعوآ من غرفه وكآنت رغد جايتهم
رغد : وين رايحين
ريم : بالصاله هنادي وسمر بيناموآ
رغد تعدل بلوزة البجامه : كويس بروح اسوي لي عصير واجيكم تبون ؟!
سحر : يس سوي لي ولريوم عشان تروق
رغد : اوكيشن
:::
:::
بآلرياض
بعد مآرجعوآ من المطعم دخلت غرفتهآ وهو أتجه لمكتبه يخلص بعض الأورآق ...بعد مآ أنتهى ناظر ساعته وكآنت الساعه 3 ... تنهد ورجع راسه لورى يفكر بكلام شوق عن أحمد وشكهآ برزآن انهآ هي اللي تساعده وتحرضه
فهد ( وبعدين هالعله ماراح يتركني بحآلي ... يعني لازم ادمره .. ورزآنوه على بالهآ ماني داري عن اللي تخطط له مع ابوهآ وأني افوتهآ لهآ بمزآجي .. كل شي الآ شوق يا أحمد ألآ شوق )
فتح درجه وشآف البوم الصور الخاص فيه وصار يقلبه ويتفرج على صوره اللي مآلتيه وصور أمه وجده بكل مكآن بالعالم ... ذكريآت وذكريآت مرت على باله بهذ اللحظة سكره بقوه ودخل الغرفه التابعه للمكتب وشآف اللوحآت اللي رسمهآ أتجه للوحه يحبهآ كثير فتح الشرشف الأبيض عنهآ اللي حآميه عن الغبار وشآف اللوحه اللي كآن رآيمهآ قبل يتزوج شوق بفتره بعد مآ حبسته بملحقهم
(( كآن رآسم وجه شوق وعيونهآ دآمعه وعلى خدهآ جرح ينزف وسكين طآيحه وطريق مظلم وفيه شمعه وحده ...وشخص طآيح على الرصيف ))
تنهد وغطى اللوحه وطلع من الغرفه
فهد ( آآآآآآآهـ ياشوق ليتك ماشفتي شي ولا اربكتي كيآني ... الله يسآمحك خليتيني صغير في عين نفسي ماحد قدر يعرف منهو فهد غيرك ... صرت اسهل لغز قدآمك )
طلع وشآف رزآن تمشي مع الدرج وتكلم الجوال تضحك
رزآن : هههههههه مغفله .. انا قلت من زمآن بس محد عبرني ... ههههههههههه تيب اوكِ بيننآ فون باي ..وكملت مشيهآ مع الدرج سمعت صوته ورآهآ ارجفهآ في مكآنهآ وارعبهآ خافت منه وخافت انه سمع شي من كلامهآ
فهد : بدري يامدآم " طل في سآعته".. تدرين كم الساعه ؟
رزآن لفت وابتسمت ببرود : حبي اهلي كآنوآ مجتمعين حرآم افوت جلسة زي كذآ
فهد : بس قايل لاتتأخرين وانتي تضربين كلام بعرض الحيط
رزآن : حبيبي ... ماتسوى انك تعلق على هذآ الشي وعد مني ماعاد اكررهآ .. بس اهم شي ماتزعل
فهد طلع الدرج : حصل خير .. مسكت يده وطلعت معه لحد مآوصلته عند جنآح شوق
رزآن : تصبح على خير حبيبي
فهد : وانتي من أهله .. دخل الغرفه وسكر الباب .. شافهآ نآيمه على السرير مشى بشويش حتى ما يزعجهآ وأنسدح جنبهآ .. النوم مجآفيه وتفكيره كله بكلامهآ
:::
:::
أمـــآ عند يوسف
توه خلص شغله رجع للفندق وتذكر انه مقفل جوآله يوم كآمل... فتحه وحطه على الطاوله وأخذ له منشفه ودخل يأخذ شور يريحه بعد تعب الشغل وعنآه ... بعد ماطلع من الحمام وأنتم بكرآمه جلس على الكنبه واتصل على الرسبيشن يطلب له أكل .. أخذ الريموت وجلس يقلب بالقنوات يدور شي يسلي وحدته ... سمع صوت مسج وصله مد يده وأخذ جوآله وفتح عيونه على الأخير لما شاف عدد المسجآت اللي وصلت 14 مسج .. فتحهآ وكآنت كلهآ من خدمه موجود .. خمس مسجآت من عبدالله اللي كآن يتصل عليه وجوآله مغلق 3 مسجآت من جوال امه و4مسجات من غدير ومسج من الشغل وأخر مسج كآن من رقم شهد
أستغرب أنهآ أتصلت عليه شآف موعد اتصالهآ تردد يدق عليهآ أو مآيدق .. بعد تفكير طويل أتصل عليهآ ... أنتظر ردهآ بفارغ الصبر لكن خآب أمله وماردت عليه .. رمى جواله بعصبيه جنبه
في بيت ابو مهآ
البنآت : ههههههههههههههههههه
شهد : اووووش في نآس نايمين ماحسبت ميشو ينآم
رغد تعدل جلستهآ : نبي نضحك حرآآم نضحك ونغير جونآ شوي
شهد توقف : لا مو حرآم .. بروح المطبخ وامر الغرفه اشوف ميشو
سحر : بالله جيبي كآس مويه
شهد : طيب بس خفضوآ أصوآتكم شويه
رآحت للمطبخ وبعدهآ مرت على غرفتهآ شآفت أضآءة جوآلهآ قربت منه وشآف مكالمه من يوسف .... ظلت تنآظر الشاشه وبعدهآ تشجعت ودقت عليه .. رنه ...رنتين
يوسف : هلآ
شهد بأرتباك : السلآم عليكم
يوسف : وعليكم السلآم
شهد : كيفك ؟!
يوسف يمط كلمته : الحمدلله بألف خير
شهد سكتت وبعدهآ قالت له : شفت أتصالك ماكنت عند الجوال .. بغيت شي ؟!
يوسف : لا بس لقيت اتصالك العصر ومافضيت اشوف ويش تبين توي فضيت
شهد طرت ببالها تصريفه : كنت ابيك تجيب شوية ملابس لي
يوسف : تعالي انتي وسوآقكم خذي اللي تبينه اصلآ انا برى المدينه
شهد انقهرت من كلامه وعصبت : طيب شكرا
يوسف : تبين شي ثاني قبل اقفل
شهد بدون نفس : لا .. باي ..وسكرت قبل يسكر هو وضلت تبكي بسريرهآ
شهد ( ليش تعآملين كذآ يآيوسف ماتركت لي فرصه افهمك او اقولك ايش اللي صار ... الحين محتآجتك أكثر من أي وقت ... آآآآه يارب ويش المصآيب اللي تجينآ من كل نآحيه ) مسحت دموعهآ وتلحفت بفرآشهآ وعيونهآ على وجه مشاري البريء غمضت عيونهآ ونزلت دمعه من عينهآ أحرقت خدهآ بهدوء ونعومه
شهد : ياتري من أهلك يا ميشوو مين ؟!.. وليش يوسف قال انك ولد فيصل الحقير