[راجية الجنان]

السلام عليكم ...

راح اتكلم عن موضوع قاعدين نعيشه كل يوم و بسبته نتعرض للمشاكل ...

الموضوع هو الصراحه ...

الصراحه صفه بدت تتلاشى عن مجتمعاتنا , سواء في طرح الاراء او الافكار او حتى في الكلام ...

خلونا ناخذ مثال بسيط على كلامي ..

مثلا اذا صار اي نقاش بين مدير و موظف عادي , و المدير سأل هذا الموظف سؤال , و لنفرض ان اجابة هذا السؤال ( بصراحه ) ما تعجب المدير , تتوقعون هذا الموظف راح يجاوب بصراحه ؟؟ ولا راح ينافق و يقول الجواب اللي المدير يبيه ...

خلونا ناخذ نتايج هذا الجواب من حيث اذا جاوب الموظف بصراه او نافق في الاجابه ..

اذا جاوب الموظف بصراحه راح يعصب المدير و بالتالي يتفنش او يحط عليه المدير , و اذا جاوب بنفاق راح يستانس منه المدير و راح يرضى عنه ...

شفتوا الفرق ,,,,,,,,

و هذي بعض الامثله اللي تحوشنا كل يوم في حياتنا ..
مثلا اذا كنت طالع مع رفيجك و سألك و قالك ...
(( هاا شلون لبسي )) ؟؟
شي طبيعي و بديهي بتقوله لبسك حلو و بتجامله في الاجابه حتى لو كنت مو مقتنع باللبس ...
لانك اذا قلت رايك بصراحه راح يزعل و اذا جاملت بيرضى عنك ..

ناخذ هذا الموضوع من منظور ثاني .....
اذا قلت كل ارائك عن ديرتك بصراحه و بدون اي نفاق او جذب , تتوقع ان هذا الشي راح يرضي الكل ؟؟
مهما كانت ديرتك بلد ديمقراطي اكييد راح تجامل في سبيل حريتك و سعادتك ...

لكن السؤال اللي يطرح نفسه الحين ..

ليش صرنا نعيش داخل اقنعه بحيث ان الباطن يختلف عن الظاهر ؟؟؟

ليش قمنا نجذب على بعض و نقص على بعض و الصراحه راحت ؟؟

ليش اذا اي واحد قال رايه بصراحه عن اي شخص يزعل هذا الشخص ؟؟

ليش قمنا نكتم كلمتنا ؟؟؟

ليش كل ما تكلمنا و قلنا ليش ابتعدنا عن الصراحه نكروا ؟؟؟

بانهي موضوعي بكلمتين ...

واقــــــــــــــــــــع مــــــــــــــــــر!!


منقــــــــــــــــــــول





[mover]ولكم حياتي قبل تحياتي:[/mover]







دلـــــــــــــــــــــوعة جده ;)