يا بنت انا بياع ورد مطلعه لب الكبود
*****يشرح صدور من عنا الدنيا تطاول همها
شاعر وشعري يا الجميله ما شريته بالنقود
*****نبع الضمير ومن احاسيس تزاخر جمها
وانا احمد الله قد عطانياه وارجي انه يزود
*****وكل البحور الكايده تشهد لي اني عمها
تمشي على كيفي ترى بالسهل ولا بالنفود
*****بالطوع ولا بالغصيبه ومهدور دمها
وادري بعد اني على الشعر ومعانيه محسود
*****هو درة في خافقي وافخر بها واضمها
احلى المعاني جبتها سلسال من ماس وورود
*****من كل بحر جبت حاليها وقمت ألمها
هدية مني لك ياالمهرة الشقر الشرود
*****فلو تمخطر من بهاها ما تماري بأمها
يامسهر عيني وخلق الله من الراحة رقود
*****تفداك روح في يدينك مع دواها سمها
كل على ماقيل من جوده وما جوده يجود
*****ولا خير في بير نبطها ما يسقي فمها
صارم ولاأحب التثني والنعومه والبرود
*****مثل الجبال اللي تلاطم بالسحايب شمها
المرهـــــــــــف