ﺗــــــــﻌـــﺒـــــــــﺖ ﻳﺎﺩﻧــــﻴـــــﺎ ..
ﺗﻌﺒﺖ ﻣﻦ ﺍﻟﺠﻔﺎ .. ﻭﻣﻦ ﺍﻟﻔﺮﺍﻕ .. ﻭﻃﺎﺭﻱ ﺍﻟﻬﺠﺮﺍﻥ
ﺗﻌﺒﺖ ﻣﻦ ﺍﻟﻮﺩﺍﻉ .. ﻣﻦ ﺍﻟﻀﻴﺎﻉ .. ﻭﻣﺎﺿﻲ ﺳﻨﻴﻨﻲ
ﺷﻜﻴﺖ ﻣﻦ ﺍﻟﺒﻌﺎﺩ .. ﻣﻦ ﺍﻟﺴﻬﺎﺩ .. ﻭﻗﺼﺔ ﺍﻟﺤﺮﻣﺎﻥ
ﺷﻜﻴﺖ ﻣﻦ ﺍﻟﻐﻴـﺎﺏ ﺍﻟﻠـﻲ ﻳﺒﻌﺪﻧـﻲ .. ﻭﻳﺪﻧﻴﻨـﻲ
ﺟﺰﻋﺖ ﻣﻦ ﺍﻟﻬﻤﻮﻡ .. ﻣﻦ ﺍﻟﻐﻤﻮﻡ .. ﻭﻛﺜﺮﺓ ﺍﻻﺣﺰﺍﻥ
ﺟﺰﻋـﺖ ﻭﻻﻟﻘـﻴـﺖ ﺍﻻ ﻏﺮﺍﺑﻴـﻠـﻲ ﺗﻮﺍﺳﻴـﻨـﻲ
ﺳﺌﻤﺖ ﻣﻦ ﺍﻟﺸﺘﺎﺕ ﺍﻟﻠﻲ ﺑﻼ ﺭﺟﻌﻪ .. ﺑـﻼ ﻋﻨـﻮﺍﻥ
ﺍﺗـﻮﻩ ﺑﻐﺮﺑﺘـﻲ ﻣـﺪﺭﻱ ﻃﺮﻳﻘـﻲ ﻭﻳـﻦ ﻳﻮﺩﻳﻨـﻲ
ﺍﺗـﻮﻩ ﺑﻐﺒـﺔ ﺑﺤـﻮﺭﻩ ﻣﺜـﻞ ﻣﺮﻛـﺐ ﺑـﻼ ﺭﺑـﺎﻥ
ﺍﺑـﻲ ﺑـﺮ ﺍﻷﻣـﺎﻥ ﻭﻣﺎﺑـﻪ ﺍﻱ ﻣﺮﺳـﻰ ﻳﺮﺳﻴﻨـﻲ
ﻇﻤﺖ ﺻﺤﺮﺍﺀ ﺍﻟﻤﺸﺎﻋﺮ ﻟﻴﻦ ﻣﺎﺗﺖ ﻓﻲ ﺭﺟﺎ ﺍﻻﻣﺰﺍﻥ
ﺗﺤـﺮﻯ ﻏﻴﻤـﺔٍ ﺑﺎﻟﻮﺻـﻞ ﺗﻤﻄﺮﻧـﻲ ﻭﺗﺮﻭﻳـﻨـﻲ
ﺻﺮﺧﺖ ﺍﻟﺼﻴﺤﻪ ﺍﻟﻠﻲ ﻣﻦ ﺻﺪﺍﻫﺎ ﻫـﺰﺕ ﺍﻻﺭﻛـﺎﻥ
ﺭﺟﻊ ﺻﻮﺕ ﺍﻟﺼﺪﻯ ﺑﺎﻟﺼﺮﺧﻪ ﺍﻟﻠﻲ ﺟـﺖ ﺗﻌﺰﻳﻨـﻲ
ﺧـــــــــــﻄـــــــــــ ـﺎﻱ
