[poet font="Simplified Arabic,4,blue,normal,normal" bkcolor="transparent" bkimage="backgrounds/14.gif" border="none,4,gray" type=0 line=200% align=center use=ex length=0 char="" num="0,black" filter=" dropshadow(color=skyblue,offx=4,offy=4)"]
يا بِنت
علامَ الدّمْعَه تِطيح ؟
علامَ البَسْمة تِغيب ؟
مِن يكون الّلي جَرَجْ ؟
مِن يكون الّلي تَركْج ؟
ظالِم القصّة
وش مِنه تنتطرين ؟
خاين العِشْرة
وش منه تِرْتجِين ؟
++++
يا بِنْت
ما هَقيتِج تِضعفين !
و ما هَقيتج تِزْعِلين !
خايِن العِشْرَة اتْرِكيه
ظالِم القصّة
من بالِج امْسحيه
لا هو حَب و لا عِشق
لا هو بِكى و لا وعد
غير بَسمة مِنه لو تِذكرين
غابت في لَحظة لو تِعرفين
قصتَه معج انتَهت مِن سِنين
بس بَقول
تعالي نِِكرر القِصة
بعالم غيــــــــــــــر هالمَرّة
خالي مِن رَسْمَه ومِن اسْمَه
و من جُروحْ صَدّه و امْسَه
تعالي نِرسِــــــــــــــم القصّة
و نِكْتِب قِصيدة عَنتر و عَبلة
ونِرسِمْ قــــــــــــــلوبٍ كِبيرة
كانت بَريئة و كانت عَفيفة
كانت تِحبْ و كانت تِود
بصدْق و وفا
و اخْلاص و امل
و كانت تِموت
حَسْرة و اَلم
اذا فارَقَتْ بَعْضها
بَـــــعض
++++
وتعالي
نِكرر القصّة
بِعَالم غير هالمَرّة
خالي من عَبْله ومِن عَنْـتر
و مِن قَلبِك الباكي
تعالي ((نِرْسِم)) الدّنيا
بسود العِيون الجِريْحة
بَحْر العِــــــــــــــــــــيون
(( دموع ))
درب القٌلـــــــــــــــوب
(( طٌعون ))
و احاسيـــــــــــــس
(( مِن جليد ))
ماتت في بَرْدَها
(( احاسيــــــس ))
و تعالي
نِرْسِم قلوب هالقصّة
بلون الليالي السود
حالِكة...هالِكة
ما فيها نَبْضٍ و لا حَنان
ما فيها دفى و لا امان
تِشْبَه قَلْبَه الظّالِم
تِشْبَه قْصّة حبك الهالِك
++++
يا بِنت
تعالي نِعيش كِلْ قِصّه
و اختاري مِنْها اي رَسْمَه ؟
وفا القٌلوب ؟
سٌود الليالي ؟
او
(( انا ))
ايه انا
اللي عِشقْتِك
قبل لا تِهل الدّمْعَه و اعْرِفِك
قبل لا اشوف الدّمْعَه و اعْرِفك
قبل لا تهون الدّمْعَه و اعْرِفِك
قبِل لا تِعرفين الحُب
و سْهام العِشق
و ظالم القصّة
اللي راح و تَرَكج
للجُروح النّدِيّة
اداويها بِحْروف عَطْفي و حبي
يا بنت اترِكيه و اسكِني قلبي
قلبِي الهَايِمْ في سِما حبك
ماله في سما الغير ودّه
[/poet]
0
0
0
عزيزتي الغاليه ..
والشاعره المتألقه ..
والكاتبه الرائعه ..
الاخت / ألـــحـــان ..
اقف احتراما لقلمك الرائع
لقد ابحرتي بنا الى عالم الاهات
وتلاعبت بنا امواج العبرات
اقدم شكري لكِ ولبوح قلمكِ
تقبلي مني
تحياتــــــــــــــي
اخوك ميزو..