فيني التهاب بالحلق وجع باذني ماسكه نفسي طول اليوم
ذلحين زاد وجعه .. وماليخلق اروح للطواري اكره المستشفيات..
بحكي لكم .. سالفه صارت..
عندي مراجعه في الطبيب موعد لبنتي ..حساسيه جلديه من الحر .. نفر جسمها
وخفت لايكون مرض ولاحصبه وديتها للطبيب هي مثلي تخاف من الدكاتره والمستشفيات ..
وانا في انتظار النساء كنت اسمع لحكايا وسوالف الحريم وماسكه البي بي اتراسل مع اخواني.
اضيع وقت واغير جو الكابه .. وماسي وامراض الي قاعده اسمعها .. انا اطلع شعره من راسي
ومسكها تعويذه قديمه ... وتضحك بنتي .. فاهمه حركتي... مروضتها
ودخلت بنيه كبيره وبيدها جوالها وكانت تسولف طبيعي وجلست
وفجاه وانا اتابع قصص المريضات وشكاويهم وحشهم في الدكاتره وموظف الاستقبال ..
الا البنت تعكفت وصارت تسوي حركات تشنج والي في الغرفه اختفوا مابقي غيري.
انا جلست اسمي واطالعها والعبره خانقتني ماقدر اسوي لها شي لاني اعرف ان التشنج
لازم محد يقرب منه فتره الصرع اللهم اني قمت واخذت تلفونها وحطيته في شنطتها
ووجلست اسمي عليها واردد البسمله عليها دخلت ممرضه هي والخلا واحد كانت
ثواني انتهي الارهاب النفسي وصحت
تبسم الله يرحم ضعفها و حسيت باختناق وبنتي عند الباب تبكي تقول تعالي
ماتبي ترجع خافت قلت لها تعالي واستريحي انثبري تحمدي الله علي العافيه .
انا سالتها ليش تراجعين وحدك .. قالت عادي حتي الادويه ماتفيده ..
انا ودي ابكي شي صعب تشوف مبتلي موقادر انك تصرف لاحول ولاقوه لك ..
زين امها اخواتها ابوها الشغاله .. محد فيهم يرحم ضعفها.. والسبب غامض..
اكيد لكل شي عذر اصعب من وقعه ..
علمت انني لست جبانه ... ولست انانيه ... وان في قلبي رحمه لم اتوقع حجمها اكبر من صدري,.,
يارب لك الحمد علي النعم والعافيه الي اعيشها .. اللهم لاتضعفني لغيرك ,,, الله ’’آآآمين ..
اللهم صلي وسلم علي حبيبنا محمد..
ااه تعبت وانا اكتب,,, اذني توجعني