[عطش]

[/poet][poet font="Simplified Arabic,4,black,normal,normal" bkcolor="transparent" bkimage="backgrounds/17.gif" border="none,4,gray" type=0 line=200% align=center use=ex length=0 char="" num="0,black" filter=""]
السلام عليكم ورحمة الله وبركاته



( المفارق )


المـفـارق لاقضـى صـبره وطاح إجهده
ويش يبقى له ليا صار بفراق ن طويل

وش يسـوي لاغـدى كـل شـي ن مـن يده
وأصـبـح من البعد لاحـول ن ولافيه حيل

ضايق ن صـدره ومـن مابقـلبه يضهده
تـاه عـن درب الهدايــه ولابيده دليل

ماله إلا ذكـريـات ن ليا جـت تسعده
في زمان ن بالسعاده على العاشق بخيل

ذكريات اليا طرت له يفوح من إجسده
عـطـر مـن لعـيونها لو غدى عمره قليل

الـعـنـود الـلي غـلاها بدم ألاورده
مـن عشـقهـا وله فيهـا مبات وله مقيل

اللي الحب العفيف أصله وهـي مولده
عــل قلب ن حبها مـاعـن رضـاهـا يميل

كـان معهـا ماحلى الليل لاجا موعده
كنه مـن الـحـب ينبت زهـر ويسـيل سيل

لاغــدى كـلـه سـواليـف حب ن توقده
شـمـعـة ن في ضيها للوفاء وجه ن جميل

أشهـد إنها للمفارق من الناس إوعده
وإنـهـا كـانـت دوى جـرح خفاق ن عليل

لـكـن الحـظ الـردي عـن هواها بعْده
لين ذاق الهم مـن عـقب شرب السلسبيل

راحت وظــل بمـكـان المواعيد إوحده
في رجــا يـمكـن تجيله ويمكن مستحيل

والمفاااارق لاقضى صـبره وطاح إجهده
الـله يعـيـنه ليا صـار بفراق ن طويل




أخوكم: محمد بن حمد ال الحارث اليامي

( عــطـــش .. )
[/poet]