...........
بعد مانزلت ام فهد وعيالها لبيتهم
بالسياره
مشاري : تدرين ياميساء ام فهد هذي طيبه وقلبها ابيض
ميساء : مشاري
مشاري : هلا
ميساء: ليه تسولف معك كذا كانها اختك المفروض انها تستحي شوي
مشاري : هههههههه تستحي مني هذي دخلت بيتنا واحنا صغار يعني اشوفها زي اختي الكبيره
ميساء ماقدرت تتكلم وحاسه بنار داخلها
................
وصلو بيتهم
وميساء راحت جلست لوحدها تفكر
اش تقصد ام فهد بهذي الحركات قدامي
هذا زوجي مو زوجها
ليه تحاول تضايقني كل ماقابلت مشاري
-ماوصلت لنتيجه-
طيب اشلون اقنع مشاري انها تسوي كذا تتعمد تضايقني
وشلون اقول له اني اغار عليه منها
وهو يعتبرها اخته الكبيره
وانه عيب تمدح قدامه بنات الناس
وهل بيتقبل مني
يارب تكون بعوني
...........
قطع عليها افكارها دخلت مشاري
مشاري : اش فيكي حبيبتي من جينا من بيت اهلي وانتي متضايقه
ميساء : مشاري بقولك سالفه بس اوعدني تسمعني للاخير وماتقاطعني
مشاري : اوعدك
ميساء : تخيل اني لما اروح بيت اهلي اقابل ولد خالتي اللي من يوم واحنا صغار اعرفه ويعرفني
ويقعد يرحب فيني ويسولف معي و ينكت ويمزح, واذا كنت انت موجود يقعد يمدح بنفسه وباخوانه وانهم مافيه مثلهم بالرجال وكل شوي يقول ياميساء وياميساء
وش بيكون شعورك
مشاري : بذبحه
ميساء : ليه هذا ولد خالتي ومثل اخوي وطول عمرنا نعرف بعض ونتكلم كذا
مشاري : هذا قبل ماتتزوجين , لا وقدام زوجك بعد هذا قليل ادب
ميساء : لاااا هو طيب وقلبه ابيض
مشاري حس انها تقصده : ميساء وش السالفه
ميساء : شفت شعورك الحين يامشاري هو نفس اللي احسه مع ام فهد
مشاري: ام فهد حرمه كبيره
ميساء : وولد خالتي رجال كبير
مشاري سكت وحس فعلا باحساس ميساء
ميساء : مشاري حسيت فيني, انا زوجتك احبك واغار عليك
مشاري : طولي بالك عليها حبيبتي هي طبعها كذا ما بنغيرها
ميساء : انت تتغير مو هي , هي مالنا سلطه عيها
مشاري : وش اسوي مااروح بيت اهلي يعني !!!!!!!
ميساء: اذا تحبني حاول تتجنبها واذا صارت موجوده لاتدخل البيت روح وقت ثاني واذا صار وتواجتهتو حاول ماتدخل معها بسوالف بس كلمه وردها.
............
وانهت ميساء الموضوع وماانتظرت موافقه مشاري وماحبت تضغط عليه خلته يفكر بالموضوع بعد مابينت له احساسها
...........
بعد يومين
مشاري : انا بمر الوالده تبين شي
ميساء: سلامتك وش رايك نعزمهم بكره عندنا من زمان ماجونا
مشاري : زين
ميساء : خلاص كلم امك وشوف اذا فاضيين بكره حياهم الله
مشاري : زين وبكلم ابو فهد هو وعياله بعد
ميساء : زين
...............
مشاري : يمه انتو معزومين بكره عندنا
ام مشاري : وميساء تدري
مشاري : ايه هي اللي قالت لي نعزمكم انتو وبيت اخوي ابو فهد
ام مشاري : غريبه
مشاري مستغرب : ليش غريبه
ام مشاري : لانها تقول لام فهد ما احب اعزم اهل زوجي ببيتي كثير ويحوسون البيت, احب بس صديقاتي اللي ماعندهم اطفال
مشاري : ميساء تقول كذا
ام مشاري : ايه واسال ام فهد اذا منت مصدقني
...........
