يا خاطفي وين ألقى عزتي في زمان المذلة !
:::
:::
:::
بغرفه ثانيه
تشجعت تدق .. ماعادت تقدر تستحمل فرآقه وبعده عنهآ أكثر .. تنازلت عن كرآمتهآ عشان قلبها اخذت جوالهآ ودقت على رقمه وبقلبها شوق ووله له يفوق التصور .. عدت الرنه الاولى والرنه الثانيه وبدأ قلبها تزيد نبضاته وتتسارع خوف من انها ماتسمع صوته حست بانكسار وحرارته الدمع بعيونها لكن سرعآن ماتجلت مع اول حروف نطقه
سيف : الــو
ريم ابتسمت وضغطت على نفسهآ : السلآم عليكم
سيف : وعليكم السلآم
ريم بشوق : كيفك ؟
سيف : الحمدلله انتي بشريني عنك ويش مسويه ؟!
ريم بصوت حزين : وتسألني ويش مسويه بدونك ؟
سيف سكت شوي وبعدها قال : ريم انا مضطر
ريم : ويش السبب اللي يخليك تبعد عني وانا وانت بنفس المدينه .. سيف قولي انا زعلتك بشي طلع مني تصرف ضايقك صارحني يمكن ماحسيت على نفسي وضايقتك
سيف : يشهد الله اني ماشفت منك الا كل خير يابنت الناس
ريم نزلت دمعتها : اجل ويش السبب ريحني وقول .. انا اتعذب ياسيف اتعذب كثير
سيف غمض عيونه بألم وبدت انفاسه تضيق : انا نفسي ما ادري يا ريم بس يمكن نفسيتي تعبانه شوي كلها كم يوم واهدى ونرجع لبيتنا
ريم انقهرت منه : سيف فكر زين ترى اذا انت ماتبيني انا مابي ارمي نفسي عليك .. وقفلت الجوآل ورمت على الكمودينه جنبها وضمت رجولها لصدرها ونزلت راسها وبالها وافكارها في شتات عآم
دخلت عليها سحر وخافت لما شافتها بهذي الوضيعه مشت لها بسرعه وجلست على طرف السرير جنبهآ حطت يدها على كتفهآ
سحر :ريومه ويش فيك ؟!
ريم رفعت راسها وابتسمت : ولاشي بس مصدعه شوي
سحر : ريومه لا تصرفيني انا عارفه ان في شي مكدرك بس متى ماحسيتي انك بتفضفضين بتلاقيني استنآك وقلبي مفتوح لك .. ضمتهآ لحضنهآ وقالت بحب صآدق
ريم : الله لايحرمني منك ياسحر
سحر : ولا منك ياقلبي
دخلت هنآدي وشهقت بقوه : استغفر الله " غمضت عيونها وحطت يدها على عيونهآ " لاحول ولاقوه الا بالله انحرآف علني .. اتقوآ الله
سحر وريم ضحكوآ عليها وعلى هبالها اللي يضيف طابع كوميدي على حياتهم
ريم تتخصر : وعلى نياتكم ترزقون صفي نيتك
هنادي وهي واقفه بمكآنهآ : والله انا شفت شي مخجل بصراحه والله يعلم بنيتك انتي وهي
سحر رمت الخدآديه عليها : ياشين نيتك .. دآيم تفكيرك يروح بعيد
هنآدي ترميهآ عليها : امزح معكم ياخبول شفت جوكم حزين ورومنسي وزي دآيم خرابيطك انتي وهي قلت نفرفشكم شوي
ريم : اقول ماشفتي رغد
ه،ىدي جلست على مكتبهآ وفتحت الاب حق سحر : الا جآت ودخلت غرفتهآ على طول قفلتها وباين انها زعلانه وكآنت تبكي بس مدري ايش فيها ماردت علي وصفقت الباب
سحر عقدت حوآجبها : غريبه اكيد صاير معهآ شي
ريم توقف : بروح اشوفهآ لايكون فيها شي واحنا ماندري .. ورآحت ريم وسحر لغرفتهآ دقوآ عليهآ الباب بس ماردت عليهم
ريم بخوف تدق الباب : رغــــد فيك شي افتحي الله يخليك
رغد صرخت عليهم من مكآنهآ : ويش تبون فيني أتركوني لحالي مابي اشوف أحد
سحر طلت بريم مستغربه صرآخ رغد : رغد ويش صار
رغد زآد صرآخهآ وبكآئهآ الهستيري : قلت خلوني لحالي مآآآآآآآبــــــي اشوف أحد
ريم تمسك يد سحر : امشي شكلها متضايقه من ش اذا هدت تطلع من حالها
سحر : طيب يالله نمشي
رجعوآ لغرفتهم ولقوآ هنآدي ميته ضحك
سحر : ياباسط .. ويش اللي يضحك هنوده ؟
هنآدي من بين ضحكهآ : مين اهتدآء ؟
سحر ابتسمت : وحده ضافتني وتعرفنا على بعض
هنادي : شكله خطيره بس تعالي ليش تضيفين ناس ماتعرفينهم ؟
سحر تتخصر : سبحان الله واللي يدور ايميلآت اللاعب الفلاني والحارس العلاني
هنادي : هذول ناس معروفين ياقلبي مو حي الله
سحر تقومهآ عن الكرسي : ممكن تقلبين وجهك ؟
هنادي تقرب خدهآ : على أي صفحه
سحر تنرفزت وبحده : هنآآدي
ريم : روق ترى هذي تبي تنرفز اعرفها اذا مزآجهآ رايق
هنادي : تف تف بسم الله علي اذكري الله لاتصيبني عين منك
ريم تمد لسانها : انتي تجيك عين على ويش ياحظي
هنادي طنشتهآ ومشت : ترآني احلاكم اذا تكشخت لاتاخذون بنفسكم مقلب
سحر : ماقلنا لك شي بس سكري الباب ورآك ولايكثر
هنادي لفت عليها : لك رجول ما اشتغل عند حضرة جنابك
سحر عصبت منها : من اي طينه مخلوقه هالبنت
ريم ضحكت بصوت عالي : هههههه والله محد مجننك كثر هنادي