ﺧﻄﺎﻱ ﺍﻧﻲ ﻃﻠﺒﺖ ﻣﻦ ﺍﻟﺬﻧـﻮﺏ ﺍﻟﻌﻔـﻮ ﻭﺍﻟﻐﻔـﺮﺍﻥ
ﻭﺍﺫﺍ ﻛﺎﻥ ﺍﻟﻈـﻼﻡ ﺍﻋﻤـﻰ ﻳﺎﻛﻴـﻒ ﺍﻧـﻪ ﻳﻘﺪﻳﻨـﻲ
ﻋﺮﻓﺖ ﺍﻥ ﺍﻟﺰﻣﻦ ﻗﺎﺳﻲ .. ﻋﺮﻓﺖ ﺍﻥ ﺍﻟﻬﻮﻯ ﺧـﻮﺍﻥ
ﻋﺮﻓﺖ ﺍﻥ ﺍﻟﻐﻼ ﻛﺬﺑـﻪ .. ﺗﻐـﺬﻯ ﻣـﻦ ﺷﺮﺍﻳﻴﻨـﻲ
ﻋﺮﻓﺖ ﺍﻥ ﺍﻟﻮﻓﺎ ﻟﻌﺒﻪ .. ﻭﻗﺼﺔ ( ﻛﺎﻥ ﻳﺎﻣﺎ ﻛـﺎﻥ )
ﻋﺮﻓﺖ ﺍﻥ ﺍﻟﺪﻫﺮ ﺿﺪﻱ .. ﻭﻗﺼـﺪﻩ ﺑـﺲ ﻳﻌﻨﻴﻨـﻲ
ﻃﻠﺒﺘﻚ
ﻃﻠﺒﺘﻚ ﻳﺎﻟﺰﻣـﺎﻥ ﺍﻟﻠـﻲ ﺣﺮﻣﻨـﻲ ﺷﻮﻓـﺔ ﺍﻟﺨـﻼﻥ
ﻃﻠﺒﺘـﻚ ﺛـﻢ ﻃﻠﺒﺘـﻚ ﻭﺍﻥ ﻃﻠﺒـﺘـﻚ ﻻﺗﺨﻠﻴـﻨـﻲ
ﻃﻠﺒﺘـﻚ ﻻﺗﺨﻠﻴﻨـﻲ ﻋﻠـﻰ ﺫﺍﻙ ﺍﻻﻣـﻞ ﺳـﻬـﺮﺍﻥ
ﺩﺧﻴﻠﻚ ﻳﻜﻔـﻲ ﺍﻟﺤـﻆ ﺍﻟـﺮﺩﻱ ﻭﺍﻟﺠـﺮﺡ ﻳﻜﻔﻴﻨـﻲ
ﺩﺧﻴﻠﻚ ﺗﻜﻔﻲ ﺳﻴـﻮﻑ ﺍﻟﺼـﺪﻭﺩ ﻭﺣﺮﺑـﺔ ﺍﻟﻨﻜـﺮﺍﻥ
ﺩﺧﻴﻠﻚ ﺗﻜﻔﻲ ﻃﻌـﻮﻥ ﺍﻟﺴﻨﻴـﻦ ﻭﺭﻋﺸـﺔ ﺍﻳﺪﻳﻨـﻲ
ﺩﺧﻴﻠﻚ
ﺩﺧﻴﻠﻚ ﺭﺩ ﻟـﻲ ﺧـﻞٍ ﻃﻮﺍﻧـﻲ ﺑﺼﻔﺤـﺔ ﺍﻟﻨﺴﻴـﺎﻥ
ﺍﺑـﻲ ﻗﺮﺑـﻪ ﻭﻟـﻮ ﺍﻧـﻪ ﻳﻤﻮﺗـﻨـﻲ ﻭﻳﺤﻴﻴـﻨـﻲ
ﺩﺧﻴﻠﻚ ﻻﺟﻔﺎ .. ﻻﺑﻌـﺪ .. ﻻﻓﺮﻗـﺎ .. ﻭﻻﻫﺠـﺮﺍﻥ
ﺗﻌﺒﺖ ﻣﻦ ﺍﻟﻮﺩﺍﻉ .. ﻣﻦ ﺍﻟﻀﻴﺎﻉ .. ﻭﻣﺎﺿﻲ ﺳﻨﻴﻨﻲ
ﻣﻤﺎ ﻻﻣﺲ ﺍﺣﺴﺎﺳﻲ ..