من كثر حبك وزود الشوق بفوادي
ازريت اصبر احاسيسي واهديها
حسيت بك تزهم المشتاق وتنادي
دعوتك فرضن على روحي تلبيها
قطعت من نجد كم ديره وكم وادي
اتبع بروقك واخايلها واماشيها
حداك ظرفك وانا ظرفي بعد حادي
تعوقت فرحتي باول خطاويها
صحيح صار الحزن حاكم ومتمادي
يقتل بنفسي عزايمها وامانيها
لكن معك طعم ضيقي والالم عادي
حبك يجبر تفاكيري ويشفيها
تعال داو الحشا ياشربي وزادي
ترا زمان الصلف عامين يكويها
هجير وقتي وشوفك غيم وبرادي
لو ماتراعي عيوني من يراعيها
ابيك تقهر معادينك وحسادي
وانا اقهر ايامنا العسره واقاضيها