مسآكم الله بالخير ^_^
كيفكم يآرب طيبين وبخير مع الأجازه << ان شاءالله كلكم تردون بخير وماعلينا خلاف
قبل يومين او ثلاثه << والله بديت احوس الأيام *_*
تلاقيت انا وأنسانه اخر مره شفتها بثالث ثانوي
لأني أصلا تعرفت عليها بثالث ثانوي الفصل الأول
كانت طالبة تطبيق من جامعة الملك سعود قسم علم النفس
ولأن طموحي كان علم نفس وكنت أبي أدخل هالقسم حبيته أكثر منها
تعرفت عليها وعلى طول حبيتها اول مره أسويها صراحه
يعني أحب انسانه وأسولف معها وأعطيها كلام من عندي
بالعاده اخذ ولا أعطي يعني احب اسمع للناس وما أحب احد يسمعني
بس كان أسلوبها وتعاملها جداً جميل
الموهيم ومالكم بالطويله ^_^
تقابلنا ومو مصدقين هي تقول كأني عرفتك وماعرفتك مو مصدقه انو
انتي الي انتي بثالث ثانوي تغيرتي مرررره
وانا أقولها حتى انتي كنتي غير لأنك وقتها كنتي حامل
لحظات جميله أنو تشوف انسان حبيته ولكم فتره طويله ماشفتو بعض
وطالت سوالفنا وضحكنا وذكرياتنا رغم ان معرفتي بها مجرد فصل
دراسي واحد وكم مره بالتلفون وعقب انقطعنا
طبعاً الزمن يغير وانا اسولف معها وأتكلم وهي الي تسولف
تقول معقوله هذي انتي مو مصدقه تغيرتي مره اسلوبك تغير
وكبرتي والله احس من أسلوبك كأنك أكبر مني وأنتي الي داخله علم نفس
مو أنا ^_^
قلت لها شفتي كيف عااد الزمن يغير ويخلي الصغير كبير
قالت بجد وانا اشهد وانتي اكبر دليل رغم اني أول كنت
أحسك عندك قدره تثبتين وجودك وتبدعين في اي قسم ثاني
حتى لو ماكان علم نفس وفعلا تعبت وقدر الله وضاع الطموح
بس الخيره فيما أختاره الله
قالت لي سمعت انو انتي تكتبين مقالات وكلمات روعه
أبي أشوفها قلت لها انا مين قال وش ذا الأشاعه
قالت لاتخافين ماراح احسدك ^_^ <<< مت ضحك وقتها والله
قلت لا مو كذا كتابتي صغيراا وعلى قدي وبس يشوفونها صاحباتي
بس بجد انتي كيف عرفتي فقالت لي السالفه الي عرفت فيها
فوعدتها بس نتقابل ثانيه ونشوف بعض
بأوريها أو أرسلها لها
وأمس كلمتني قالت بجد بجد مو مستوعبه انو انتي انتي
^_^
قلت طيب كيف اخليك تستوعبين علميني والله انه انا *_*
وضحكت يااحبي لها الله يلم شملي بجميع احبابي الي فارقتهم بحكم الزمن والقدر
:(