[صدق النوايا]

اقتباس المشاركة الأصلية كتبت بواسطة فهد الفريدي يسلمك ربي ( تحدوها البشر ) هذي ابيات قلتهم عندما شكى لي احد الاصدقاء حاله مع معشوقته بصراحه شددت عليه القول واخذت اثقل عليه الحديث لسبب طبعا ( حتى يهدأ ولايندفع ويحسب اموره ) قالي لي : اريده ان يكون حب خارق .. فقلت هذه الابيات : ياللي تقول انك تبي حب خارق=حتى يكون الحب مثل المشاهير ياللي تصنع بسمتك وانت غارق=بحر الهوى قبلك تحدى طوابير فكر وخل اللي براسك يفارق=واحذر تخيل حب ذيك الاساطير العشق لعقول المحبين سارق=كم واحد ٍ خلى عيونه مساهير فهد الفريدي

وللا زمان المعجزات الخوارق=وفي شرعنا ما نعترف بالاساطير
لكن سألت الاندلس قبل طارق=كانت تفكر في عربنا مسايير
ياصاحبي ما دام للصدق بارق=بعيون من تمسي عيونه مساهير
وباقي بصيص من الامل بالمشارق=بكره يجي لحلامنا الف تبرير
ما كل طرف مكتحل طرف سارق=ولكل رجال له الصدق تجيير
الله خلقنا نلتقي ونتفارق =وبالصدر حب ضاق منه الازارير
يانوف قلبي في محبتك غارق=من دون ليه وكيف مافيه تفسير
حتى لو ان الحب للجوف حارق=يكفي لقيتك حب حشمه وتقدير
صدقك ودمعك والوله فيك فارق=انشهد انك يابعد شاعرك غير