[poet font="Tahoma,4,darkblue,normal,normal" bkcolor="transparent" bkimage="backgrounds/5.gif" border="ridge,4,indigo" type=2 line=200% align=center use=ex length=0 char="" num="0,black" filter=""]
جوهرة
غالية نفيسة
نادرة .. صعبة منال
بين طامع وبينها ..
صفحة عنا وأميال
ولو خاض كل بحورها .. يجني الضما ما نال
شعرة تدله دروبها
لو حب يعرف سرّها .. بدري عليه محال
ومحال .. هي تظهر على كف الرجا لرجال
ومحال يُقرب صوبها
. . .
ليلة .. سبح في بحرها بحار
موعود .. في غبة بحر بأسرار
أبحر وغاص
وأهدىعمره لبحر .. لو عانده ما ناص
وطبع البحر غدّار
. . .
موعود .. وحظه بعد موعود
وليله معه موعود
في جوهرة
أم العيون السود
سحر وخجل وخدود
اطباع ربي زانها .. منبع حنان وزود
مرسى العشق في عينها .. بساط الوفا الممدود
والروح منّه وينها ؟ .. يوم اللقا الموعود
راحت عطا في حينها .. للغالي المعبود
بشرع الهوى..معبود
وبوسط الحشى..موجود
ورعشات
مدري اشكثرها
ومخطوف لون الجود
. . .
راحت تدق قلوبهم .. بسجع العشق وأشوقه
من أول لحظه بليلهم .. حفر الغلا بأعماقه
وفي دفا ضمّة كلهم ..غاب الوعي باشراقه
وضحكات برسم شفاههم .. وقلوبهم مشتاقه
مشتاق كل منهم .. وأهل الهوى ذوّاقه
واللي حصل ما بينهم
رعشت لقا .. وريقٍ سقى
لينه خجل .. ليل اللقا
وأسدل على لقاهم..عهد
يقطع فيافيه..بوعد
بيومٍ جديد يلمهم
بعد النهار
والروح..وحده تضمهم
بشمس النهار
وإذا بدايتهم (عهد)
وأول خطاويهم (وعد)
ياليل ما أكبر حبهم
. . .
ياليل ما احدٍ غيرهم .. غنّت له الأقدار
ولو ألف ظرف بينهم .. في حبهم ينهار
اللي الوفا من طبعهم
ما فيه قوّة تردهم .. لو تسلب الاعمار
لآخر يوم بعمرهم
كبير فيهم حبهم .. وبقـوته جـبـّـار .
0
0
0
تــــــــحـــــــياتي لــــــكم ..
اخـــــــــــــوكم .. مــيزو ..
[/poet]