يا خاطفي وين ألقى عزتي في زمان المذلة !
:::
:::
:::
بآلمجلس
ابو مها : الحين البنت تجي ياولدي أحنا بنروح المجلس الثاني
يوسف يطالع بأخوه ويبتسم : خذوآ رآحتكم
اخوه يهمس له : انتبه لاتاخذ رآحتك انت
يوسف : هب حتى الشيبان ينكتون
ضحك ابو مها وأخوه على كلامه وطلعوآ للمجلس الثاني . وبقى هو وحيد ينتظر لحظة دخولهآ بع دقايق سمع صوت همسات خلف الباب كانت وآضحه له
شهد : خايفه مووت لاتخلوني بروحي
رغد : شهد هذي اللحظة لا تفوت لاتخربينها بغبائك
ريم : شهيد توكلي على ربنا وادخلي
ريماس عقدت حواجبها : ترى تجرح حلقي وانا اتكلم ريحينا وادخلي
شهد وصرها بدأ يرتفع وينخفض وانفاسها احتدت : طيب .. ادعولي
كلهم : الله معك
سحر : شهد خشي يالله
رغد تسحبهم كلهم وتدخلهم عشان تدخل لانهم لو جلسوآ معها مستحيل تتحرك وتدخل
أعظم (وجـع) بالحب لا صرت تشتاق ...
لـ اللي تحب ولا أنتقـادر تشوفه!
يكويـك "جمـرٍ" داخـل القلبحرّاق ...
زود ٍعلــى نــاره تهـدّك طيوفه!
لا مـرّ بعيـونك كمـا نـوض برّاق ...
مـالك مجــال إلاّ تســاير ظروفه
ياصاحبـي لـو بينـي وبينـك آفاق ...
نفسي معـك في كـل حالـة شغوفة
ما كنت "قبلك" خلف الإحساس أنساق ...
وإن شفت درب الحب أسكت وأطوفه
يلين جـاني منعطـف سيل الأشواق ...
بأمر الغرام اللـي سطت بي سيوفه
قاومت لكـن! خافـي الحب ماطاق ...
صابه صمـود ٍ زلـزل أجزاءخوفه
بغيـت أردّه بـس حسيـت بإخفاق! ...
في لحظـة ٍ"مـد" لـ كفوفك كفوفه
جا لك ولا كنت أحسـب الحب دفاق ...
لين أغرق الخـافق وسال بـ نزوفه
أثْــر المحبـة نبضهـا دوم سرّاق ...
دمي وهـو دمـي بجسمـي تحوفه!!
حاولت أداري حـب قلبـي بالأوراق ...
وأثْر الورق ماهـي أمينـةحروفه
سـلّ المشاعر من متاهات الأعماق ...
وأصبح يفسـرّ كل وضـع بوصوفه
يكتب تقاريـر الغـلا وقت الإشراق ...
وعندالمسـا يعطيـك باقي كشوفه
يا"جامـع" حنيّـة الكـون بأخلاق ...
معـذور قلبـي لـو يضمك بجوفه
فتحت الباب اللي كان شبه مغلق .. وبدأت نبضات قلبهآ تزداد كبتت كل الخوف والأحراج وضغطت على نفسهآ ودخلت .. ماقدرت ترفع راسها حتى تشوف وين جالس ريحة عطره ماليه المكان
شهد ( لآزم اكون طبيعيه وارمي كل الحياء ورآي ... بــــــس بـــس كــــــــيــــــف !!)
تعلقت عيونه فيهآ ينتظرهآ تهمس بكلمه حتى ترمي باقي المهمه عليه .. رفعت رآسهآ وبانت خدودها المتورده من الأحراج
شهد : السلام عليكم
يوسف وقف : وعليكم السلام .. مشت بخطوآت بطيئه وقربت منه وجلست جنبه ومايفصل منهم الا مسافه تكاد لاتذكر
يوسف : كيفك ؟
شهد نزلت راسها : بخير ... انت كيفك
يوسف : بشوفتك قدآمي بألف خير ... طلت فيه بنظرات غير مقصوده وارتبك منها
يوسف : قصدي اني بخير .. مسكت نفسهآ لاتضحك عليه وتحاول تقاوم ضحكتهآ ظلوآ فتره ساكتين كانت متردده لاترفع راسها وتناظره وهي تحس بعيونه تأكلهآ أكل
شهد : يوسف لاتطالعني كذآ
يوسف ابتسم : طيب ارفعي راسك ليش مستحيه .. انا بصير زوجك واخبرك جريئه
شهد تلعب بخصله من شعرها : جريئه بشي وشي لا
يوسف : بس أنا احب البنت الجريئه
شهد : حبها زي ماتبي ويش خصني انا
يوسف ( مادريت أنها جافه بالتعامل كذآ .. هذي كيف اتقرب منهآ .. شكل مشواري طويل معك ياشهد )
رفعت رآسها وشافته سرحآن يلعب بجوآله لقتها فرصه حتى تحفظ ملامحه اللي تعشهآ لحد الجنون لكنهآ ماتبينهآ لأي مخلوق سوى قلبهآ وروحهآ وأورآقهآ
شهد : أستأذن ...
