يا خاطفي وين ألقى عزتي في زمان المذلة !
:::
:::
:::
دخلت السياره
شهد : السلام عليكم
يوسف : وعليكم السلام والرحمه والأكرام .. هلآ بروحي
شهد بحيآء : هلا فيك
يوسف بعد مآتحرك بعيد عن بيت أهلهآ : عسى انبسطتي حبيبتي
شهد : ايه الحمدلله .. مسك يدهآ ورفعهآ لحد شفآيفه وبآس ظآهر كفهآ : عسآه دوم
شهد بصوت هآمس : وأنت جنبي
يوسف أبتسم على كلمتهآ : عيدي جملتك مآسمعتهآ زين
شهد أرتبكت وسحبت يدهآ من يده : قلت أمين
يوسف ضحك على أحرآجه لهآ : فديتك ياقلبي
شهد : اقول يوسف الحين زوجة أخوك محمد تصير اخت سيف
يوسف : ايوه هم عيال خالتي .. ليش تسألين
شهد : توي دريت يعني ماقد جبت لي سيره ان ام محمد تصير اخت سيف
يوسف : وهذآ انتي عرفتي
شهد تضحك : شكل كل يوم بتفأجئ بشي جديد
يوسف يفتح بكت الدخآن ويحط السيجآرة بفمه : يمكن
شهد مسكت يده قبل يطلع الولآعه : يوسف نسيت أيش صار فيك أمس ؟
يوسف : عآدي متعود ورآسي يوجعني لآزم أدخن
شهد : الله يخليك خفف منه أنا خآيف عليك وعلى صحتك ويش بتستفيد منه
يوسف : أنا مقدر أتركه لا تحآولين
شهد بصوت متهدج : بس رآح يموتك أنت فيك ربو
يوسف حضن يدهآ بيده : محد يموت نآقص عمر
شهد بترجي : يوسف حبيبي الله يخليك خليه انا ماحب ريحته
يوسف يرميه: أوكِ مآبي أضآيقك
شهد : اللي يضآيقني انك تعآند على شي يضرك
يوسف أبتسم : خلآص خلآص بحآول أتركه
ضغطت على يده بقوه والفرحه بعيونهآ لكن بنفس الوقت حست أنه يسكتهآ عشآن يغير الموضوع .. قطع عليهآ أحاسيسهآ صوته
يوسف : يالله حبي وصلنآ الفندق
:::
:::
:::
ببيت أهل يوسف
مريم بزعل : ليش قلتي له عن لبس زوجته هي تلبس اللي يريحهآ
ام يوسف بحده : مابقى غير زوجة ولدي تتفصخ انا مالبستكم العاري والقصير بزوآجآت أخوآنكم اخلي زوجآت عيالي يلبسون أعوذ بالله
غدير: يمه ترى الناس كلهم يلبسون عاري وقصير جت على شهد
ام يوسف : شي عن شي يفرق ماشفتوآ لبسهآ اليوم كيف كل رجولهآ برآ وصدرهآ ماتستحي دمهآ بارد
مريم : يمه تكلمي عندنآ عآدي بس قدآم يوسف صعبه لاتتدخلين بشي مآلنا صالح فيه البنت وكيفهآ
امهآ عصبت : يعني انا غلطانه يوم اقوله خل زوجتك تتستر بلبسهآ وتحتشم
ناديه : ماغلطتي يمه بس خلاص ويش نبي حنآ بالبنت كل وآحد ينآم على الجنب اللي يريحه وحنآ نبي سعآدة اخونا مانبي نسبب لهم مشآكل
ام يوسف : والله اذا المشآكل بتجي بسبب كلمتي ذي فأنا ماقلت شي غلط ماقلت غير الصدق
مريم تعرف امهآ وعنآدهآ : طيب طيب اقفلوآ السالفه
ام يوسف : كأن كلامي ماعجبك يامريم
مريم : لالا عاجبني ونص بعد
غدير بأعتراض : انا مو عآجبني ويمه لاعاد تتدخلين بين الرجال وزوجته
أم يوسف : انا عطيتكم وجه مابقى غير انتم تعلموني ويش أقول
نآديه تهمس لمريم : امي زعلت تأسفوآ منهآ
مريم : يمه حنا مانقصد أسفين
امهم : ايه باين ماتقصدين
غدير بصوت وآطي: عآد امي وحطت أحد برآسه ماتفكه