انا كذبه على العالم سألت الناس تعطيني
من اللحظه من الحاضر من الماضي امانيها
انا الموعد جهل وعده انا الدمعه انا فيني
هموم الكون مرميه هموم الكذب وارميها
انا هم البشر كله انا جروحي عناويني
معي خبز وبعض ذكرى معي طفله واناغيها
انا الياس وتفاصيله انا البرد ويدفيني
قصيد الشوق واستانس اذا غنت قوافيها
معي للعالم الثالث مطر جايع يكفيني
معي قصايد لها قصه معي قصه تساويها
عرفت ايامنا زيف وظلم وخداع ياعيني
وعرفت ان الهوى تافه اذا هالناس برجيها
حياتي هي حياتي لا ابد ماهي بتغنيني
مسافة درب امشيها ومسافة حب وامشيها
وحتى قلبي النابض بين لحظه يخليني
جميع الناس تكتبني فراغ وضحكت ايديها
انا منهو انا مدري انا تايه ورا دربي
لمست الجمر بعروقي وطاحت من محاريها
سكوت العالم اخذلني بكذبه وانكسر فيني
شعاع النور واحتارت عيون الناس وش فيها
الا يالله تنقذني بحور الياس تغريني
سراب ودمع وموادع سحاب وشوك واطيها
فقدت المدرسه وضاعت على كفي تلاويني
حصة عشقي الاول حرق من دمي اداميها
انا واخر زمن يبقى ادور عن عناويني
عيون الناس لو تشبع ما اظن الكذب يكفيها