اليوم قررت أن احتفل بشخص عزيز عندي
مو بس عزيز الا من غلاه مآدري وين اوديه
تدرون من هو او من هي قد تستغربون وقد تقولون وش لنا بهالشخص حبته والا ماحبته هذا شئ يخصها
أكيد شئ يخصني لكن لهذا الاحتفال مناسبه
وأحببت ان تشاركوني أياها
من كم يوم انعزمت عند صديقه المهم حبت تسوي لنا عرضه نوع من التغيير
كأنها مفاجأة يعني لكسر الروتين
طبعآ كنا متشوقين لهالعرضه جدآ
أختفت وبعد 10 دقائق ظهرت بشكل غييير
تدرون وش مسويه .. ؟
راحت للكبت حق جدتها وانتقت أحد اثوابها ولبسته وحطت شيله من الي يلبسنها النسوان الكبار
ولفتها بطريقه ماتبين وجهها ولبست من حلي الجده
وبدت تقلد حركات جدتها يعني أختارتها ماده للضحك
تخيلوا !!!
احنا نعرف ان الجدات يحبن يحتفظن بأشياء قديمه تذكرهن بماضيهن
وحياتهن السابقه والي لو نطول السماء مانحس بمثل حلاوتها وجمالها
صحيح صار شكلها شبيه بالجده لكنها ماهي بوقار الجده ولا هيبتها
صاروا البنات يضحكون استانسوا على المهزله الي سوتها
حسيت ساعتها بحزن عميق جدآ بدل ماهي تخليها تاج على رآسها
تقوم تعملها ماده للسخريه !!
ياناس دول بركتنا بركة البيت وحلاته
شوفوا كيف تهل البركه بوجودهم الله يحفظهم ويخليهم لنا
للاسف لاحظت استهتار البنات بحق كبار السن والوحده منهم حتى لما بتسلم عليهم او بتوصلهم بتحس هالشئ تأدية واجب لاأكثر ولا أقل
لا ويقولوا لي لاتصيرين ثقيلة دم كله مزح في مزح
الله وأكبر وين المزح في ــ ذا
الا سخريه ومسخره
ربي يخليلي تيته ويحفظها ويطول بعمرها
يازينها إليا قبلت شوفتها ترد الروح وتحسسني انا بزمان كله خير وبركه