البارحه سمعت سرحان (ن) من الجوع يعوي = وده بصيداته وحالوا بالمشوك دونها
الخير واجد بس جوعه طاوي(ن) حاله طوي = واذا اركد الاصوات ماكن العرب يوحونها
امن القهر يقنب على روس الرجوم ويلتوي = القوم ترصدله وزوله بين (ن) بعيونها
ياذيب حالك حالنا في وقت عيا يستوي =تضحك سنون سنيننا وتعضنا بسنونها
الحظ لاما قام مره عشر مرات يهوي = وشفوفنا تلقى وهف شفه قصر من دونها
امن الضما نارد على العدان ما حن نرتوي =عد (ن)زغور(ن) فودها عطش لمن يردونها
حتى الامل اذا شعمنا له مشهايب الضوي =نلقى بعض خلق الله بنية ردى يطفونها
وقت القوي قدهو ضعيف والضعيف جاء قوي =واهل البيوت الخاربه بموالهم يبنونها
رجالهم لاما غوي قالو له ابد(ن) ماغوي = مدايح (ن) ماهي من اجله صرت (ن) يرجونها
الصعب يسهل له ولو يزوى علاشانه زوي =اهل النفاق تبجله وجرته بمتونها
فياذيب دام الحال واحدخلك بدربي خوي =لعلنا نخلف هقاوي غيرنا وظنونها