[نايف الشريف]

عام=2006

ياسعود قلبي كاره الحب ياسعود=عفته انا يابوك من عام ستّه
صكيت بابه والحَرَس جيش وجنود=قلب(ن)يقود النفس عوّدت قدته
مافاد عَرّضِك يالغنادير فالعود=ماصيدهن مادمت انا الضبي صدته
الشّعر الاشقر وين وعيونه السود=لوهو يِعَاد العمر والله عدته
وقت(ن)مضى لي كنت انا فيه محسود=كم ليل بين احضان محبوب بتّه
وانتم صغار السن فذّات ورقود=اسهر انا والبدرِ والكون سدته
بيني وبينه حبل ميثاق وعهود=خل(ن)عَطيته عهد مايوم فتّه
إن كان مات الخل واليوم مفقود=عمر(ن)فقدته فيه وإن طال متّه