جيت أقول إني أحبك شفت عينك و إستحيت
\
/
\
"الحنين"
اللي وقف بي عند بابك ..
اشبع اشيائي غرابه ..!
كيف تقدر ..؟
تبعد بلحظات عني ..؟!
وتملى اشيائي كآبه ..
رغـد جالسة مع هبة بالمطبخ ..
هبة .: بصراحة ما ارتحت لها أبـد .!
رغد { يخرب بيتها هالناموسة ، شنو جابها هِنـاآ ؟! ربي ما يوفقهـا ، نظراتها كلها حقد رغم اللي عملته بي }
هبة .: وينكِ رغـد ؟!
رغد .: ماكو شي .!
هبة .: أطلع الكيكة من الفرن ؟!
رغد .: هـييه .
رغد { أكيد جاية تفصلني من هِنـا .! وربي لأوريهـاآ .! ، أتغذى فيها قبل ما تتعشى فيني }
هبة { من جت هالمرة وبناتها وهي متغيرة }
أم علاء دخلت .: الشاي لغرفة الضيوف بسـرعة والحلى .!
رغد .: طـيب .
رغـد حملت صينية الشاي والحـلى ..
هبـة .: إنتِ بخير ؟!
رغد .: هيـه .. لا تحاتين ..
\
/
\
ياحبيبي لاتواعد مواعيد وتغيب
دامك تقول المواعيد من غير شهوه
والله إني من عرفتك وسميتك حبيب
أسمع بصوت الفناجيل وماشفت قهوه
بالمجـلس ~
أم ماجد .: أنا جيت أحذركم من الخادمة اللي تعمل عندكم .
مريم .: من فيهم ؟!
أم ماجد .: ياللي اسمها رغـد .! هذي عملت سحر لبيتنـا لما جات تعمل عندي وسحرت ولدي ..
أم علاء بخوف .: معقولة ؟!
مريم بعدم تصديق .: ترى اللي يتبلى على الناس جزاه عند ربه .!
أم ماجد بتوتر .: كلامي صحيح ومشعوذة ومنافقة وحتى بيت جيراننا يشكون منهـا قبل .
انكسرت الصينية من يدهـا ودخلت بقوة عليـهم ..
رغـد بصراخ .: ما المشعوذة إلا إنتِ وأولادكِ ، واحد يتعدى على بنات خلق الله وواحد بالمخدرات ،! احترمي نفسكِ زين ، وإلا أذكركِ شنو سويتِ ببيت أم نايف وأم سمير وأجيبهم يشهدون ، احمدي ربكِ ما رفعت قضير على إبنكِ بتهمة السرقة ..!
أم ماجد وقفت وكلها بركان ثائر .: كذابة .. { ناظرت أم علاء ومريم } شفتوا أسلوبهـا شلون ، الله كشفهـا .
رغـد .: لاحقتني لهني ، الله ينتقم منكِ شر انتقام على اللي عملتيه فيني ..!
مريم مشت لعند رغد ومسكت يدها بهدوء .: هدي بالكِ .
رغد نزلت كـم الزي الرسمي للخدم وبانت آثار حرق كبير .: هذا مو إنتِ اللي عملتيه بي وكمان جاية تخربين علي عيشتي ..
البنات اجتمعـوا يشوفون شنو صاير .!
نغم بحقد .: هذي هي السافلة ..
رغـد .: أنا ماشيـة ، ريحي قلبكِ ، لكن ربي ينتقم منكِ شر انتقام .
مريم بحزم .: مارح تمشي ، رح تظلي هِنـاآ ، مكانكِ معانا .. هي اللي بتمشي .!
أم ماجد بإستنكار .: أنـاآ .!
رغد طلعت من عندهم ومشت للمطبـخ وصدمـت به .: ما تشوف .!
علاء مسكها من ذراعها .: على وين ؟!
رغد بإستحقار .: ما يهمك .!
علاء بخبث .: وين بتروحين ؟! مالكِ حد ..
رغد بابتسامة سخرية .: فوزية عندي .!
علاء بابتسامة .: ما حزرتِ ، فوزية انتقلت مكان ثاني مع خدمهـا .
رغد بصدمة .: شـو ؟! ،
وخرت عنـه ومشت للمطبخ .: وين راحت ؟!
{ أطلع قبل ما يطردونني وأحافظ على كرامتي }
\
/
\
مثل ما عقرب الساعة يرقص قلبـي الملهـوف
على شوفك وأناظر ساعتي من .. فيض وجداني
أسابق خطوتي واوقف على حد الرجا والخوف
بنفس الموعد اللي لا جفيته فاضـت أشجانـي
أحط ايدي على خدي / وكلي باللقـا مشغـوف
بقصـر أبو طلال ..~
شهـد تلعب مع ولدهـاآ نواف .: مـاما .
نواف ببراءة طفل .: ما ما .
شهد تبوسه في خده .: يؤبرني الحلو ، ربي ما يحرمني منك ..
مناير بابتسامة .: الله يخليكم لبعض ..
شهد .: انشاءالله ..
أم طلال .: أحمد ربي إنكِ طلعتِ قوية مثل أخوانكِ ..
مناير .: وحدة مثلك ، تبكي وتتحسر وإنتِ قوية .!
شهد .: ما تعلمتِ أبكي مثل حاجات وكنت حاسبة يجي يوم نتحاسب به كِذا ..
مناير .: الحمدلله على كل حال ..
شذى .: نوافِ .!
نواف جالس بحضن أمه ويلعب معاها .
وسن .: الماما كمـان رح تجيب لنا بيبي ..
أم طلال بفرح .: ألف مبروك يبنيتي ..
مناير .: الله يبارك فيكِ .!
شهد .: هالمرة نريد صبي ، يلعب مع نواف ..!
ذياب جاي وجلس جنب مناير .: انشاءالله تقوم بالسلامة ..
أم طلال .: أهم حاجة .
وسن .: أنا أريد صبي .
شذى .: أنا أريد بنت .
ذياب .: خلاص توأم .!
مناير .: لا لا ، أنا لما جبتهم ، إنت نايم وأنا أنام بالحجرة الثانية معاهم ولا حتى تساعدني ..!
أم طلال .: هههههههههه .. هذا ولدي ما يقصر بالمساعدة .
شهد .: كان يقول ، بتزوج علشان البنت تخدمني لا غير
مناير ناظرته .: باين إنه بس للخدمـة ..!
شهد .:ههههههههههههه .. الله يرجكم .
ذياب .: فضحتينـاآ .
مناير .: تستاهـل .