[جيم تونك]

بالعكس انا اخالف كلام الاصدقاء هذي كلها قضيه وحده وحلها الكل من يحسبه صعب بالعكس بسيط جدا الا متى واحنا نسكت ومانقول لا . مااقول انك تعصي والدينك بس اقولك الرد اللي مفروض تكون جامد فيه .
طيب مشكلة انه الطلاق ومالطلاق ناخذها من قول الرحمن في القرآن المرأه وش لها غير رجلها الف بنت تتمنآ تعرس عشان تكون اسره سعيده تقولين مدرسه تقولين مديره الخ... اذا المراءه مالها حاجه بالدوام ليش تداوم اذا رجلها غير موافق لها ليش تعصي رجلها النتيجه بالنهايه لصالح الرجل وليس المراءه لانه الله سبحانه وتعالى قال انه المراءه لما تطيع كلام زوجها عباده .

اما بنسبة لموضوع انا مصيبه طيب مافكرتي ليه انتي مصيبه ؟؟؟ ماصرتي مصيبه الا لعدة امور ماتطعين والدينك ماتحترمين اخوتكـ بنات ام شباب كانو .
طيب تقولين انتي ماسويتي شي ليه ماتروح تتكلمين مع والديك او اخوانك بالموضوع الواحد لا سكت عن حقه ضاع فلازم تعرفين الشي هذا لازم انك تكونين ع وعي باللي يصير بعدين تحكمين ترا الوادلين عيالهم مايهونون عليهم مهما كام الا فحاله واحده اذا كان االاب سكير او راعي مخدرات لا سمح الله تهون عليه امه مو عياله وبس . وبعدين معظ مشاكل البيت تتكون من علاقة الزوجين ببعضهم البعض يعني علاقة الاب والام اذا ماكانت رائعه او جميله ماراح يهتمون فابنائهم كل واحد يرميهم ع الثاني ويحمل الثاني مسؤوليه .


اما موضوع البويه والايمو معليش لا تحطين عدم وجود حب فالبيت يجعلك تدورين شي ثاني هذا اسمه البعد عن الله سبحانه وتعالى الا متى نحط امورنا الدنيا لنا احنا لا هذا غلط انتي لو ترجعين لربك وتبغين مرضاته عليك اسعدك بالدنيا مهما كانت المشكله بيحلها لك يعني هذا موضوع مايحتاج للنقاش اذا شخص بكامل وعيه ودينه .


اما موضوع تكلمين شاب بحجة انه نقص في شي بحايتك هذا جدا غلط لانه انتي اللي تودين نفسك لهلاك وتسمحين للذئاب البشريه افتراسك وبالذات لا درو ان البنت محرومه عاطفيا يستغلونها.. ان ابوك وامك مايسالون ولا يدرون فيه اللي يدري ويسال الله سبحانه وتعالى يدري وش تسوين ويدري عن كل شي بس يحتري من الشخص اللجوء الليه قبل لا يسوي اي شي الله سبحانه وتعالى ياناس وش يقول انتم وينكم غافلين عن هالامور الله يقول ياعبد مهما فعلت مهما سويت لو رفعت يدك وتبت اللي توبه نصوحه وصادقه اغفر لك مهما فعلت ماادري انتم الا متى غافلين تدورون الحل من الناس وتلجاون لهم والله سبحانه وتعالى فاتح مصراع كفيه لك يبيك تستغفر وتتوب اليه بسسسسس



اما لموضوع الزواج والخطبه مااقدر اتكلم فيها ومالتس الا ترجعين لله سبحانه وتعالي يفك ازمتس لانه بصراحه عادات وتقاليد انا مااعترف فيها بس وش نقول غير الله يلين قلوب كل من قسا ع عياله

طرح جدا جميل ورائع وكلام الاعضاء ايضا رائع والكلام هنا مو موجه لشخص معين او لفاته معينه موجه لكل الجنسين وليس لعمر معين .

تقبلي مروري مع انه شوي لاذع بس هذا اللحقيقه اللي لازم نواجهها والف شكر ^_^