راحـت مــن يديـنـي كــذا وانــا انـاظـر فــي يــدي
لا قـادر اوصـل دربـهـا ولا قــادر اقــوى بعـادهـا
حسيت يوم افراقها كن جسدي ما هو جسـدي
مثل الشعوب اللـي تحـس غربـة وهـي ببلادهـا
قولولـهـا محتـاجـهـا والـشــوق حـاديـنـي حـــدي
تعـبـت مــن كـثـر السـهـر البـعـد نفـسـي بـادهــا
ضاع جهدي فدوة لهـا لـو منهـا ضـاع جهـدي
احــط مـوعـد وانـتـظـر يـمـكـن تـجــي بميـعـادهـا
هـي بـس ترجعلـي وانـا نـذرٍ عـلـي اذبــح فــدي
وانـي ماعـاد انـسـى ابــد تـاريـخ عـيـد ميـلادهـا
ازعلتهـا وكـان السبـب تافـه مثـل وجــه الــردي
انـــي نـسـيــت اذكــــر ابــــارك لـلـفــرح بـعـيـادهـا
تطور الموقـف وانـا ماكنـت فـي الموقـف هـدي
كابـرت انــا ومثـلـي بـعـد هــي كـابـرت بعنـادهـا
الحـق معـهـا واعـتـرف والـحـق مــا والله يـغـدي
والغلطة ماتحسب على اللي لا غلـط ماعادهـا
قولولـهـا يـشـهـد عـلــي الـلـيـل والـجــرح الـنــدي
ساعـة عطتنـي ظهـرهـا والقـلـب يـصـرخ نـادهـا
وان كانها عيت تجي وراحت ورى البعد تعدي
الله معـاهـا بــس تـقــول الـبـعـد وشـهــو فـادهــا
واذا سكتت او دنقت او طالعـة صـوب الجـدي
تــراهـــا ودهـــــا بـالــرجــوع وعـنــادهــا مـاقــادهــا