قالت:اقصد قلت في وصف النقاب **** والعباه اللي بجسمك ضايقه
وفتنتك وآهات نفسي والعذاب **** هي قصيدة من خيالي لايقه
كنّ خدك من ورى جنحه سحاب **** ابيض(ن) ماجاه وسم(ن) سايقه
ماكسى الاّ نصف وجناتك سراب ***** احلف انك ماشريته بايقه
مرتخي من فوق خشمك مايهاب ***** من شذى انفاسك تصيبه عايقه
سعد حظه ماعليه من الغياب ****** يلبسك نشوان وانتي رايقه
تقصر الخطوه معك (ضوق) الثياب ***** مشيتك لعباء ردفك طايقه
خاثر(ن) طرفك يفتّح كل باب ***** كن توّك من منامك فايقه
من يشوفك مايبي غيرك زهاب **** اعتزل عن كل خشف(ن) شايقه
في جمالك تلتويّ كل الرقاب **** كل نفس(ن) في وصالك تايقه
بس تدري يابخت ذاك النقاب ******** والعباه اللي بجسمك ضايقه
وسلامتكم
فالح بن راشد ال حثلان