طالبك لا تصد وعاد نفسي تباك
كيف منّك حبيبي كيف تقوى الرحيل
طالبك لا تعرّض صاحبك للهلاك
ماخبرتك شحوح وما خبرتك بخيل
طالبك دام قلبي ياحبيبي يباك
ما تعيّش غروري عيشة إبن الذليل
طالبك طلبة اللي ما تعمّد جفاك
طوُل ليله يفكّر .. ما لقاله دليل
طالبك ياعذابي .. طالبك نعنباك
إرحم اللي عشانك يعمل المستحيل
أنت قدرك كبير وعاليٍ مستواك
لك هنا في فوادي شي ماهو قليل
أنت في عين خلّك .. أقسم إنك ملاك
صعب أوصّف لأنك جارف الحب سيل
لو بغيت آتصدد وسط عيني أراك
ولو بغيت آتجنب كل حبك أميل
صوب طرفك حبيبي يسعد الله مساك
لا ذكرته ذكرتك لا غشى الصبح ليل
وإسمع اللي بقوله .. صادق الود جاك
بختصر لك مسافة عشق حبٍ طويل
يا تبادل حبيبك والغلا من غلاك
ياعتبرني غناتي مثل عابر سبيل