نفسي حداها منك ضيم وهجران
وقلبي حداه من المقادير حادي
عودت نفسي للتجافي والاحزان
قلبي بوادي وانت قلبك بوادي
لو سالت الدمعه علي مر الازمان
لا بد تنشف بمسح الايادي
حبك غدا ما له مقر وعنوان
ما يسمع صوت العذر لو ينادي
حبك وهجرك لو وزنته بميزان
ترجع موازين الهجر والعنادي
بعت غرامي اللي مضي بارخص الاثمان
عندي علي هجرك دليل وكادي
مركب غرامي بك تحطم وغرقان
لبست ثوب الحزن والحدادي
مانيب ولهانه علي كل ما كان
حزني علي ايام الوفا والسهادي
ولعت في رسايل الحب نيران
وقلبي حرقته ما بقي الا الرمادي
وسلامتكم