اممممممم
تدريسي بالرووضة الترم الثاني أتعبني مررة ونفسيتي كانت تتش لاأحد يكلمني كرهتها كره
طبعاً أنا كلمت المشرفة ثاني أسبووع من بداية الترم إني ماودي أكمل أحس بصعووبة وماودي أهضم حق البنوتات وودي بمعلمة أفضل مني فرفضت قالت بالعكس أنا حضرت لك وأول مرة تدرسي تمهيدي حلووو قلت طيب أنا نفسيتي يعني أبي أصرف ماعرفت قالت شوفي لو عندك سبب غير هالكلام زواج أو سفر نعذرك بس غيره لا واعقلي وخلي عنك هالكلام الفاضي :(
طبعاً مشيتها واستمريت وجووا زميلات معي بدوام العصر وصرنا شله وناااسة مانسوولف الا العصر عن الاحدااث اللي حصلت معنا الصبح ولا الصبح بالطوابير بس لان طوول الوقت واحنا منزرعين بفصوولنا مع الاطفااال :(
وكل يووم يطلعووا لنا بقرارات تعرفوون لما الواحد كاره نفسه وهم يزيدوا الطين بله أنا أنرفز وقتها وزميلاتي هدئ هدئ أصلاً هالترم وبنتركهم عااد وكله كووم ويوم حضروا لي المشرفات من مشرفة وحدة الترم الأول إلى مشرفتين الترم الثاني ويوم قيمووني عطووني أقل من جيد قلت أحسن فكه بالرغم إنهم ظلمووني بأشياء بس ماجادلتهم لان أغلب المعلمات اللي جادلووهم بتقييمهم كانوا يسكتووهم إلا القوياات ينزلوا عند المديرة ويأخذووا حقهم أنا قلت لزميلاتي والله ماراح أجادلهم ولاشئ هم ظلمووني بهالشئ وكم مرة تحضر لي المشرفة الأولى وتشووفني أسووي هالأشياء بس بينهم وبين ربي وأصلاً يحطوون لي صفر ماأبيهم كرهتهم وكرهت أسلوب تعاملهم معنا ..’
وكان أهم شئ بنااتي (طالباتي ) تضبط أنشوودتهم بالحفل وتطلع حلوووة وكانوا بالتدريب ويوم التصوير شئ ماشاء الله بس الله يهديها وحدة من البنات يوم الحفل النهاائي هي بالمقدمة شافت أمها وبكت ولاأنشدت والمديرة والمشرفات تعالي قداام بناتك وش أسووي حاولت أسكتها البنت أبداً لين جت أمها وشالتها من المسرح وأنا شووي مع البنات عشاان لايحوسون الدنيا قالوا خليك معهم جلست أناظرهم وأحمسهم لين خلصووا الأنشوودة على خير وقالت لي المديرة شيلي البنت اللي بكت مع زميلاتها ويالله جت معي ويوم نزلنا بالفصل قلت زعلانة ليش ماأنشدتي مع البنات جلست تبكي هالبنت مررة دلووعة وبعدين أمها قالت لي آسفة والله بنتي داايم إن شافتني تبكي قلت كان جلستي بمكان ماتنتبه لك والله قهر قالت حقك علينا قلت عادي بس عشاان تشوفينها زي بقية الأمهاات ولا أنا بالسي دي وقت التصوير كاانت متقنه الانشوودة قالت وش أسووي فيها الله يهديها صح جننوني البنات سنة كاملة بس انقهرت ماسلمت عليهم وودعتهم حز بخااطري :(
بس يكفي إني صوورتهم بجوالي الله يحفظهم ويسعدهم وأشوفهم أمهات في المستقبل ^^
المهم الرووضة رجعووا طلبوني ونشبوا لي أول رسايل جوال ولارديت بعدين دقت علي مشرفة من المشرفاات ولان رقمها مو مخزن عندي مارديت بعدين ارسلت لي اسمها وردي علينا وانا وقتها طفرانة ماعندي رصيد فقلت بشحن وأرسل لها بعدين اتصلت وقلت لها لا ماني معكم والعصر بنفس اليوم كلمتني المراقبة أفا ليش منتي معنا قلت بريح هالسنة ههههههههه أوم التصريفة هالمراقبة حبيتها والله بس بس تعاملي معها قليل مو زي البعض الله يهديهم وقفلنا السالفة وفيه معلمات يكلموا أمي خليها تكمل وماأعرف ايش حسيت إني حنيت بس تذكرت قلت لا وألف لا أهم شئ رااحتي وجلست كم يوم الا المشرفة الاولى ترسل لي بالوااتس ترى احنا مانستغني عنك وماعرف ايش كلام طوويل احرجتني وأنا مستحيل أشوف أحد يكلمني ولاأرد عليه رديت عليها أنا الحين مشغولة بزواج ولدعمي يصير خير بعد الزواج وقلت لها حسيت بصعووبة ومافيني أكمل رجعت قالت لي فكري زيين وترى عشان اول سنة صارت صعبة عليك بس بعدين بتتعودي كأنها أقنعتني شوووي بس لامستحيل أرجع خلااااص صرااحة قرارتهم صعبة شووي ومافيه تعاوون أبد والأسلووب كوم ثااني بالحيااة فعشاان كذا الواحد يشتري رااحته ^^
ترى مو كل يوم أفضفض لبنات عمي وزميلاتي بالواتس عن الرووضة
ولا كان مت قهر الله يسعدهم كانووا يخففوا عني بكلامهم ويصبرووني الحمدالله وأنتهيت من الرووضة ☺
وبس فضووها سيرة << انتهى الحديث ^^