[إشراقة أمل]

حبيبي ما قويت اصبر و انا كلي وله منثور
احسب الساعه بغيابك .. اعد اصغر ثوانيها
// // //
احسب الليل يسعني و شمسٍ بالنهار اتدور
افكر كيف ما يفهم عيوني ما يداريها
// // //
الا ياليل يابردك .. توكل و ابتعد مشكور
ابي ليلٍ يجي بعدك .. و ابي صبحك يعديها
// // //
انا قارب بلا مجداف ساكن في زمن مقهور
غريقٍ في بحر اشواق .. بعيدٍ عن موانيها
// // //
حبيبي لا تلوم اللي تعلق في هواك شهور
انا من جيت للدنيا عيونك سارحٍ فيها
// // //
انا عاشق من الغربه تولعت بهذاك السور
و لو دارت عليك سنين دروبك ما أخليها
// // //
رسمتك او تخيلتك .. اسولف بك بدون شعور
اسولف لك عن أيامي من اولها لتاليها
// // //
نويت ارحل .. نويت اترك بقايا خاطرً مكسور
نويت ابعد عن أيامٍ تعبت اجمع بلاويها
// // //
نويت امسح ظلام الوقت و اختارك بداله مجبور
احاول اجمع نجومي و لاني قادر احصيها
// // //
احبك كثر ما عديت .. كثر ما في السحاب طيور
احبك كثر ما حاوت حروف العشق هاويها
// // //
احبك كثر ما شاف عيوني بالقصيم تمور
و احبك كثر ما شافت عيون الناس غاليها
// // //
حبيبي ما قويت اصبر و انا كلي و له منثور
احسب الساعه بغيابك .. اعد اصغر ثوانيها