يوسف مسك يدهآ : وين بدري .. سحبت يدهآ بهدوء وماردت عليه
يوسف : مابعد شبعت من شوفتك
شهد استحت وحست بحرارة جسمهآ ترتفع : بس لسى ما ملكنا حتى نبقى وقت طويل مع بعض
يوسف : معك حق
شهد : عن أذنك .. ومشت وسكرت الباب ورآها وتنهدت وهي تطالع بيدها اللي لمسهآ وتحطها على خدهآ همست بينها وبين نفسها : أحبــــك
:::
:::
:::
بــعـــد ســــــنــــــه
غيرت مجرى حيآة ابطالنا .. كانت صدماتهآ اكبر من أنها تمر بدون اثر عليهم .. خلقت لهم حيآة أخرى تختلف بكل نوآحيهم عن حياتهم السابقه ... جلعت منهم اشخاص مختلفين عن حقيقتهم وألبستهم كساء أخر لايعرفونه
كسرت بعض القلوب .. وطعنت البعض الأخر ... أذاقتهم المر وحملت لهم رسائل شائكه
عندما يتبعثر الحب الصادق ويخترقه سهم الخيانه ستكون الحياه مختلفه
عندما تتهاوى امنياتنا واحلامنا ولا يبقى منها سوى الفُتــات ستكون الحياه مختلفه
عندما يظهر الماضي ويتجلى بصورة الحاضر ويصاحبه الألم ستكون الحياه مختلفه
عندما يطعن القلب من يد من كآن له حبيب سيتشوه معنى الأخلاص وستكون الحياه مختلفه
{وستبقى هي الحياه نسايرهآ وتسايرنا ونهوى العيش فيهآ }
؛؛
شافت مهآ جالسه تتفرج على التلفزيون كانها تهرب من همومها .. وبنتهآ جنبهآ تلاعبها حتى تنسى الذي كآن .. انتبهت لوجودهآ
مها : شوق تعالي أجلسي
شوق جلست قبالها : مها متى بترجعين تدرسين
مها ترضع بنتها : قريب ان شاء الله من بكره بروح الغي الأجازه
شوق : بس انتي طولتي فيهآ
مها : عادي .. جات شهد وبيدهآ الاب توب
شهد جلست جنبهم : شوفوآ هذي الشنطه شكلي بطلبهآ
شوق : حلوه
مها : لالا ليش تطلبيها والله ماتستاهل
شهد : انا بطلبها ومعها كم أيشارب عشان لونها قريب من ملابسي
مها : الرجال مايستاهلون تتكشخين لهم خساره تشترين شي واحد عشانهم
شهد طلعت عيونها : بس يوسف غير عنهم
مها عصبت : كلهم وآحد وآطين وحقيرين طبيعتهم كذا
ريم تهدي الوضع : طيب طيب خلاص لاتعصبي مافي شي يستاهل
مها نزلت دموعها : كل الرجال خونه كذابين
شوق ضمتها وبدت دموعها تنزل مع مها : لاتكدرين خاطرك ياحبي مصيره يعرف قيمتك هو الخسران انتي ماخسرتي شي
شهد بحزن على حالة خوآتها : لاتخلوني اكره الزوآج انا على وجه زواج
شوق : الزوآج استقرار ومشاركه لما تلاقي اللي يتفاهم معك ويشاركك بكل شي .. واظن يوسف انسان وآعي ومثقف وبيقدرك
شهد وقفت بعد ماكدرت مها خاطرها بكلامها ورآحت بدون ماترد على شوق ودلخت غرفتها وقفلت الباب
بدت تعتلي نغمه جوالهآ بالصاله .. نفس النغمه تتردد عليها لكنها ماترد ابدا على المتصل من سنه وشهرين
ريم : شوق ردي على فهد حرام عليك
شوق بعناد : ما أبي ارد خليه يولي
مها تمسح دموعها : ردي عليه ترى راسي انفجر من كثر مايدق
اخذت جوالها وراحت لغرفتها ..
شوق : الوو
فهد : ليش ماتردين علي
شوق : انت تعرف ليش مايحتاج اقول لك ؟
فهد : متى بترجعين ؟
شوق : اذا نفذت شرطي ارجع لك
فهد عصب : انا تعبت وانا اركض وراك متى تحسين على نفسك ؟
شوق صرخت عليه : انا اللي تعبت منك ومن تصرفاتك وانت ماتهمني .. ياخي طلقني وخلني ارتاح منك
وقفلت الجوال بوجهه
^^^
^^
^
؛انتهــــى البــــــــــــــارت ..