من غير جرح القلب في جسمي جروح
عيا الزمن الشين يبريْ جروحي
في هامش الدنيا صويب ومطروح
بلوى ورى بلوى آهات روحي
تخالطت دمعات عيني مع النوح
صلب الحديد يذوب من قوَ نوحي
ماعشت في عمري ولايوم بفروح
من سكه الحرمان أرجع واروحي
تعبت من طول العنا دون مصلوح
اليأس دايم في عيوني يلوحي
متى على الله تنفرج لوعه الروح
ويجود وقتي بالأماني شحوحي
ولاذكرت اللي مضى قلت مسموح
راح الشقا واليوم تبرأ جروحي