[متيمة بهواها]

اقتباس المشاركة الأصلية كتبت بواسطة الاصدقاء .. عشان نتصارع قبل النوم، واللي يخسر .. عليه يقوم يطفي نور (وإن كنت، مع قلبي الطيب، اتوقع اخليها تغلبني كل مرة) طيب، اول شئ .. ايشبكم كدا نطتيتوا بحلق البنت .. كانها سوت السبع الموبقات على رسلكم، .. ادعو الى سبيل ربك بالحكمة .. والموعظة الحسنة اختي الكريمة، .. اسمحي لي اول شئ ارحب فيك عضوة جديدة .. ، شرفتي ونورتي ثاني شئ، .. بالاصالة عن نفسي .. ونيابة عن غيري .. اعتذر منك فـ ما الحماس اللي تلمسيه في بعض المشاركات الا غيرة .. وحرصا عليك بخصوص الرياضة، .. خليني اقول اول شئ .. انها شئ جميل، .. وان يمارسها الجميع فحديثه عليه الصلاة والسلام .. اللي فيما معناه : (علموا اولادكم الرماية والسباحة وركوب الخيل) يحثنا على ممارسة انواع من الرياضة .. ولِأن نكون مهرة فيها كرياضات خاصة، وانه في الحديث .. عمم .. وما خصص لجنس دون الاخر لكن برضو يا "متيمة"، نجد ان الدين .. وضع لنا ضوابط لاشياء اساسية .. ولها اكثر اولوية قبل الرياضة زي مثلا .. مفهوم "عورة الجسد" سواء بالنسبة للرجل او المراة وزي مثلا .. ، واذا جاز التعبير، ادب وحدود الاختلاط في الاماكن العامة وبالتالي تجدي انه علينا تحري ومراعاة، اشياء، وهذه التعاليم .. لما نفكر في ممارسة اشياء هي متاحة ومباحة لنا .. زي الرياضة مثلا بمعنى، ان نمارسها في حدود .. وضوابط وهنا يا "متيمة" تجي نقطة الجدل والخلاف في موضوع زي ممارستك كرة القدم وقبل الحديث عن كرة القدم للنساء .. وممارستك لها ابغى اتطرق لجانب، انتي ذكرتيه .. وتفضلتي بالحديث عنه وهو المقارنة بين هنا وامريكا .. وموضوع الرياضة والحريات .. ، وامكانية واتاحة لعبك لكرة القدم هناك طبعا انتي الان شفتي بامريكا رياضة "كرة القدم الامريكية" ، واللي هي مختلفة تماما عن كرة قدمنا .. والمعروفة عالميا .. ، كرة قدمهم شبه محصورة عليهم وسؤالي هنا، ما لحظتي ان كرة قدمهم .. ما فيها فرق نسائية ؟ ما لحظتي؟ .. ان كرة قدمهم ما تمارسها حتى نساءهم ما تعتقدي - وانه تماما زيك - في من نساءهم .. من قد تهوى ممارسة كرة قدمهم ؟ وعلى الرغم انه عندهم، ما في شئ يمعنهم .. لا دين، .. ولا اسلام، .. ولا عادات، .. ولا تقاليد، .. ولا كلام ناس، .. ولا شغلة زي "تفقد انوثتها" ؟ لكن رغم ذلك، ما في مراة امريكية .. تمارس كرة قدمهم او حتى "تندب حظها" .. انه من الغير متاح لها ممارسة هاللعبة وانا اتكلم عن علم، .. لان في يوم من الايام .. كنت طالب زيك هناك طيب، .. خلينا نلم الموضوع .. الواضح لي شخصيا .. انك انسانة حسنة النية يا "متيمة" وعشان كدا، ما انتي قادرة تشوفي .. وتفهمي .. ليش الناس معترضة على لعبك للكورة كونك في مقتبل العمر، وارجح انك من وسط .. كنتي فيه محاطة بمن يرعاك ويشيل همك ويزود عنك خطر الحياة .. والمجرمين فيها فعشان كدا ما شفتي الجانب المظلم والشرس للناس والحياة خارج البيت وجزء من الدليل على كدا .. استغرابك - لبرأتك وعدم معرفتك - في كلامك لما قلتي : احسن، ونصحيتي لك .. اصحك تحتكي فيهم هدول طال عمرك - والا من رحم ربي - لهم غاية ومراد فيك وزي ما وجدوا فيك جوراة على كسر المفاهيم والعادات .. ولعبتي كورة يتوقعوا مثلا، انه ممكن يصل فيك "التحرر" لان يكونوا محظوظين معاك وتكوني لهم "قيرل فرند" .. وينالوا منك ما يناله الـ"بوي" من "قيرل"ـه سالتينا نحن الرجال .. عن لعب زوجتنا لكرة القدم ؟ اللي حاقولك اياه عن نفسي كرجل .. اني ابحث عن، ويجذبني في المراة، .. المراة الحيية، المحافظة على حشمتها وعفتها (الحيية : يعني اللي تستحي) المراة اللي تصون نفسها لكن معايا، وفي علاقتنا مع بعض .. وفي خصوصية ببيتنا، .. زي ما قلتلك في البداية .. مو بس ابغاها تلعب كورة .. وانما تصارعني كمان .

يسلمو ع كلامك اللي يجنن

ويدل على عقليه واعية واسلوب راقي جدا

قليل امثالك

اعارضبك في بعض الاشياء اللي ذكرتها

الاختلاف ما يفسد للود قضية

مشكور اخي