واعذابي منك يـا صـوت الربابـه=كم بحثتـي خافـي النفـس العليلـه
بين قوس وسلك ولحونـك تشابـه=الوتر واحد ومن حطّـه .. يشيلـه
كل جرّه منـك مـا معهـا مجابـه=ما كسبتي مـن مجاريـرك جميلـه
أتركينـي لا تزيديـنـي صبـابـه=خاطري مشحون وسموعـي ثقيلـه
العـوا لـو قطّـع حلـوق الذيابـه=كـل ذيـب ٍ زاد بعـواه وعويـلـه
ليـه عيّـا يفتـح النسيـان بابـه=نعمـة النسيـان ماهـي مستحيلـه
من طواه العشق .. وأعياه.. وغدابه=قام يهـدم حالتـه .. ويهـدّ حيلـه
كل ما هبّ الهـوى جـددّ صوابـه=الـذواري زادت الحـمّـى مليـلـه
ما يـدوّر غيـر دعـوه مستجابـه=كان ما الله راحمـه واعزّتـي لـه
أتفكّـر بالـسـؤال .. وبالإجـابـه=وأتذكّـر كـل يـوم .. وكـل ليلـه
وين غاب اللـي محيّرنـي غيابـه=غايتـه عيّـت تبررهـا وسيـلـه
عقب حبّه في ضميري شـقّ نابـه=وهلّ في صدري غلاه وسال سيلـه
شدّ عنّي ما ترك لـي مـن زهابـه=غيـر باقـي سيرتـه والله وكيلـه
في جراهيـد الجفـا هجّـت ركابـه=عقب قيّدنـي علـى راس الطويلـه
ليت قلبي ما قطـف زهـرة شبابـه=وليت وجدي ما شرب من سلسبيلـه
أن عذرته .. ما على الدنيا غرابـه=وأن تركته .. كل مخلـوق وسبيلـه
ميـر ليتـه يسمـع الـودّ وجنابـه=في جناب الود غنوّا فيـه شيلـه !!
لـ سدآح العتيبي..