اللهم لك الحمد والمنة انتهى انتداب الوكيلة العبوس ...الوكيلة الجديدة صراحة محترمة وتتفاهم وهذا احلى شئ في الادارة ....
المديرة الجديدة ناوية نية ماهي سهلة على المدرسة يعني بتقلب عاليها واطيها يعني بالعربي بتعمل اعادة بناء بما يتوافق مع معتقداتها وارادتها ....
خرجنا يوم الأحد مدرستنا المعتادة ورجعنا يوم الاثنين ووجدنا الدنيا مقلوبة_ كنت بارجع من باب الادارة قلت لااكون غلطانة داخلة مكان ثاني :)
الدنيا معفوسة سألت الخالة ايش اللي حاصل قالت علمي علمك بس يقولوا بتضرب بوية وبتعدل الكهرباء .....الخ
المعلمة اللي ماسكة مادتي التوحيد والفقه تقاعدت الله يقوم ولدها لها بالسلامة يااارب ويقر عينها بتمام شفاه ياااكريم ويحمي ولدي وابناء المسلمين مما ابتلاه.
وقالت زميلتي خلينا نكلمها تشوف معلمة تشيلة لايرجع لنا راح يكون ضغط علينا ..دخلنا للمديرة الجديدة سألتني عن اسمي بالكامل ماتعرفنا لسه :) اعطيتها وسجلته عندها كلمناها قالت راح يرجع لكم بس الصف الثالث راح نعطيه لمعلمة لان موادهم كثير .
قلت لها : حاولي يا استاذة وخلينا على بالك اذا تيسر لك تخففين علينا طبعا لانها ذوق في الرد ردت : ياسلام انتم على بالي ولايهمكم ...بيني وبينكم قلت كلام بتسكتنا بي وبتحاول تكسبنا ماودها تخسرنا ...بعد كم يوم من هذا الحوار تفاجأت باحدى المعلمات بتسألني عن كتاب مادة الفقه اذا عندي لان المديره مسكتها الفقه وخلت لنا التوحيد ..
طيب يا سحوره من بدأ بالمكارم فليتمها كان اعطيتها التوحيد كمان :( يالله الحمد لله حصة واحدة برضو خير عقبال الثانية :).
.