مشاري رجع البيت وهو معصب :ميساء انتي قلتي ماتحبين اهلي يجونا البيت
ميساء: لا والله ماقلته
مشاري : امي تقول انك قايله هالكلام لام فهد
ميساء : والله ماقلت كذا
مشاري : يعني الحرمه بتكذب عليكي
ميساء : ايه تكذب والله ماقلت لها شي
شوي الا ميساء تذكرت
ميساء : اخر مره تقابلنا عند اهلك سالتني عن ام سلمان جارتي
قالت لي تجيكي بالبيت
قلت لها لا هم عايله كبيره
انا اروح لهم انا خفيفه
بس هذا اللي قلته والله مازدت كلمه
..................
راح مشاري لامه وفهمها الموضوع
امه اتصلت على ام فهد
وام فهد انكرت كلام ميساء وقالت انها قالت مااحب اهل زوجي يجون بيتي
وام مشاري مصدقه ام فهد
ومشاري قال لامه انه بيزعل منها اذا ماجات بيته هي وكل اخواته واخواته ومنهم ابو فهد وعياله
................
رجع لميساء وقال لها كل اللي صار
..............
ميساء تكلم امها بالتليفون وتبكي
ميساء : يمه تكذب علي عند خالتي والكل مصدقها
امها : ماعليكي يمه ربك بيكشفها اهم شي زوجك مصدقك
ميساء : ايوه مصدقني وطاحت من عينه ويقول حتى لو قلتي لها شي ليه توصله لامي , هذي وحده فتانه
امها : خلاص يابنيتي ماعليكي بيجي يوم وكل شي بيبان
ميساء : يايمه وربي مقهوره ومشاري عزمهم بعد كلهم, انا بقول له لاتدخل بيتي ولا اروح بيتها يكفيني ماجاني
امها : لااااا انتبهي يابنيتي ماراح يطاوعك بس بتخربين اللي بينك وبينه, يايمه لا تحطين زوجك بموقف اختيار بينك وبين احد من اهله وهذي مرت اخوه
ميساء : يمه ماني طايقها اشوف وجهها شلون استقبلها ببيتي بعد اللي قالته
امها : ماعليه يايمه تحمليها عشان زوجك واكسبيه وربي بيعوضك خير
ميساء : الله يعيني ادعي لي يمه هذا مشاري جا مع السلامه
................
مشاري : كيف الحال
ميساء: تمام
مشاري : باقي زعلانه
ميساء : وليه ماازعل وهي تكذب علي وتفتن علي عند امك وكلكم مصدقينها
مشاري : لااااااااا انا ماني مصدقها , بس انتي لازم تنتبهين مره ثانيه بكلامك معاها ماتعطينها فرصه تلف كلامك لصالحها
ميساء : اصلا ماراح اكلمها ابدا وبستقبلها ببيتي عشانك انت بس عشان ماتصير قطيعه بالعايله
مشاري : كل يوم تكبرين بنظري اكثر واكثر ياقلبي, وصدقيني مهما الواحد مثل الطيبه والحب وهو عكس من الداخل بيجي له يوم وينكشف , وانتي لاتشيلين هم احد اهم شي اني انا عارف انك صادقه وطيبه ومايجي منك الغلط
ميساء حست براحه من كلام مشاري وحمدت الله ان ام فهد ماوصلت لمبتغاها من انها تفرق بين مشاري وبينها بل صار العكس زوجها حبها اكثر وكبرت بعيونه , وقررت تتحمل اي شي عشانه
وهي واثقه بالله ان لكل ظالم يوم
............
اما ريم فخضعت لامر زوجها مكرهه وراحت زارت ام فيصل بالمستشفى بعد ولادتها بيومين
كان عند ام فيصل زوجها وولدها فيصل
لما دخلت ريم طلع ابو فيصل وقعد مع ماجد برا
ابو فيصل : زين جيت يااخوي زوجتي كتبو لها خروج الحين وسيارتي اخذها عبد الرحمن يرجع امي للبيت
ماجد : ولا يهمك حبيبي
وركبو السياره جميعا
ماجد وابو فيصل قدام
وريم وام فيصل وفيصل والبيبي ورا
ودار هذا الحوار
ماجد : كيفك فصول
فيصل : طيب عمي
ماجد : مارحت المدرسه اليوم
فيصل : ايه
ماجد : مبسوط صار عندك اخت حلوه
فيصل : لا مو حلوه ,تشبه امي , مافي احد حلو الا عمتي ريم
تبون تشوفون وجيه اللي بالسياره كيف صارت بعد جمله فيصل الاخيره -فديته-
ماجد
ابو فيصل
ام فيصل
ريم
فيصل بعد ماقرصته امه
ماقلنا لكم كيد الظالم في نحره
وسلامتكم