[Đмαя]

Givenchy

..



ياليت دنيانا على الكيف تمشي
... واكون دآيم ياغناتي اقبالك
..
ياسآكنه مآبين جفني ورمشي
... الله يطيّب ياهوى البال فآلك
..
عديّ فديتك بالمعاني ودشيّ
... وانا وصدري يالنديمه حلالك
..
إسقي خفوقي من سحابك ورشي
... نبتك وراعي بالمواصل منالك
..
ولين استوى زهر المعاليق حِشي
... كل عاذل ٍ ياخذ من الضيم بالك
..
فِشي عساني مانحرم منك فِشي
... شِديّ وانا اقطع من تجرا ونالك
..
وطِشيّ فديتك هرجة النقص طِشيّ
... خليّ شموسك ترتوي من ظلالك
..
ولا تعالي في مرابعك .. خِشي
... الدار دارك ياخلفهم ومالك
..
تعالي ابخطوة سموّك وقشيّ
... من يعترض درب ٍ على حد جالك
..
دوسي على حدب الضلايع .. تمشيّ
... يابخت صدر ٍ بين الاطياف شالك
..
لا لا تغشيّ .. ثم لا لا .. تغشي
... والروح تشرب من قرايح زلالك
..
وان ضاق صدرك من عذابي تعشيّ
... ياضيفة ايامي ترى الليل حالك
..
وشيّ حياتي يااجمل الحور .. وشيّ
... وانا الذي دونك مع الناس هالك
..
عودي نشف واصبح مع الضيق .. هَشيّ
... وياما على درب المحبه مشى لك
..
ياللي عطورك من روايع Givenchy
... لبيك .. ولبا .. ياحياتي .. دلالك
..
عصفورتي نامي على نبض .. عِشيّ
... دامك زرعتي بالحنايا .. وصالك