اقتباس المشاركة الأصلية كتبت بواسطة خالد السنحاني يسعد لي جميع اوقاتكم بالخير الصراحه كان ودي تكون القصيده منسقه بس مو راضيه واتمنى من المشرفين يشوفون حل للتنسيق اتمنى ان ينال النص اعجابكم لاتنشد العين يامزيون وش فيها خلها تشوفك مدام الشوف يجليها مشتاق لك والوله قاسي وذباحي ولحظة غيابك عيوني ما تدانيها ما تدري انك حكمت اليوم تفكيري وتامر عروق الحشا حشمه وتنهيها ما غيرك احدٍ تمكن قبل ما اشوفه جتني ضعون المحبه قبل راعيها رعت غلا وارتوت بالود واروتني ثم جيتني عقب ما وكد مماسيها اصبحت راعي محل وهذي ديارك بجها وسجها من اولها لتاليها عدل وبدل وسو اللي على بالك لو كان حتى الضلوع العوج تكويها ماني بعاذلك لكن يا بعد حالي نفس تمناك حذرا لاتخليها والله قد بي من الايام ماريه اهموم تومي بروحي في ملاويها اللي تمنيت عيا لايباريني وامور شنيتها دايم ملاقيها ماهو بشفي ولا ودي ولا كيفي الوقت حتى نفوس صغار مشقيها ابني بيوت الشعر والمقصد اعجابك لو ذائقتك العسيره صعب نرضيها ما بقي غير الفصيح ابنيه واقوله وابيات عنتر بموالي اجاريها انا الاديب الذي يخضع له القلم شعري كما النجم للركبان يهديها ابيات فيها من الابداع معجزة تحير الفكر والاسماع تشفيها نسجت من حبك السامي معلقة اسراب طير الهوى طربا تغنيها يمالك النفس والاشواق قاطبة من غيرك الروح لاتصفو لياليها الهم ليل اذا ما جن يفجعني وحبك البدر بالانوار يضويها سحابة انت وقت القحط ممطرة الارض من شوقها قامت تحييها يا وجد عيني عليك ويابري حالي دنياي دونك دنيه كيف اقاويها الارض خصبه صحيح وخيرها واجد لا بد من واحدٍ ياتي ويحيها احي المحبه وبين سدك الخافي وتلقى الوفاء والهيام اول مجانيها تكفيك في باقي الايام وتصونك تغنيك لاصرت تاخذها وتعطيها انا ادري انك تشوف الحين كلماتي وتقول الله وعلم من قصد فيها اقصدك ايه انت يعني كنك ماتدري عان المشاعر تسمي بك اساميها الهجس لو طعتها ليلين سرتني تتعب خطاوي في ساقة خطاويها اصايل وركضها ميزة اصالتها مسراحها عز وشموخٍ مباديها لاجل الحكا ما يطول وغيرك يمله الاشواق لرضاك ما حفيت سماريها ودي احتفظ في معلقتك يا خالد 000 يوم دخلت الى صفحتك ما دريت حروفك ممفعمه بالعاطفه وتجيب عليها رومنسية حروفك المتالقه بالنور والشفافيه اسمحلي اطلق عليك شاعر الحب رسمت على اجفان الروح معلقه شعر فريده من نوعها هنا ونثرت ابياتها المتغرده ورده في كل الزوايا الروح فنحازت له الارواح من جماليه معانيها وكانت النابغة دوما مبدع بلا حدود يا خالد ودوما منطلق بلا قيود وقصائدك الدافئه يعبق المكان بجماليتها وباريج حضورك الراقي خالد السنحاني 00 صح السانك مليون + ترليون شكرا لك امتعتنا بمعلقتك وشكرا لدفء حروفك المشتعله في القلب سجل ذروة اعجابي فيها 00 واسفه جدا على التاخير على الرد تقبل مروري المتواضع على صفحتك لك تحيتي وتقديري