شفني فديتك غصب عني تبسمت واغمضت عيني كود اخفي حزنها لكن دموعي تكشف الهم لاهنت مثل الذي يدفع سكوته ثمنها ياسيدي يسبق تعابيري الصمت روح(ن) تفارق يا حبيبي وطنها وانت وطن روحي وفيها تطمنت واسأل بعادك من فلاها لمدنها في غيبتك كلي بدونك تألمت من برد بعدك يوم أبطى زمنها وخيول شوقي تتبعك وين ماكنت ما دام بيدك تمسك الها رسنها مشتاق لك مشتاق لو ماتكلمت صورة سنا طيفك معايا حتضنها لين ارتسم قلبي بحبك ورسّمت لكن غيابك شل روحي ودفنها نعم احبك موت لازلت ولازلت الين تلبس جثتي لك كفنها