كنت احسبك لي حبيتك وعزيتك
واثرك الغيري وانا احسبك لي متهييّ
انت اللذي جيت في رجليك ماجيتك
واليوم تبخل علي بالصوت وتعييّ
بس لايهمك على فرقاي لبيتك
وابيك تسمع كلامي يابعد حييّ
لو مابه الا انت والله ماترجيتك
ولا انت بلاقي حبيب يقدرك زييّ
منت اول انسان كلمتك وخاويتك
لاكن درب الهوى ماصار بيدييّ
هذي توافيق لو اني تمنيتك
الميت مايرجعنه طبي وكييّ
بس اعرف ان كان خليتن وخليتك
يبقى جبل طي مع مر الزمن طييّ
باكر اليا جيتني لاتقول ذليتك
تبى تجيني ترجاني وباعييّ
عبد الكريم الجبــــاري
|